本人由於團隊突破40人,最近考試中人數也超過一打,@jolamsecretary 工作壓力實在太大,要負責我的保單、新人考試入職等管理工作,因此急需聘請多一名秘書,最遲下個月開始入職。
我的條件十分苛刻:
1. 你要真心欣賞林作。不能是繼拳賽記者會後才開始,必須是早已傾慕。我很注重忠誠度。沒有忠誠度,不請。
2. 要有從事保險經驗。本人不能重新培訓一個新人,沒有這個時間,業務繁重,而本人將會是打破本公司紀錄兩年間成為總監的第一人,聘請的秘書會是總監級秘書。處理文書能力必須一流。
3. 年紀並無限制,但確實不能太年輕,否則難以管理 #林作保險 幾十人團隊。
4. 需要有良好英語溝通能力,主要是寫,因為本人私底下基本上用英文。
5. 需要沈實型,工作時間必須在,能夠做到隨傳隨到,主要是電話上溝通。要有交帶,做事有條理,真正像個秘書。我需要 WhatsApp 上是個喜歡回覆人,多嘢講的人,不能沈默寡言。但不能煩。You must know your place.
6. 公私分明,不搞派系,不搞小圈子,有禮貌,對人尊重,做人嚴謹。
7. 有拍片及運用 Social Media 能力。因為本人完全靠呢味為生。
8. 本人聘請的是 executive assistant, 需要幫助埋本人其他方面的工作,例如本人可能會參與節目拍攝方面需要的支援。
9. 本人期盼的是長期的合作,我們會親密無間。如果你不是打算建立長遠事業,非誠勿擾。
10. 鑒於本人目前團隊仍未達到總監級人數,目前開始的人工不會太高,但承諾在一年後本人升值後商討合理價格。我們是細價股,但可能是全港最激動人心的團隊。而你的老闆,將會是林作。
最後,現任其他團隊秘書的秘書,將會被獲得優先考慮。因為上手快。冇錯,這是赤裸裸的挖角。秘書們,請廣傳此post俾你的同行們。當然,這並非代表非現任保險秘書就沒機會了。
想你的人生變得更有趣、事業可能更廣闊嗎?跟我。
DM我預約面試吧!
#林作保險 #林作秘書
「social media executive人工」的推薦目錄:
social media executive人工 在 辦公室日報 Facebook 的最佳貼文
看CV的人 (四)
又嚟正經嘢,之前講完1-5,今日講埋 6)舊公司Job Title隨時累死你,全部附帶真實個案。
===============================
我個friend話佢男友想轉工,搵Marketing,畀咗佢Linkedin我,睇到佢男友個Job Title之後本身唔想打去,但都要畀畀面既。
「Dickson,你做咗5年Sales Executive,而家轉行做Marketing可能難少少,會唔會考慮其他Sales嘅工作呀?」
「唔係呀,我完全係做Marketing架,brand promotion、social media、edm,仲有SEO全部都係我工作範疇。」
「咁你使唔使Sell客?」
「唔使呀,我直情唔使出街見客。」
「吓,但係你個Title又叫Sales Executive?」
「係咁架,我都同公司反映過,雖然我做Marketing,但佢哋一嚟已經係Sales嘅Title。」
Dickson send過好多份CV出去都冇回音,係見都冇得見嗰隻,我提議佢做一個好簡單嘅動作,就係喺佢Linkedin同埋CV嘅Sales Executive職位後面,括住(Marketing),結果唔使等我介紹,佢已經好快有人叫佢見工,仲有offer添,最開心係佢同佢女友都多謝我,呢份滿足感確實幾大。
好多公司嘅Job Title都九唔搭八,做緊嘅嘢同份工完全冇關係,咁樣只會令到個職員將來再搵工時偏離本行同埋本身技能,限制咗佢哋嘅出路,有時我都諗呢啲公司係咪特登靠害。
其實我覺得社會上仲有一個Title係會累死人,就係Account Manager同埋Account Executive,明明係Sales,但因為「客」喺公司內會被視為「Account」,做Sales跟客,即係跟Account,所以成日聽到「呢個Account跟成點呀?」、「再跟唔掂,呢個Account我畀第二個跟。」
可能喺英文方面講得通,但係喺香港呢個社會,仲有好多人覺得Account即係會計,眼見唔少新入行嘅HR同埋同事,請緊隻Sales但收到份CV寫住Account Executive之後即刻Delete,咁又埋沒咗一個求職者。
同樣地,出隻稿請Account Executive或者Account Manager,亦有好多做會計嘅人Send CV嚟,不如一人行多一步,真係會計就用Accounting啦好唔好?
仲有啲公司好鍾意係唔係都叫Manager,最大原因係用嚟見客方便,Manager話得事吖嘛,而且你搵個Sales Executive見客,咪好似冇咁重視個客囉,不過問題嚟喇,下一份工點算好呢?
我有個朋友最近搵工就遇到困難,因為佢之前份工叫Sales Manager,人工15,000,佢見到另一間公司請Sales Executive,人工18,000,點解Executive人工多過Manager幾千呀?因為Manager嗰份根本係Executive囉,佢全公司都係Manager。咁點解佢Send CV見一份Executive又冇回音呀?咪就係因為佢叫Manager囉。
全民Manager嘅概念應該係嚟自傳銷,你買還原水機或者香薰入會,再介紹啲下線,咁你就係藍寶石經理架喇。
以上都係公司改Title名害死人,但有一種係自己搵自己笨。
我同事請個14,000蚊CS,嘩頂,收到個CEO嘅CV,雖然一樣有個C字啫,都唔好咁離譜吖,定係又玩埋啲「CEO」 stand for 「Check Email Officer」嘅爛gag呀?
咁我同事打去問啦,24歲仔,畢業第一份工就係CEO,點解呀?原來份工係同朋友搞網上生意,公司得兩個人,後來因為生意唔好,兩人計落每個月都係得幾千蚊落袋,所以重投社會搵嘢做,可惜搵咗半年都未搵到。
24歲仔,份CV一劈頭就係做過CEO,咁真係好難唔失業半年喎,如果唔想嚇親人,自己嘅小生意可以唔寫Title,改為寫Self-Employment,咁樣應該會好少少。
#我都係辦公室日報CEO
#我仲成日去CEO唱K
#Director係我係我
#COO又係我
#CFO同UFO都係求其一句啫