#NonLoveStory #story27066
[點樣可以環遊世界]
Re #story27057
我同呢個樓主嘅夢想好類似，當我身邊所有人都係到講緊去歐洲美國exchange嘅時候，我就專走去報d冷門落後嘅地方d大學exchange。當我d friend 問我畢業後想做d咩， 我就會答話係做十年八年野，跟住就退休，用一大半生去環遊世界，自己一個都無所謂。可能好多人都會笑我話不切實際，甚至話我低能，但係相比起留係香港，用大半份糧同大半生供一層可能只係得四五百呎嘅蚊型樓，我覺得會選擇後者嘅人先係白痴囉。
有d friend雖然可能自己都有d想咁樣做，但係可能跟住就會同我講，‘吊，你老豆老母比錢你先可以咁啫’，係，我認，如果有老豆老母幫手嘅話（例如唔使比家用，甚至會直接比錢你等等）咁當然會容易好多。但係其實如果你屋企本身有層樓，而你又係繼承人嘅話，等到你父母百年歸老後你嘅身家就會一夜之間飆升幾百萬（香港地而家閒閒地一層樓都4，5百萬啦，何況講緊20，30年後嘅樓價）。當然我唔係話要你好想你老豆老母快d死，不過呢個只係遲早嘅問題。以香港平均壽命84歲減去平均生育年齡31歲計，你係53歲嘅時候你就會攞到呢筆可以係一個無咁發達嘅國家養到你過世嘅錢。
講番正題，即係你自己存款要夠你用到53歲為止。如果一個普通人畢業後每個月可以儲到6000蚊嘅話，做十年野後應該會有一百七十萬，即係呢170萬要夠你用大約20年。如果買入‘穩陣’嘅收息股嘅話，有五厘息就即係每個月有7000蚊。係香港當然無可能生活到，不過係洗費低嘅‘落後’國家就基本上一定夠使。
所以話，其實30幾歲退休環遊世界其實唔係好難，如果真係想去做嘅話就而家趁後生嘅時候去做啦。
#薄扶林大學 #HKU
===============================
===============================
:D A OR F 潮TEE 正式開賣！買兩件有折 ==>
【http://dryup.xyz/product/white-a-or-f-tee/ 】
:) 分享你嘅小秘密 ==>【 http://bit.ly/sharesomething 】
B-) 成為專欄作家，讓更多人睇到你嘅作品 ==>【 http://dry.hk/beblogger/ 】
