【你唔做大把人做】
OT到 9點，本身今日冇晒力，但係見到 #我是康仔 分享咗一個頂爛市嘅故事，又勾起我之前甩咗一單Job嘅慘痛經歷。
半年前幫個客聘請做飲食業嘅Marketing，我派去Interview嘅求職者叫Helen，呢個女仔對答得體，過往經驗同呢份飲食業Marketing Job有99%相似， 叫價又貼市，仲唔係絕配？可惜我得到嘅答案係：「Sorry 阿聶，我哋揀咗第二個。」
天外有天，明白既，又唔使Sorry～
「唔係呀，Helen好好多，但我哋請咗個完全唔掂嘅求職者，俾咗個test佢做文案校對，條題叫做：帶你入元朗食好西！呢條友做完個校對test，話條題漏咗個東字，改返做： 帶你入元朗食好東西！」
咁盞鬼？搞gag咋下話？咁你又唔要Helen？
「Helen叫18K，呢個好東西話9K都肯做，老闆話Marketing一街都係，9K同18K都唔大分別喎，你明啦……」
明，我梗係明啦，啲求職者成日俾人壓價，咪就係因為一班好東西頂爛市囉，否則大家嘅人工又點會停滯不前啫，你唔做，大把人肯做，割喉價又有，唔收錢都有，你仲要諗呀？返去等消息啦！
https://www.facebook.com/mynameishong…/posts/220156548511870
【去吧！義工兵團】
打工仔最忌咩人？可能你會話係「老細」，但康仔就認為頂爛市想搶你飯碗嗰啲人先最攞命！為免一班正義俠士同本地體壇死忠插我，康仔先旨聲明，呢篇文係以普羅打工仔角度出發。
話說香港超級足球聯賽有隊生力軍叫夢想FC，佢哋喺Facebook出Post請緊Senior Marketing Executive，估唔到竟然有人留言問可唔可以義務打呢份工，真係睇到我火都嚟埋。喂大佬！家陣2017年啦，落茶記嗌個麵餐加杯凍飲都要三草嘢啦。生活逼人，有夢想都要食飯㗎，唔好咁啦好冇？
我明，呢位仁兄對本地足球充滿熱誠，貼錢返工佢都可以好開心，但呢個世界唔係個個都係富家子弟，有好多有心兼有料之人希望寓工作於娛樂，搵到食之餘亦可以全情投入份工，你咁樣頂爛市真係搞壞行規喎！
而家啲HR成日壓求職者價，幫公司慳到兩、三百蚊就以為自己立咗大功，正正因為有人頂爛市，先至會有呢班自以為好L醒嘅HR。皇馬同C朗拿度我都鍾意，但如果你問我會唔會唔收錢幫皇馬打工嘅話，Sorry，呢世都唔會 ！
來源：夢想FC Facebook
#港超聯 #夢想FC #我撐本地波 #香港勁揪
senior marketing executive人工 在 Trip.com - Facebook 的推薦與評價
(認真)【Ctrip 請Senior Marketing Executive】 是咁的，腦細今日無啦啦叫咗小編入 ... 旅行，嚮往自由待遇： 人工高、福利好（其實見仁見智） 返工可以上Facebook、高 ... ... <看更多>