最後TikTok拒絕了微軟的全面收購，而選擇了Oracle的「信任技術合作伙伴」，係姆努欽同羅斯兩位白宮幕僚推動嘅結果：換言之美國政府極有可能放棄當初要求抖音全面交出所有業務，而退讓一步委派甲骨文進入TikTok內部檢視所有程式碼是否符合美國安全，TikTok亦將繼續在美國運營，而甲骨文就將會以「TikTok雲端服務提供者」作為回報。
雖然特朗普仍然有可能在最後關頭拒絕這個合作方案，但姆努欽與羅斯無可能響推動過程中未咨詢過前者，而參與方案制訂的女婿庫什納亦可視為特朗普特使。
呢個收購結果，再次延續特朗普施政風格：往往就係Trump先提出一個嚇死人嘅激進方案，然後再由白宮幕僚做白臉「勒住勒住」修正為比較溫和現實嘅最終方案，一方面好多技術問題係要有專業幕僚落實，另一方面有左呢種心理錯覺，最終方案好似比較「溫和」，亦容易被接受得多。
雖然有人擔心甲骨文最終無成為TikTok大股東的話，監察權有限，但個重點係只要TikTok唔聽話，Trump係隨時會發爛渣中止營運，所以TikTok根本無選擇餘地只能被予取予求。
有趣嘅係，呢個亦係繼中興之後，美國公然委派監察代表進入中國企業。中共之前先話要響所有中國企業派駐黨委以確保企業配合黨領導，如果特朗普日後響所有對美國有威脅嘅中國企業又安插番一個監察代表入去確保符合美國利益，咁呢啲公司開董事會果陣就真係好睇過半澤直樹。
tiktok收購結果 在 TikTok美國業務的收購，已確定微軟出局；被中共新版《中國 ... 的推薦與評價
TikTok 美國業務的 收購 ，已確定微軟出局；被中共新版《中國禁止出口限制出口技術目錄》規範， TikTok 的演算法無法賣出；傳甲骨文有望接手，最後 結果 ... ... <看更多>