多Like 少Like，還是隨心就好了。🤗
《網上嘅廣告價錢，就好似香港嘅樓價咁，其實唔值㗎 …>>
之前同幾個做開marketing & pr嘅朋友吹水，佢哋講緊聖誕節同埋農曆新年，兩個節日嘅promotion 邀請唔同嘅網上KOL, 大家耳熟能詳嘅網絡紅人，有幾十萬fans嘅KOL, 佢哋嘅收費， 係嚇到你個心離一離，就算圍內班friend 聽到未聽過嘅KOL, 佢哋一次promotion嘅收費，都幾乎等如一個普通打工仔嘅月薪。然後朋友就話好多 KOL 都好唔值， 而且KOL 嘅廣告成效其實難以量度，好多likes 係咪就代表到品牌生意提升好多？ 搵一個唔係好靚唔係好出名嘅KOL, 對branding嘅作用大咩？個promotion 會令人remarkable咩？KOL promotion 其實好多時似乎係為做而做。
我覺得唔單只係KOL promotion, 根本上，所有廣告都難以計算成效，而其實廣告嘅作用，好多時都唔係為咗宣傳自己嘅品牌，就係我哋成日講嗰句，advertisement is not for customers, advertisement is for boss…
簡單嚟講就係應付老細，以及「人哋個brand做，我哋冇可能唔做」嘅羊群心理。舉一個簡單嘅例子，大家睇咗咁多年tvb嘅賀年廣告套餐，嗰啲賀年廣告同觀眾拜年嘅訊息，宣傳作用係接近零，點解仲有咁多公司keep住做呢啲冇用嘅advertisement, 甚至有啲公司會逼自己嘅同事上鏡，一齊講恭喜發財，其實呢啲冇意義嘅廣告，好明顯係高層指示，應付boss 屎，更加證明到advertisement is for boss 嘅真諦。
而KOL只會愈來愈唔值...
老實講我覺得KOL就好似香港嘅樓價咁，佢實質嘅用途，同佢市場嘅銷售價，其實係唔成合理嘅正比。KOL嘅作用，同佢嘅廣告效益，係唔成正比， 正如香港層樓實際建築面積，可以畀到你嘅空間，同佢「攞你命3000 」嘅價錢，都唔係正比㗎。但當全世界都覺得需要KOL(樓) 嘅時候，全世界都覺得公司要跟風做KOL promotion, KOL 嘅demand 就變成接近inelastic, 呢個情形exactly 就好似香港層樓咁，人人都覺得需要一層樓，去證明自己嘅成就，以獲得安全感，樓就有inelastic demand, 愈來愈貴，愈來愈唔值。
online promotion愈來愈唔值，而最唔值嘅就係facebook嘅ad, 我只能夠話，你可以指責佢，但係你離不開佢 ...
有人指出facebook 越嚟越唔能夠顯示到自己like過嘅page, facebook 根據唔同人嘅preference, selectively咁顯示內容，原意係好，因為你like嘅嘢越來越多，佢冇可能顯示全部。 佢只可以根據你嘅喜好，派返你應該鍾意嘅feed 俾你，facebook係好卑鄙咁利用咗你嘅喜好來賺錢。
有人話 facebook 初頭好好用，後來變得越來越唔好用，老實講任何一個platform人越多，就會越嚟越唔好用，就好似香港人越多， 越嚟越唔可愛一樣。當一個地方人越多，想喺呢個地方搵錢嘅人就會更多。其實喺facebook想搵錢，而且比facebook 嘅 mark 更貪婪嘅人其實更多。
可以話facebook就好賤格咁，當facebook係白粉，初頭唔洗錢，導你升仙之後，收費就越嚟越貴。其實mark作為一個生意人，唔需要 considerate, 體諒用者嘅感受，又有啲人覺得，佢賺咁多錢就應該為大家著想，大家會唔會諗多咗，點解會expect有錢人仁慈。
facebook 最聰明嘅地方係佢使用咗競價廣告嘅形式， 價高者得，價高者就可以接觸到最多用戶，只會將ad嘅minimum charge愈推愈高。
有人話轉用instagram, 唔好用facebook就可以解決到「成日接收到廣告訊息嘅機會」，大家好似忘記咗ig都係facebook嘅分公司，ig 而家做緊嘅嘢，就係十年前facebook做緊嘅嘢，到大家慢慢咁習慣用ig, 最後離不開ig, 到時就可以喺ig不停收費。就算有一日ig同facebook嘅platforms唔再存在，都唔等於呢個網上廣告費用越推越高嘅模式唔存在，其實只會衍生其他嘅social media platform, 嗰啲social media platform最終都會用facebook 嘅形式營運同賺錢，係有新嘅social media出現取替舊嘅，但係呢種越來越唔值嘅網上競價廣告形式係唔會終結，呢個廣告模式一開始咗就停唔到。
只有老嘢先至會用facebook, 但係亦因為只有老嘢先至會用facebook, 先至令facebook越賺越多錢 …
所有老嘢都好似溏心風暴入面啲人物咁，
佢哋總係慢半拍，到大家都唔用facebook嘅時候，佢哋先至用，覺得自己好跟到潮流。某程度上，facebook嘅競價廣告形式，係可以提供畀老嘢好大嘅安全感，facebook嘅競價廣告，有錢就有數據，有like數。可以用錢解決問題同用錢量度效益嘅嘢，啲老嘢就最鍾意。老牌公司就係要呢一啲安全感，只要畀咗錢出去，就有like數，就可以同更老嘅高層交代。見到有啲根本同網絡世界背道而馳嘅大 品牌，都要夾硬懶風趣幽默咁喺facebook落廣告，可想而知 facebook競價廣告畀佢哋呢啲大品牌嘅廣告宣傳部幾大嘅安全感。
多得呢啲缺乏安全感嘅大品牌，佢哋將網上宣傳成本越推越高，咁點樣可以入打破網上廣告費用越推越高嘅 制肘呢？ 就要靠所有創作人嘅創意， facebook競價廣告可以用錢製造數據，但只有創作人嘅創意，先可以達到真正嘅宣傳viral效果， facebook或者其他social media platform嘅環境越艱難，就愈考到所有創作人嘅創意同功力喇。
viral marketing例子 在 Facebook Fans Page專頁管理．Social Apps應用程式．病毒式 ... 的推薦與評價
Social Media Marketing(SMM)社交網絡推廣行銷方案: 提供Facebook Fans Page ... social marketing campaign, 網上社交媒體市場推廣, viral marketing videos, ... ... <看更多>