📍ʜᴏɴɢ ᴋᴏɴɢ, ᴄᴇɴᴛʀᴀʟ 🇭🇰
<中環休閑茶飲店 TeaLibrary>
Tea Library係一間係五月嗰陣正式開始營業嘅茶飲店,不過其實係佢哋未開業之前小編已經有留意,因為佢哋標榜係一間純天然嘅茶飲店👏所有飲品都係用原片茶葉沖泡唔落茶粉同任何化學物質。聽到咁健康就梗係要去試吓啦😏
Tea Library嘅茶飲就可以分為五大類,分別係高山烏龍茶、雲南珍藏25年普洱茶、清香極品鐵觀音、銀毫茉莉龍珠同西方茶。另外店舖嘅裝修感覺就比較休閑,而且係一間少有會提供座位嘅茶飲店👍
🍴白桃銀毫茉莉龍珠
評分:8/10
個銀毫茉莉龍珠店舖寫到明係來自福建省福鼎縣,而白桃方面就標明係用日本/澳洲嘅白桃。店舖首先會將白桃打成果汁,之後再加入銀毫茉莉茶。
飲品出到嚟係天然嘅粉橙色,賣相非常之吸引😍而飲品入口嘅味道會比較清甜,茉莉花茶嘅味道就會比較突出☺️不過由於白桃本身係屬於一種比較淡味嘅水果,所以相比之下白桃既味道就會比較弱。另外飲品個甜味自然得來又唔假。而茶底入口方面,由於茶底本身都加咗白桃肉落去打,所以飲品出嚟個口感會比較濃厚😯整體嘅味道都比較自然👍冇糖漿味。
價格:HKD $43
🍴芝士草莓極品鐵觀音
評分:8.5/10
小編一開始見到草莓同鐵觀音呢個配搭真係嚇咗一跳😨心諗兩款味道夾唔夾點解可以擺埋一齊㗎?所以都抱住一個好奇嘅心態去試吓🤔估唔到出嚟個效果原來又真係幾夾喎😯
飲品用嘅清香極品鐵觀音係嚟自福建省安溪縣,而草莓就係用咗紐西蘭長柄草莓。店舖個奶蓋就係用咗cream cheese、牛奶打成,所以相對亦都冇咁易溶👏
飲品入口就帶有少少小清新嘅感覺,草莓嘅味道就會比較重,而鐵觀音嘅味道就會相對比較淡。不過其實仔細啲飲又可以飲到鐵觀音本身嗰種蘭花花香味,齒頰留香👍飲品嘅底部仲有大量一絲絲嘅草莓肉添,所以感覺上真係超級健康架🤗而奶蓋入口就帶有微微嘅芝士鹹香味,配合埋個茶底一齊飲感覺上就唔會太油膩。而且店員仲會喺奶蓋表面灑滿一層薄薄既抹茶粉,所以入口都會有淡淡的抹茶香味。
另外如果將個奶蓋同個茶底Mix埋一齊飲,出嚟個味道仲會變咗係草莓奶昔添。兩款飲法都一樣咁好味☺️
價格:HKD $48
——————————
店舖名稱:Tea Library
環境:5/5
服務:4.5/5
地址:中環擺花街24號地舖
交通:港鐵中環站C出口,步行約3分鐘乘搭行人扶手電梯於第二個出口,再步行約2分鐘
——————————
#hkfoodie_life_中環
想睇翻同類型既食評👇
#hkfoodie_life_茶飲
.
.
.
.
.
#tealibrary #tealibraryhk #milkcaps #jasminetea #tea #cheesemilktea #fruittea #cheese #芝士奶蓋 #奶蓋 #奶蓋茶 #水果茶 #中國茶 #茶飲
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
tealibraryhk 在 Bella Lam 林穎彤 Facebook 的最佳解答
收工去支持吓朋友先👍🏻飲好味茶😝無糖漿無化學香精,果然係朋友,知呢兩樣嘢打動到我瞓身推介🤣
@tealibraryhk
#中環擺花街24號地下