【有了你】
（請注意，此文章可能呈現一片白色，戴太陽眼鏡方可閱讀內容）
其實書裡面我都有寫過初戀嘅故事，不過個重點其實唔係我，係陳百強就算離開左我地，佢都能夠改寫一個人嘅故事。如果唔係陳百強，呢段關係唔會出現。其實依家每次回想都會覺得好不可思議，襯今日係Danny生日希望可以同大家分享呢個故事。
呢個男仔其實係我小學同中學嘅同學，大家雖然認識左十幾年，但係到真正開始認識都係考dse果年嘅事。原因就係一個名校secrets嘅post，想當年睇名校secrets曾經流行過，而有一次有篇post就係寫「有無年輕人鍾意聽舊歌」，咁呢個男仔就comment左話佢好鍾意聽舊歌，比我個friend見到之後就tag我話「你個friend喺度」。我留意到個comment之後就發現原來自己隔離班有同好，喺個comment度傾下傾下就發現佢好鍾意陳百強。
其實我當時唔係成日聽陳百強，比較多聽梅姐同埋阿Sam。當時對舊歌呢方面嘅認識仲唔係好深，但係就因為佢而嘗試聽陳百強。因為遇到知音好難得，但係因為中學怕醜嘅關係就算喺學校見到佢都唔夠膽同佢講嘢，直至我有一日行書局見到一本有講Danny嘅書，本書就係《光與影的集體回憶》。咁我估佢會鍾意睇，就send左個message比佢同佢講有呢本書佢可以買，跟住一直都交流左好多心得，最後仲約埋一齊去唱k，果日仲要係梅姐嘅出道日子，雖然同一個唔熟嘅人唱k好奇怪，但係是但啦，難得搵到知音。之後我地間唔中都會去睇下黑膠，去深水埗行下。
如是者過左大約兩年，我去英國讀書我地都有繼續聯絡。直到一個聖誕我就發現感覺好似突然唔同左，雖然我之後都係翻左英國，但係就開始曖昧，跟住佢某日就寫信（因為我地老餅）俾我話我翻香港就一齊去啱啱裝修完嘅星光大道，咁我翻到去之後我地就喺梅姐嘅銅像旁邊決定一齊。其實依家記起都幾sweet，因為佢知道我鍾意梅姐哈哈哈。我就算翻翻英國讀書我地都有書信來往，懶係浪漫咁寫d舊歌歌詞～
大概咁啦，其實真係好難得可以搵到一個鍾意舊野嘅另一半。我地兩個都相信係Danny撮合左我地，因為如果唔係佢鍾意陳百強，唔係我見到一本Danny嘅書，我地都唔會一齊。咁亦都因為佢，我開始鍾意聽陳百強，亦鍾意左陳百強。我記年份唔係好勁，我每次講起一首Danny嘅歌但係唔記得咩年我都會問佢確認，好簡單嘅動作但係我覺得好浪漫哈哈哈哈～佢鍾情香港歷史，亦成日會為我講嘅嘢做backup，講下d冷知識，分享d好書比我睇。
我地一齊左無耐之後我地都去左將軍澳探Danny，多謝佢成就呢段美好姻緣比我地。
再次祝Danny生日快樂，多謝你！
——
圖片：截自1981年《失業生》
secrets歌詞 在 #ISM10176 "凈系放歌詞冇咩隱... - Instituto Salesiano Secrets ... 的推薦與評價
#ISM10176. "凈系放歌詞冇咩隱 https://youtu.be/JST-TlOTRec". أحدث منشورات الصفحة. Instituto Salesiano Secrets, profile picture ... ... <看更多>