關於 xianggang警察 ，我們在網路上蒐集到這些相關的討論、資訊與評價

//差人用閹來形容在職期間，貢獻所有努力、精力、體力；毫無保留，退休之日，再無力侍奉他人，多真誠啊！番閹者，殘存點滴，甘願奉獻，報效黨国，鞠躬盡瘁，至死方休，多忠烈啊！閹得好！//
#喜出望外
#王喜

全文：https://s.nextmag.hk/e/b0w3O896Y9

【喜出望外】欺华怕日（王喜）
https://s.nextmag.hk/e/pLqkiq4BN9

【喜出望外】警說 721（王喜）
https://s.nextmag.hk/e/y7E0s0D7p9
-----------------------------
【訂閱制一周年優惠 8折年費$288 兼送十大獨家爆料eBook 📚】
立即訂閱：https://s.nextmag.hk/e/NXeKVODrVZ
-----------------------------
【💪#和你撐壹仔計劃 每月$300起 https://s.nextmag.hk/e/qvtlf3GXn7】
【📣 #號召有心人 購買贈閱券請香港人睇壹週刊： https://s.nextmag.hk/e/3DCMTtOQr6 】
-----------------------------
🦠武漢肺炎專頁🦠
緊貼防疫資訊！與你遠離瘟疫 睇清官謊！
https://s.nextmag.hk/e/F2Kry67L03
-----------------------------
🇬🇧英國移民、升學、就業、買樓生活資訊
加入走佬去英國 － BNO 5+1 移民資訊研究所：https://bit.ly/2D9QsjG
-----------------------------
#專欄 #壹週刊 #香港警察 #xianggang警察 #元朗721 #踏浪者行動 #劉業成

【白俄羅斯與 Xianggang的距離】

討論 Belarus 抗爭，記得用返「白羅斯」，唔好用「白俄羅斯」啊！人哋就係唔想同俄羅斯痴咁埋，特登改官方中文譯名。

對白羅斯抗爭者而言，「白俄羅斯」就好似「xianggang」咁難聽。

FB洗晒板，相信大家都知道來龍去脈：在位 26年的盧卡申科不承認最新選舉結果，有可能高票當選嘅反對派候選人被迫流亡，街頭抗爭不斷、警察暴力鎮壓。﹙未知嘅可以睇台灣聯合新聞網的整理：https://bit.ly/33ZrDBP﹚

白羅斯抗爭背後，同香港相似之處不僅在於抗爭手法同警暴：有隔離大國強行融合、有瀨俄共﹙？﹚瀨出 backfire嘅傀儡政權、有因武肺而起嘅民間自救、有 DQ。睇完之後，作為香港人，你會更加覺得白羅斯嘅抗爭者，值得你去聲援。

********

1. 點解白羅斯要同「白俄」劃清界線？

記得 2018年去烏克蘭採訪，講起同俄羅斯嘅恩怨，必會提及白羅斯：喺俄羅斯嘅史觀當中，俄、烏、白三民同源，皆為古國「基輔羅斯」﹙Kievan Rus'﹚子民，不過俄羅斯覺得自己係大佬，「自古以來」其他兩國都係佢嘅，烏克蘭只係「小俄」，白羅斯則為「白俄」。而家連烏克蘭都 hold唔到，白羅斯更加唔可以放。

俄白兩地政、社經緊密嘅程度係去到，烏克蘭人講起白羅斯，就好似香港人講起澳門咁樣。

融合由葉利欽開始，普京上任以嚟，更有意用「聯邦」方式直程吞併白羅斯，又想喺白羅斯起軍事基地。俄羅斯養住呢個「歐洲最後獨裁者」，但畀嘅好處都係為咗加強控制：俄方一直低價賣原油畀白羅斯，變相補助嘅金額一度去到相當於白羅斯 GDP 五分之一，但今年年頭突然話要停止供應、加價，並拒絕協商，除非白羅斯同意同俄羅斯喺軍事、政治、經濟上進一步融合。

近年，白羅斯已經多次爆發反融合示威，民眾擔心喺盧卡申科治下，白羅斯作為獨立國嘅地位不保。

2014年嘅烏克蘭廣場革命，令盧卡申科揣揣不安，擔心自己都會被人民推翻；但白羅斯人民亦都因而見到曙光，知道俄羅斯嘅控制唔係一世都擺脫唔到。

********

2. 盧卡申科點解要同俄羅斯對著幹？

俄羅斯嘅「祖國關懷」之霸道，連一直受莫斯科庇蔭先在位咁多年嘅盧卡申科都頂唔順，不得不嘗試與俄羅斯拉開距離，否則自己連總統都冇得做，只能做省長。

近年，盧卡申科開始向歐盟、美國、甚至中國示好，想逐步減少對俄依賴；去到選舉前夕，驚輸的盧卡申科使出絕招，出手拘捕 33個懷疑「俄羅斯僱傭兵」，嘗試擺出一款對俄硬起來嘅形象，甚至指控反對派候選人，係俄國大亨暗中出錢支持嘅「鬼」。

普京政府對盧卡申科亦都越嚟越唔耐煩。但如果今次盧卡申科因為保位而同歐盟再次反面，普京就可以坐收漁人之利，以協助控制局面為利誘，逼盧卡申科屈服，完全控制冇晒 bargaining power嘅盧卡申科，食咗白羅斯。

所以白羅斯抗爭今次一輸，真係會輸到連「國家」都冇埋。

********

3. 抗爭者係咪為咗支持反對派候選人走出嚟？

事實上，白羅斯次次總統選舉，啲反對派候選人下場都一樣，唔係坐監就係流亡。

2020總統選舉都未開始選，3個較有實力嘅候選人已悉數被「提名無效」， 2個拉入監倉，1人流亡去國。三人之中，甚至有兩個都唔係咩「抗爭陣營」，而係當地精英階層推舉出嚟嘅挑戰者，都要面對如此待遇。

示威喺選前己經爆發，未選就拉咗 600幾個抗爭者、記者。最終代表反對陣營出戰嘅，係37歲嘅 Svetlana Tikhanovskaya，佢係其中一位被捕候選人嘅太太，係臨危受命出面挑戰盧卡申科嘅 Plan B。

對此，盧卡申科講咗一句：白羅斯冇人會投個老婆囉，個社會唔 ready投畀女人。佢嘅理據係：憲法要求總統強勢主導，所以憲法下女人唔適合做總統。

輕敵放人入閘就啱啦。

於是喺「 anyone but 盧卡申科」之下， Svetlana就搞到盧卡申科輸到造票都唔掂。不過，Svetlana 喺示威爆發不久後就流亡立陶宛，仲多次呼籲示威唔好咁暴力，同勇武「割蓆」。

然而，當日投佢嘅選民，有不少只係為唔投盧卡申科而投，所以示威者之間，對 Svetlana 是否支持都未必一致。人民係為咗公義行出嚟，唔係為特定候選人。

********

4. 點解鎮壓咗 20幾年，盧卡申科今次會控制唔同局面？

因為俄羅斯嘅好朋友 — 中共輸出武肺啊。

為防經濟爆煲，盧卡申科拒絕頒佈 Lockdown命令，仲夠膽死同國民講「飲多兩啖 Vodka咪得囉」，一定要人返工，結果武肺大爆特爆，近七萬人確診，死近 600人。白羅斯本來就面對緊 25年嚟最嚴重嘅經濟衰退，加上政府應對武肺嘅差勁表現，盧卡申科頓變人民公敵。

而疫情有更重大嘅影響：喺一個極權國度，掀起「民間自救」風潮。

盧卡申科不承認疫情嚴重、官方數字不可信，白羅斯人想知道真實情況，唯有靠民間資訊。唔少人 search 吓 search吓，接觸到獨立媒體，亦因此見到官方宣傳以外嘅選舉新聞。

政府無能，白羅斯民間「疫下自救」，老闆主動要員工 WFH、民眾集資買裝備送畀醫護。呢股民間自行組織嘅慣性，轉化為政治運動參與，由做義工幫候選人收提名、到 TG吹雞示威，抗爭嘅唔再係多年嚟熟口熟面嘅「反對派」，而係因疫情自救而打開參與之門嘅一般人。

啲嘢做開、做慣係會有條路：一位醫生同反對派候選人同場，批評政府防疫不力而被炒，24小時內，民間就眾籌返一年人工畀佢；Tikhanovskaya被 DQ，Svetlana喺極短時間內就收集到所需嘅 10萬個提名去參選。

亦因為此，選後白羅斯會瞬間爆發出咁大規模嘅示威。

*********

白羅斯抗爭者用TG、 Be Water、模仿香港抗爭者裝備，相信大家都睇唔少，而彼邦嘅警暴，比起香港有過之而不及。不過，猶幸佢哋比香港更早得到回應：白羅斯政府釋放數千被捕者、道歉，外長尋求與其他國家就大選問題協商。喺歐洲國家加強制裁嘅壓力下，重新點票、甚至重新大選是否在望？絕對唔會善罷甘休嘅俄羅斯又會點樣出手？需要再觀望。

你可能會諗，點解人民對抗極權嘅故事，來來去去都係咁相似﹙尤其是當個極權係中國或者俄羅斯﹚。不過，只有曾經有過同樣經歷嘅人民，先會明白抗爭唔係畫面睇得咁簡單，唔係親歐 VS 親俄或親中 VS 親美咁表面，而係有血有淚，有人承受緊難以想像嘅壓逼，先會以性命相搏去反抗。

香港人，撐白羅斯！

《當理大再次出現在文匯報》

【編注：憤怒的醫科同學想借此平台發佈文章】

是的，文匯報報導理大科研成果（註1）。
當日在「理大圍城」一役中國際成名的理大，今次再度有幸榮獲文匯報刊載。

讓我們把時間倒帶回兩個月前，立法會撥款委員會在審議教育撥款時，臨時抽起對理大18億的撥款，同時也抽起對港大和中大兩間醫學院共2.5億的撥款。當時政府是如何回應議員的質詢呢? 教育局局長楊潤雄局長表明政府調撥資源「中間其實就一定有政治操作」（註2）。

回在今天，文匯報的報導充分顯示理大除了有優秀到連防暴警察都不得不讚的物理治療系，也有不遑多讓的科研成績。可循環70次使用的布口罩，比起林鄭輕輕一句「嚴密監察」，對「缺罩」的香港市民，尤其是基層人士，來得實在很多很多很多（重要的事情要說三次）。

另外兩間被「凍薪」的大學，港大和中大畢業的醫護人員，更是身處抗疫的最前線，面對內科病房長期爆滿（註3），從內地湧入數以萬計的潛在病患更是壓垮前線的最後一根稻草。我不是「賣花讚花香」，香港的前線醫護真的非常努力，也非常專業，是經過無數個不眠夜才培育出來，真正符合「國際標準」的醫護人員。

猶記得在醫學院一年級的人文醫學課上，袁國勇教授分享他對「如何做個好醫生」的心得。他提到行醫要精益求精，才能對得起醫生這個專業，無論知識上的進益，還是對待病患和與同事合作的技巧上，都要至臻至善。

袁教授的話讓我想起香港人之所以為香港人，不正正是因為這種精益求精的生活態度嗎？諷刺的是，林鄭政府倒行逆施，面對比03年「沙士」更嚴重的疫情，防疫工作竟然比當年大為倒退，忠誠勇毅止不了偉大的祖國傳來的北肺炎風暴，同心抗疫也制不了口罩之亂。可想而知，今時今日的香港政府已經不再是香港人的政府，裡面的官員，也算不上真正的香港人。

我們作為香港真正的主人，要康復香港，任重而道遠。有心有力者，請你（我）們無論身處何方，也要在各自的崗位上精益求精，讓香港人命運共同體能繼續成為我們本身的傳奇。畢竟「made in Hong Kong」和「made in Xianggang」還是有分別的。

說到底，還是離不開那八字真言。
光(康)復香港，時代革(抗)命(疫)。

註1：
http://news.wenweipo.com/2020/01/31/IN2001310018.htm

註2： https://m.mingpao.com/ins/%E6%B8%AF%E8%81%9E/article/20191130/s00001/1575082854467/%E6%94%BF%E5%BA%9C%E6%8A%BD%E8%B5%B7%E5%A4%A7%E5%AD%B8%E6%92%A5%E6%AC%BE-%E6%A5%8A%E6%BD%A4%E9%9B%84-%E8%AA%BF%E6%92%A5%E8%B3%87%E6%BA%90%E3%80%8C%E4%B8%80%E5%AE%9A%E6%9C%89%E6%94%BF%E6%B2%BB%E6%93%8D%E4%BD%9C%E3%80%8D

註3： https://www.hk01.com/%E7%A4%BE%E6%9C%83%E6%96%B0%E8%81%9E/284930/%E6%B5%81%E6%84%9F%E9%AB%98%E5%B3%B0-11%E9%96%93%E5%85%AC%E7%AB%8B%E9%86%AB%E9%99%A2%E5%85%A7%E7%A7%91%E7%97%85%E5%BA%8A%E7%88%86%E6%BB%BF-%E5%B1%AF%E9%96%80%E9%86%AB%E9%99%A2%E6%9C%80%E9%AB%98%E9%81%94121