［八年回望］原來剛剛好八年，咁順手講下。
1. 本身一早識我嘅當然知亦都見過。但就是咁的，八年前今日，我就在烏克蘭。其實係出完差去倫敦再去烏克蘭。當時未結婚但都有循例同囡囡講下，咁反正都有共識唔生仔（＊）
2. 呢個，就係登登登登，大名鼎鼎，惡名昭彰嘅，烏克蘭切爾諾貝爾核電廠，四號反應堆。只此一家。
3. 當年已經有得跟local tour，而家更加係阿豬阿狗都識去。當年都要千幾蚊港紙，正宗貼錢買難受，搵命搏，吸收輻射為禍下一代。
4. 出發前送輻射錶一個，仲要簽生死狀（！），講明各安天命，唔保證你，同埋你電子器材嘅安全。果然去完我部相機就死咗，個變焦真係蕉咗，而SD卡都死埋。不過後來修復返部份，所以你先有呢張相睇！
5. 講返四號反應堆，最近只可以去到呢度。唔好諗住癲到入去影石棺。有冇人會試走入去？總有的，但有軍人隨團（＊＊），應該會射低你。你下次可以試下。亦都有閉路電視，唔好諗住整古做怪。
6. 呢張影冇，但都話隨行有個輻射錶，去到呢度就真係你外圍（三十公里禁區）嘅幾十倍了。外圍係12，嚟到呢度係400以上，係咁跳。但唔好驚，咁先正常。如果唔跳幾十倍就證明個錶壞。呢度只能停留幾分鐘。專家話停留一陣對健康冇影響嘅。咁梗係啦，又唔係專家去。
7. 又同意，其實去到四號反應堆前面，個錶都未係最勁。你如果放落地下啲泥土先最勁，所以千叮萬囑叫你唔好掂啲泥更加唔好拎返去玩。我返酒店都即時洗咗對鞋，返到香港好似掉咗。
8. 可惜當年只有Facebook，但流動上網好似未係好盛行，我都係返酒店先整相，所以冇得直播。果然係富貴不還鄉如錦衣夜行，冇Facebook Instagram微信邊有咁多人跑馬拉松上珠峰？
9. 呀仲有，臨走呢，仲有部機畀你玩。就係度下你輻射有冇超標，都有啲緊張架。江湖傳聞話咁多年得一條友爆標（即係，部嘢流的？），即時就送去醫院。有冇出返嚟就唔知了。定佢係超人個friend核能人（又，超人大戰核能人，套戲真係爛到九彩）
10. 不過，當年我作為去切爾諾貝爾嘅少數香港人（Netflix 當年寄緊DVD咋親），都引起咗啲鬨動，有報紙嚟訪問我添。但我後來發現係綠色和平嘅，咁就No thanks啦。擺明配合佢地講「核電好危險」嘅主旗律。咁又唔係有錢收，睬你有味啦，我好得閒咩。
11. 打後幾年，直到而家，都仲有啲輻射後遺症。主要係成日發火啦，朝早唔多想起身啦，日頭冇乜精神啦，鍾意食煎炸嘢食甜嘢啦，夜晚唔願訓啦，成日都好累啦咁。不過多數星期六日症狀就冇咁明顯。
12. 又，我前後去咗三次烏克蘭。可談之處甚多。但真的，啲女真係好靚。
13. 所以啦喎，我係一個財演，但我係一個去過切爾諾貝爾嘅財演，仲係一個去過瓦努阿圖嘅財演。人都係一根蘆葦啫
（＊）我好奇怪啲人可以結咗婚先話「一個想一個唔想」。唔係溝通好晒先結婚？結婚前唔講呢啲，唔通討論西多士落奶定落糖漿？不過又，好多嘢有人會反口，況且講真人會變，never say never，反正又唔係「合約精神」
（＊＊）其實入去禁區一定要軍方批文，所以我懷疑啲團根本都係軍方啲友搞的。你去之嘛，又唔係佢去。況且人地條命邊有你咁值錢。又，有午餐添喎，都OK好食（天寒地凍乜都好食啦），保證食材嚟自區外—佢話。唔鍾意嘅拎個康師傅去都得嘅，我估—但咪又係輻射水。咁真係你唔食嘢都得嘅，但我冇見有人咁老土，反正成團都係鬼，得我一個亞洲人
（＊＊＊）無法唔講，其實最震憾係，有架私家車，將我地由基輔市中心車去切爾諾貝爾（你以為係幾十人嘅團？）。最正係個司機用啲極重口音嘅英文問我地，Video？English？但其實根本冇人答佢都照播，就係播 切爾諾貝爾事故嘅紀錄片！包你未出發先興奮。而家我估係播Netflix了，你去過可以話我知。不過而家你應該可以自己望電話睇TVB，當年我地就真係睇記錄片的（你鍾恴訓覺都得嘅）。可能係為咗嚇走你，最好未去到目的地全部落晒車走人，咁就提早收工。
sd卡修復 在 [心得] SD Formatter 記憶卡還原修復程式- 看板Storage_Zone 的推薦與評價
版友們大家好~
冠元小編今天不是來廣告的，來雞婆小小教學一下！
現在的記憶卡用途很多，
有一大部分的人平常並不會把記憶卡移除原有裝置去進行備份或還原。
但是像用於行車紀錄器這類長時間循環寫入設備的用途,
因為記憶卡會長時間處於沒有空間搬移的狀態。
不管是速度下降、有時間會有錄影定格、資料遺失、卡片不穩定、
一直出現格式化、無法格式化、檔案無法刪除等等...
都建議每隔一段時間使用SD協會提供的SD Formatter進行完整格式化。
好的使用習慣可以讓記憶卡的壽命延長。
●此修復程式會導致資料消失，請先備份資料再進行使用。
SD協會提供SD Formatter 下載網址：
https://www.sdcard.org/downloads/formatter/
小編沒有業配唷！
此修復方式不限於冠元的記憶卡，
各品牌各用途卡片皆適用唷！
當然,如果跑過SD Formatter後仍無法修復,
請自行找原廠或經銷商進行保固唷！
--
※ 發信站: 批踢踢實業坊(ptt.cc), 來自: 36.227.254.191 (臺灣)
※ 文章網址: https://www.ptt.cc/bbs/Storage_Zone/M.1637551393.A.B0F.html
※ 編輯: tcelltc (36.227.254.191 臺灣), 11/22/2021 16:16:01
... <看更多>