唔想share TVB嘢，但得呢條片影到警察入港鐵車廂無差別打人，畫面同721好似，一樣咁恐怖！
P.S. 1: 聽得出TVB個新聞報導員唔敢講警察打人，只講佢噴催淚水。
P.S. 2: Upload係因為知道TVB好快會cut走
tvb新聞報導員 在 Leo Ball Facebook 的精選貼文
同時也有1部Youtube影片，追蹤數超過8萬的網紅Jackz，也在其Youtube影片中提到，奪命急口令已經加上中文字幕，歡迎開啟觀看，謝謝。 完整字幕： 「你好 另外呢仲有金利豐證券黃德几 Dicky你好 Dicky呢 好呀唔該曬 以上嘉賓係金管局同證監會既持牌人 以上談及結構性產品並無抵押品 如果發行人或擔保人無力償債或者係違約 投資者可能無法收回部份或全部應收既款項 結構性產品既價格可...
tvb新聞報導員 在 西樓月如鈎 Facebook 的最佳解答
自從打完上一篇文之後，我見唔少人都有疑問，問我當父母咁樣咁樣問時應該點答。其實我都要重申，答佢嘅問題係重要，不過你要理解佢背後點解咁問都重要，深層原因係咪對某啲概念唔認識？所以如果你係理解嗰個人，知己知彼，知道佢盲點喺邊，咁樣先容易做。
所以好多時我哋都要分辨究竟說服緊嘅對象係一個 點樣嘅藍。有啲係單純有一份愛國情操嘅藍，你可以試下黨國分開； 有啲係受過高級知識教育， 佢唔係有盲點，佢只係社會既得利益者，唔想亂，所以就唔關說唔說服事，有啲直情好愛黨，咁你更加難去說服佢。
今次會講下點樣說服我媽媽， 因為我媽媽係另一種人，好感性嘅女人，又有愛國情懷。
媽媽係一個好容易有情緒嘅人，所以基本上我只要激起佢嘅同情心咁就可以，呢個時候嘅做法不外乎係播一啲片段，將YouTube／Facebook啲片喺電視機播。
攻方面係721元朗恐襲事件、警察打人例子，守方面係播下示威者嘅團結、善行（幫小朋友洗眼）、二百萬人遊行畫面。
呢啲都係震撼人心嘅場面，對感性嘅人最有說服力。
例如我播721元朗恐襲事件，我阿媽已經開始鬧：
「吓？咁樣都得嘅！？警察呢？保護市民唔係佢哋天職嘅咩？」
呢個時候其實你唔需要講太多嘢，只需要做返你一個新聞報導員嘅角色就得，（懶係）好公正好平和客觀咁樣去幫佢旁述。
「係呀報咗警，搞咗成粒鐘都未有人嚟，啲無辜嘅人被人打到流晒血，仲要一個白衫嘅都冇拉過。」
「咁仲有天理嘅！？嗰啲示威者又拉得咁快？」
自此佢無幫過警察講嘢。
第二，其實我知道我媽咪佢之所以藍嘅原因，係因為佢睇報紙一直都係睇開東方，電視就睇TVB。
呢個都係老一輩接受資訊嘅問題，就係好單一，被紅色媒體影響咗，身邊嘅人又喺度亂Send假消息出嚟。
咁所以我會幫佢擴闊更加多嘅渠道，畀佢接觸到新嘅資訊。例如幫佢訂閱咗蘋果，幫佢手機Down App，教佢點樣睇NOW、有線新聞，教佢點樣去分辨手機一啲真假嘅訊息。咁佢接觸多咗，就知TVB係唔公正。
我阿媽算係易搞嗰啲，但因為佢有愛國情操，對中國始終有情意結。我嘅做法就係將佢呢種情意打開，分返黨國， 不停同佢講番中共歷史，點樣搞亂中國。
就係透過食飯嘅時間，不停咁同佢分析中國嘅對香港嘅干預，例如匯控嘅ceo落台，中國借咗香港4200億美元血汗錢唔還、點樣逼害維權律師、點樣逼害天安門母親。
「50年代，打反革命分子都死咗一百五十幾萬人，殺咗八十萬人。成個50年代初就殺咗四百萬人。反右運動將二百萬人打成右派；大躍進又餓死三千萬人⋯⋯而家打貿易戰又唔理民企生計，邊有國家咁唔理人民㗎？」
「真係無陰公！！！！」
「所以你話俾孫中山見到，百幾年前革命，到今日都無民主，一定激死佢啦，革命義士啲血白流。」
日日同佢講共產黨史，就令佢分返開黨國，而家佢係主動聊我講示威啲嘢，企返喺年輕人一邊。
其實到最後，我哋都係要多啲了解返自己父母喺個點樣嘅人，先容易用適合佢嘅方法去令佢哋接受緊而家發生嘅事。有時都要問自己，自己了唔了解自己父母。同埋，都要接受有啲人係溝通唔到。祝大家好運！拜～
#西樓月如鈎
tvb新聞報導員 在 Jackz Youtube 的最讚貼文
奪命急口令已經加上中文字幕，歡迎開啟觀看，謝謝。
完整字幕：
「你好 另外呢仲有金利豐證券黃德几 Dicky你好 Dicky呢
好呀唔該曬 以上嘉賓係金管局同證監會既持牌人
以上談及結構性產品並無抵押品
如果發行人或擔保人無力償債或者係違約
投資者可能無法收回部份或全部應收既款項
結構性產品既價格可以急性可以急跌
投資者有機會蒙受投資既全盤損失
而過往表現並非未來表現既指標
所以投資之前呢 請參閱相關既上市文件
作出風險評估同埋尋求專家既意見
我地聽日同樣時間會再同大家見面」
【FACE即時】姜文杰都挑機 急口令主播林芷彤係黃絲
高登新女神，口技神乎奇技的眼鏡娘林芷彤，十五秒急口令唔知有無令佢有機會「創富」，主播rapper夠煞食應大把市場。呢個眼鏡娘主播，查實係樹仁新傳系畢業，亞視財經女主播出身，2013年尾離職，轉過行去美聯物業，不過唔係做經紀，都係做製作內部節目之類，期間佢在中文大學兼讀公共行政碩士學位，到上年二月過檔大台，做「創富坊」主持之一，今年亦會在中大碩士畢業。
上年十月，《一群無綫新聞部記者公開信》聯署聲援，就大台新聞部管理層對有關警方在龍和道清場新聞的處理遺憾，名單唔見有林芷彤份。不過睇返佢facebook，仍見佢用黃絲帶做大頭相，而公開的僅有一張相，亦係同前政務司司長陳方安生合照，立場好明顯啦，如果下次有《撐起雨傘》rap版，可以誠邀佢錄喎！
http://hk.apple.nextmedia.com/realtime/magazine/20150501/53693538/
【求字幕】林芷彤15秒急口令
網民：我不斷loop嚟聽，係咪黐咗線？
「李小學雞力持」早前幫港人講地拍咗條片，五官痙攣一樣諷刺反政改人士「念口簧」式嗌口號但又「冇橋」云云。不過李力持嘅所謂「念口簧」只係鼻同嘴抽動。想學真正念口簧，要學佢——大台財經節目《創富坊》嘅林芷彤BB。
今日網上流傳一條只有33秒嘅片，就係林芷彤嘅念口簧式急口令示範。如果你有聽過，而又可以完整打到字幕，你贏。不過，打到字幕又點，根本快到出唔切。(搵片？Google打「林芷彤」、「急口令」就有啦)。
林芷彤BB所念嘅急口令內容，其實係免責聲明，即係「過往業績數據並非未來業績嘅指標」嗰啲，林芷彤BB用咗15秒，將成段水蛇春而句子偏長嘅聲明讀出，快到根本冇人聽得到。咁，林芷彤日日都要讀/背，日子有功，發開口夢都隨時背到。有網民好努力咁整理咗一個「近似」嘅字幕:「免純嘉賓利金木？(真係唔知講咩......)同埋證監會免稅同結構性產品並無抵押品，若發行人無力償還或違約，投資者可能無法收回部份或全部應收款項。 結構性產品嘅格價可以急升可以急跌，投資者有機會蒙受投資嘅全盤損失blablabla…」
睇番林芷彤以前啲YouTube片，發現佢講嘢其實都ok快，而今次呢個世界級示範要快成咁，可能真係「時間無多」，而免責聲明又一定要讀，所以先至迫到林芷彤要表演急口令真功夫。雖然大家都根本聽唔到佢讀乜，紛紛留言:「得番15秒，焗住講咁快囉!」、「我不斷loop番嚟聽，我係咪黐咗線？」、「我個腦浮出『雙層牛肉巨無霸~~~』」、「股票市場分分鐘都係＄，唔講快啲點得呢⋯⋯」
其實，如果林芷彤去講《賽馬直擊》或者講波，都有得諗。
http://hk.apple.nextmedia.com/enews/realtime/20150430/53691667
影片來源：
林芷彤急口令・絕冠TVB
https://www.facebook.com/anchorlady/videos/942836325767145/
@新聞女郎
林芷彤嘅急口令係最快最完美嘅 ＞＜“ 150429140400_085_1.ts
anchorlady 新聞女郎 …
http://www.facebook.com/anchorlady
Help us caption & translate this video!
http://amara.org/v/W8md/
