今次真係幾特別～
一來我真係6-7年冇參加比賽，唔多唔少都怕比人比下去、有壓力，比賽同表演嘅感覺真係好唔同，我要學習調整自己嘅心態。
二來第一次同霖霖師傅Anson Lo一齊喺個咁正式嘅台上演出🎸🎤其實真係好開心😃
當然都多謝哂偉哥ArWai Chan 同波子哥Steve Cheung啦～～～有你哋back住真係三生有幸🙏🏼
嗰日真係病到七彩，發燒燒咗足足一日。訪問又係咁抺鼻水，但大家都唔嫌我煩。
我盡咗力喺台上，我覺得好滿足。多謝觀眾們投咗咁多票比我，你哋嘅認同令我覺得唱沙把聲值得。😭
最後輸咗其實同我有冇病嘅結果都一樣，意料之內。相信朋友們都喺決賽前聽我講過我會輸，我心知肚明好清楚，係有人比我唱得好Judy Boodey Yin。但係今次比賽令我識到咁多玩音樂唱歌嘅朋友，認清自己嘅實力，我得著咗好多！最重要，我得到好多靚相😂
唔知有幾多睇哂我講乜呢？睇哂留個言，支持下啦😘♥🎸
【熱誠SING級終極對決 熱誠皇者誕生！】
經過兩個多月嘅不斷磨練、挑戰、升級，「FWD熱誠SING 級」四強歌手終於殺入決賽！邊一位可以脫穎而出，登上冠軍寶座？
👧 張紫語 Jelly 唱 《青山散步》 清新可愛
👦 羅俊傑 Kit 唱 《囍宴樂隊》 悠然自得
👩 吳筱茵 Candy 唱 《無盡》 澎湃激昂
💃 殷穎怡 Judy 唱 《多得他》 千迴百轉
皇者已經誕生，但熱誠仲要繼續升級！冠軍素人歌手將會踏上萬人大舞台，同 ViuTV《ShowTime 我主場》 嘅歌手吳浩康、小肥、Alan 、羅孝勇同台交流、仲會同特別嘉賓許志安一齊盡展熱誠歌聲！另外，佢更贏得 FWD 送出嘅日本 Busking 之旅，親赴東洋展示無限音樂熱誠，實現目標！
#FWD熱誠SING級 #ViuTV
