【MK果實能力者】
MK・Ringo：BLAME THE CITIZENS?
北京市政府最近就為強制垃圾分類做緊諮詢，諗住逼北京市嘅人要將家居垃圾分類，唔係嘅話就要罰你錢同埋喺社會信用系統度公開你嘅資料。
(Link：https://news.now.com/home/local/player?newsId=367491&refer=)
睇返上面篇新聞其實你就會知道，喺北京嘅勁松五區，有好多「智能障礙」垃圾桶俾你做垃圾分類，拎下積分換下禮品咁樣嘅。不過就算做到咁，個成效都係好差，咁究竟係出咗啲咩問題呢？
其實喺唔少人眼中，一個社區、城市或者國家做唔到回收分類嘅原因，主要都係同動力有關。例如做回收有無獎㗎？唔做又有無罰㗎？唔做又會唔會俾人罰㗎？不過似乎大家就無諗過，其實喺一個回收計劃入面，重有好多好重要嘅元素。
我哋睇返北京市呢個例子，我哋可以知道佢哋設立嘅「智能」回收機機器，其實當地嘅人根本唔識用，成為咗一個「障礙」，合二為一成為咗一個「智能障」系統嘅體驗。因為呢個「智能障」系統就係缺少咗回收計劃入面好重要嘅兩環，就係用嘅人嘅體驗同埋指引足唔足夠。
當你要設立一套關乎市民日常生活嘅機制嗰陣，喺無任何賞罰制度嘅時候，你想你套機制可以成為市民生活嘅一部份，你套機制就一定要貼近佢哋嘅生活。以香港為例，香港喺公共屋邨入面嘅回收桶，基本上同垃圾桶數量一樣，而且又會同垃圾桶放埋一齊。住喺屋邨嘅市民其實唔需要行遠啲，或者特登去搵先搵到回收桶去丟自己嘅回收品。但係當你出咗去行街，回收桶其實就未必周圍都係。再加上你行緊街，就算你搵到個回收桶，你手上面嘅樽都未洗乾淨，唔通又直接掉入去個回收桶咩？
而我哋睇返北京呢個例子，好明顯嘅就係，佢哋去諗呢套「智能障」機制嘅時候，根本無考盧過用嘅係咩人多。無錯，理論上中國大陸好發達、好文明、好智能，就算無豬肉食，都應該有部iPhone喺手嘅。但係對於無智能電話，又或者係唔識字嘅市民呢？ 佢哋又點樣參與其中呢？更何況，你部機連電都無插，住喺嗰度嘅人又回收條春咩？
其次，做好指示（姐係教育）對呢啲回收機制同樣重要。當你推出咗一套機制之後，你當然都要教人用啦。喺回收嘅位置放指示就少不免㗎啦，但係其他地方可唔可以都放啲宣傳品呢？電視廣告呢？電台呢？社交媒體呢？ 又或者掃街，派傳單派入屋呢？我哋可以望下香港，當年一出回收桶，電視廣告、電台、網上、街招同埋喺回收桶上面都痴滿咗教大家簡單分類嘅文宣。之後啲文宣亦都教埋你邊啲物品唔屬於紙、邊啲係唔可以回收嘅膠、掉落回收桶之前有啲咩要做等等。不過就算係咁都好，香港嘅情況其實都重有好多進步空間，因為過去幾年喺市民層面嘅回收機制一路都無進步過，有機會再同大家講下。
不過喺北京呢個例子入面，我相信文宣多少實際上可能未必同個成效有關。因為講到尾，你見到文宣唔代表你會即刻識字，又或者你睇完個電視廣告唔會突然買咗部iPhone，所以我嘅結論係呢個計劃最失敗嘅原因係在於，無好好咁樣了解過市民層面嘅實際情況。呢個就係政策推行無考慮過使用者實際體驗嘅問題，簡單嚟講就係唔貼地。呢啲其實只要稍為用腦諗下就知，落地實察一下就會見到，不過，你又點可以要求呢個以形式主義為重心嘅國家去了解佢嘅人民實際嘅情況呢？
因此喺呢個咁嘅情況，政府都重可以覺得係喺個懲罰機制上唔夠力度，只要加入埋一個懲罰制度就可以解決到回收不足嘅問題嘅話，咁我就只可以同北京勁松五區嘅果班成為咗政府用嚟展示國家「智能障」嘅市民講，你哋都係唔好買華為小米喇，死死氣咁買返部iPhone啦。
（本欄逢周六更新。敬希讀者垂注）
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
send錯email回收 在 【Gmail收回信件】取消寄出去的Email，以後寄錯信不再尷尬！ 的推薦與評價
博客被GFW封鎖，需全局翻牆進站）https://bearteach.com/bearman/5157一鍵訂閱翻牆教程https://s.yam.com/5ms6PFacebook粉絲 ... ... <看更多>