［Interactive broker收皮？］應該你收佢都未收
1. 今朝見到唔少人都傳呢段嘢畀我。記住，你心中要乜，就會有乜出現。話盈透（＊）／interactive brokers／IB啲客炒爆期油，可能要自己上身，「隨時收皮」云云。
2. 遇到呢啲傳聞，第一時間，梗係Fact check一下。特別係如果梳屎係「我同事」。可信性可能同打風嘅碼頭老鼠消息，貨櫃場消息差不多。
3. 岔開少少講，吾友 軒翥而翔 ，早排講佢朋友滯留在尼泊爾經歷，有人質疑佢作故事，主流媒體都未報。其實換著第個我都可能質疑，但係佢寫我就會信。唔止係因為我同佢朋友（我好似N咁多年冇同佢兩個人食過飯，私訊都少），而係，正如佢講，佢有頭有面行走江湖，使唔使或者敢唔敢作故事？
4. 想講嘅係，呢啲咪「品牌」。唔係保證，但至少錯咗嘅，你可以求證返。我個情況都一樣，唔係無名無姓聽日就改名嘅。點解啲人信大品牌？因為我聽日可以搵你晦氣，唔怕你忽然間走咗去。
5. 同樣地，等於嗰邊版主話頭，人地出去做consulting都$XXXXX一場啦，早排有人懷疑佢昆水，但人地使唔使呃你幾舊水？你呢個情況放落我度都一樣，埃汾打餐邊爐都千千聲啦，請部門下屬食飯都天香樓啦（梗係我自己畀，唔係開公數），居然有人覺得我要唱好股市呃你嗰幾舊水佣（仲要99%你唔會去我公司買）。你幾十億身家？
6. 講返，我去FC一下，其實真係唔難，一般情況，你Google 下，已經可以篩走八九成嘅假新聞—奈何好多人係咁都懶，然後仲話自己獨立思考，OK。
7. 我搵返呢段新聞，似乎係真係有的。但，冇乜真係可靠嘅媒體有報。公司彭博機有，但都係quote 上quote．另外就係Zero Hedge Seeking Alpha之類，User generated content，不一定可信。
8. 最似樣嘅源頭，係迫仙甩屎威也（https://bwnews.pr/3cwRMZQ）。好似係畢菲特門下嘅嘢，應該可信啲？但我見IB網站冇出過咁嘅嘢，睇佢地剛剛出嘅業績都好似冇講。
9. 但，呢啲情況，「都係小心啲好」，冇問題。呢度唔係法庭，唔使beyond reasonable doubt，唔使疑點利益歸於被指控者。你傳間公司爆煲，多數人都係寧可信其有即沽架啦。同擠提一樣。
10. 好啦，所以，疑點利益歸於指空者。我就當有件咁嘅事。
11. 個盲點係乜？個盲點係，屌，7億。好多錢？對你嚟講就好多嘅。
12. 呢個亦係我多返強調，行家（埃汾假假地都CFA兼Research Head仲係港大精算喎，夠唔夠照？唔夠都冇計），分析員或機構投資者睇嘢，同喱文唔同，其中一點就係，量化，量化，量化呀！
13. 故事人人識講。嘩油價跌頁岩氣爆煲呀還唔到錢呀銀行又爆煲呀世界大戰呀。嘩油價升航空公司爆煲呀還唔到錢呀銀行又爆煲呀世界大戰呀。港仔跌又嘩外資切尼呀法治已死呀係咁走錢呀仲唔仆街。港錢升又有人話（真係有！）嘩梗係有人係咁買因為之後人民幣大跌。萬能的
14. 但，量唔量化到？佔幾多？
15. 亦係Google下就知（其實只要你識做呢樣嘢已經叻過八九成人），睇到公司有幾大（https://on.wsj.com/2VqivBy）。公司講緊14億美金，近100億港紙嘅book value。輸7億，當然有啲影響，但收皮？差矣。更何況，正路呢啲數，唔會全部走晒數嘅。
16. 定你又想講「最壞情況」？咁最壞情況割包皮都可以收皮的，剪指甲都會死的。
17. 更何況，你見businesswire 篇嘢（如果係真），都講明The Company does not believe that any anticipated losses will have a material effect on its financial condition。拿，美國，出假聲明好大罪架下。
18. 當然，以上不代表你應該買IB呢隻股票，本人同佢地亦都零關係，更唔代表佢唔會爆煲（可能另外又輸咗幾百億呢，「你點證明冇？」）。
19. 不過，都係請循其本，瘋傳呀，朋友講呀，手動轉呀，多數都伏。
20. 事關重大，再講一次，本人同IB任何人都冇關係，亦冇人叫我寫呢篇文。只係有人傳畀我我就求驗一下。IB爆煲都唔多關我事
（＊）可能真係淫者見淫，但我覺得「盈透」呢個譯名好鹹濕。應該係我個人問題
--------------------------------
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
seeking alpha收費 在 美股夢想家- 前陣子有朋友問投資美股要用什麼APP - Facebook 的推薦與評價
Seeking Alpha 提供許多分析文及法說會資訊，而雪球則因為是中國開發的，有許多中文資訊，也有很多高手在裡面，若對中國資安沒有特別疑慮，也可以使用。 ... <看更多>