問：
1.想問問一d冇問extent既題目(do you agree, turning point), 我個立場可唔可以有extent？
2.同埋想問吓同一種題型(如to what extent, how modernized) 係DBQ同Essay遇到會唔會有唔同既處理方法？例如如果我DBQ答to what extent 可唔可以就咁列四個同意，一個不同意既point, 唔做比較就話大程度上同意？
答：
其實你要區分清楚題型先，如果係問「Do you agree」嘅話，都有兩類，一類一係果多因評論題，另一類係兩極化評論，做個示範，先講解一果多因評論題：
「政府黑箱作業是否香港電視拎唔到免費電視牌照嘅最主要原因。」評論此說能否成立。
其實上面已經肯定左「香港電視拎唔到免費電視牌照」，只不過問緊「政府黑箱作業」呢個因素係咪最重要因素，呢類係一果多因嘅題目。係呢類題目裡面，你唔能夠以程度入題，因為「最」只有一個。假如你大程度上同意政府黑箱作業是香港電視拎唔到免費電視牌照嘅最主要原因，咁小程度上係邊到呢？假如有一個因素比「政府黑箱作業」呢個因素重要，咁「政府黑箱作業」呢個因素就唔係最重要因素，換言之，你即係唔同意題目所言。因此，一果多因類嘅題目係唔能夠以程度入題。
但係，假如題目係兩極化題目，例如：
「馬國明是一個靚仔。」評論此說能否成立。
至於上題，由於無既定事實(或無主項)，加上無最主要等比較類字眼，因此係屬於兩極化評論題，係呢類題目，你係可以以程度入題，例如馬國明在大程度上是一個靚仔，只要你能夠指出佢靚仔嘅地方，而呢D靚仔之處係多過唔靚仔之處，你就可以證印馬國明在大程度上是一個靚仔。當然，你亦都可以完全同意題目，而無需以程度入題。
至於第2條問題，其實當題型係資料題同論述題同樣問法地出現嘅時候，佢地嘅答法基本上係相同，因為作答應該根據提問字眼嘅要求黎回應，甚至乎其他科嘅出法相同嘅時候，答法都係相似。但當然，由於論述題時間有成45分鐘，資料題分題得10幾分鐘時間作答，因此資料題對於篇幅同作答要求都無甘高。
至於「to what extent」呢類題目同評論題相同，都係分一果多因程度題同兩極化程度題。如果係一果多因程度題嘅話，你就必須要將題目嘅主項同其他因素做比較，但如果係兩極化程度題嘅話，就可以直接提出贊成題目同唔贊成題目嘅論，而唔需要做比較。而呢個做法，無論資料題同論述題都係相同。
所以，如果要學答程度題同評論題，首先第一步就要學識分辦一果多因定係兩極化，如果你判題判錯嘅話，答法都會截然不同，變左可能未能有效回應題目。
to what extent答法 在 1.想問問一d冇問extent既題目(do you... - Dse歷史科資源網站 的推薦與評價
至於第2條問題，其實當題型係資料題同論述題同樣問法地出現嘅時候，佢地嘅答法基本上係相同，因為作答應該根據提問字眼嘅要求黎回應，甚至乎其他科嘅出法相同嘅時候， ... ... <看更多>