［由任天堂動物森友會講起］照舊，獨角號獨家文，重點合作對象，記得like 佢地Page，支持佢地等於支持我。
任天堂股價好強勢，應該好多人都知啦。動物森友會嘛（＊）。首先就疫情受惠股，個個困在家打機。二來亦因為之前中國同第度（越南？）停工，主機供不應求，甚至二手價貴過一手（但其實唔關任天堂事，多咗舊錢唔係佢袋，只係反映有幾搶手）—近來先出返貨云云。即時大陸好似下架，都完全冇影響股價。呢啲其實不用多講，你地熟過我
反而想講係，任天堂as an investment（講句英文就好似型啲）。年初跑贏晒指數不在講，任天堂升一成，日經跌兩成，如果只計疫情呢浸仲勁。計五年仲明顯，任天堂升超過一個開，日經原地踏步
更好玩嘅係，我覺得任天堂，同埋不少日本股票，似乎仲係小小嘅綠洲，至少令大家有咁嘅幻想。即係乜？即係仲可以玩到，股壇許冠傑，廢老Peter Lynch講嗰套，過時而新一代冇乜共鳴嘅，「生活投資法」
呢浸，明顯係因為動物森友會，同埋主機賣斷市。之前話同騰訊合作，又炒過一輪（http://bit.ly/2UYhvWI）。再早啲，Pokemon Go又炒過一浸（雖然最後發現表錯情）（https://bbc.in/2V5e6DU）。再再再早，06-08嗰劑，Wii新上市大受歡迎，股價升咗5倍幾。呢啲都係夠晒時間畀你買，又可以係普通人觀察到的
推而廣之，其實日本好似唔少公司都係咁。美股近三五七年在香港好受歡迎，固然因為中港股令人失望美股表現好，但亦因為美股啲故事好Sell。Facebook，Starbucks，至少你睇得到，好過我同你講某中國核電廠有資產注入市。
我覺得日本股票都有呢個特質，加上同美股一樣，整體都係算比較（幾時都係相對）公道，比較少搵股東笨。但最重要都係，故事。你見之前我都寫過，肺炎四寶口罩股（http://bit.ly/2SflaLP），或者田總Nike新鞋決定影響日本波鞋股（https://bit.ly/3baeTJm），甚至係三菱化工做肺炎疫苗（https://bit.ly/2Vzxvfk）
再扯遠啲，日本人口下降，吸移民吸外資勢在必行。而你見日經都買埋Financial Times，都幾多文講日本公司日本股票。我覺得係一個大trend嚟的
可惜我唔識日文，否則就轉型做日本股KOL，甚至去日本公司拍門。我覺得有得玩的。當然香港散戶好難買日本股，亦冇乜人做呢啲嘢—但咪就係去非洲賣鞋咯。咁去本州賣身，好過去長州（香港嗰個，唔係山口縣）迫爆啦—賓客人數實在太多了。
（＊）冇玩過，其實我連Pokeman Go都冇玩過，Wii我都冇玩過（人地屋企就有嘅），我連Play Station都從來冇打過（咁在人地屋企打或者樓下試玩就有嘅）。實情我最後打嘅機係紅白機同世嘉Mega Drive—就連超任都冇。我雖則迷打機，但好早已甩癮。後來打街機就幾多，電腦game都唔多，反而啲扭蛋課金手遊都玩唔少，一個月課金千千升咁計，直到舊年。
wii全套主機 在 搜尋Wii 產品資料- DCFever.com 的推薦與評價
Wii主機 - 任天堂just body Wii主機×... HK$80. 大雄1434. 79 日前 · 3. Wii主機連game. HK$300. 熊貓人. 86 日前 · 5. Wii 全套+ 震震底+ Wii Fit 板+ 500g... HK$599. ... <看更多>