IG 大熱韆鞦原來係咁玩
今次係我第三次去 Bali，男友第一次去，好熱衷去老遠嘅梯田… 我地綿羊仔自駕遊，由酒店去梯田要揸個半鐘，我淨係負責坐都覺得辛苦… 好在途中去瀑布游水可以舒緩下... 坐到屁股開花終於嚟到呢個係Instagram好紅嘅打卡勝地 Tegalalang Rice Field。
相比起我三年前自己一個黎(當年坐酒店車塞左兩個幾鐘)，呢度多咗好多打卡裝置，有好多鳥巢同韆鞦。我哋揀咗呢個雙人韆鞦，100,000印尼盾 （~HKD 55)，有安全帶扣着，由幾個本地後生仔人手操作將我哋 fing 來 fing 去，有一個人就負責揸機影相同拍片。唔好睇小佢，我真係好鬼驚不停大嗌，好似玩機動遊戲咁，你越驚佢哋就 fing 得越大力。
呢個梯田由我三年前黎已經覺得係成日落雨，今次都唔例外，又係陰天有毛毛雨。個景係好上鏡點影都靚，不過光線就欠奉，平時IG 見到嘅藍天白雲相好可能係執出黎。
我地張相都係唔夠光，個天又朦，我又冇錢買 Photoshop，所以都係用 gouache 畫幅先敢放係呢個 FB Page。真果張相就放喺冇乜 follower 嘅 IG page…
真相後面仲有個紅衣女郎影緊 catalog... 我地行過時見佢膠面兼濃妝(遠睇好靚），地下一大堆連身裙，有三個人幫佢影相同換衫，講普通話，疑似影淘寶網店相～
有時覺得寫旅遊 blog 應該推介有咩好玩，但我嘅 honest review 係，好玩嘅野往往有唔好玩嘅地方。個 Bali Swing 係幾好玩，但班男仔唔多尊重女人，其實我唔推介大家去玩，不過個畫面好靚我又想 post... 個梯田係好靚，但係又好塞車… 所以網上見到嘅野真係好片面，要自己親身去到先體驗到。其實成個 trip 最好玩係留喺酒店 hea 同喺附近食飯… 唔通又介紹咩 🤣
Instagram: hyatt.lam
