個人覺得每次警方一開口：
或者我咁講啦
首先我剛才都提到
虛嘢慳啲啦，唉。
[記者質問警察問題節錄💪🏼]
今晚追返睇哂成個記招，今次個記者會超級長！但係問題每一個都好精彩！句句都問得好到肉😤
記者爆seed叫二哥直接skip去QNA，二哥最後無法抵擋記者追問，於是直接落咗問答環節。今日個個都係利君雅💪🏼😡
「阿sir其實你有乜都可以補出稿，不如畀我哋問咗問題先啦，好唔好？因為我相信PPRB嘅同事已經幫你寫好晒稿，可以upload上去嘅！你答左我哋嘅問題先啦好冇？」
「既然咁多問題未解答，不如俾我哋咁多行家一個機會有足夠時間等公眾嘅問題得以解答？」
「如果我哋問咗你咪唔使再講囉，你咪慳返啲時間囉！」
🔴有關警察扮示威者
「嗰班扮示威者嘅黑衫人係咪警察？點解記者質詢佢哋嘅以後唔出示返佢嘅委任證？點解要好似臥底咁樣去做？呢個行為其實係到底有冇構成道德風險或者法律責任？點解唔表明身份？淨係叫記者用專業知識判斷？咁樣有冇違反警例同埋普通法？」
「琴日有警察扮示威者挑起事端，再拉真示威者，然後作出拘捕？幾時開始混入？有幾多個警員參與？警方拘捕係咪需要遵守警察通例同埋普通法？負責執法嘅係咪全部都係警務人員？」
「有冇警員扮示威者？有定冇？咩叫扮唔同人物呀？宜家問有冇警務人員扮示威者？有定冇? Yes or no？」
「如果派臥底即係你不能用一個正常嘅途徑去搜查罪證，示威者兜口兜面企係你前面，你嘅動機到底係乜嘢？」
「點樣畀證據畀公眾知，你所謂嘅極端示威者所作出嘅行為唔係你哋警員喬裝嘅示威者？警員喬裝嘅示威者加入左集會，就係非法集結，咁係咪犯法嘅行為？」
「有關布袋彈射傷個仔女隻眼，負責使用武器嘅警員係咪會停職後查，過往你哋程序係咁，而家係咪冇咗呢個程序㗎啦？會唔會係喬裝嘅警員做嘅呢？佢哋唔會做犯法行為嘅證據呢？休班警都會犯罪嘅時候佢哋點解唔會呢？」
🔴有關警方濫用暴力
「爆眼少女，甩咗門牙嘅青年俾你地咁樣撳着落去，仲有被形容為行刑式，近距離喺港鐵站用胡椒球掃射示威者，呢啲係乜嘢指引？」
「已經講咗四次對唔住，我已經被你拘捕，我隻門牙甩咗喇，點解嗰位疑似警務人員都仲要係咁樣大力按着呢？咁樣係咪合法嘅拘捕呢？」
「示威者冇衝擊到，只係企喺個地鐵站度，係咪有需要衝埋去，喺電梯度推人同近距離開一支所謂冇好大殺傷力嘅武器，去令到幾乎釀成人踩人事件呢？當時前線嘅判斷係咪有商榷嘅地方，或者你哋需要調查佢哋嘅情緒係咪有問題已知道佢作出呢一個咁危險嘅決定呢？示威者都係人，市民都係人，警察都係人，每個人的生命都係平等，唔係你覺得佢哋破壞社會安寧，你哋就唔需要顧及佢哋嘅安全㗎 ！」
「但係個事實係已經有人碌咗落扶手梯，其實你哋有同事都跟埋亦都差啲碌落去，會唔會係你哋同事嘅情緒已經控制唔到，除咗不顧示威者安危，亦都唔顧自己嘅安危同埋同伴嘅安危？」
「乜嘢嘅情況之下可以係一米嘅距離射胡椒球？發射胡椒球距離嘅指引係幾多？係咪零距離都可以照用？喺電梯射胡椒球，喺一米距離，係咪乎合要求？係咪符合武力指引？係咪好滿意同好同意呢個行動呢？」
「根據一啲資料，話胡椒彈氣槍因為佢係氣體驅動，火力係17個焦耳，而香港嘅仿製槍多個兩焦耳視為真槍，你嗰支槍其實係超出咗一般市民所能夠管有嘅氣槍嘅火力相當之多，你講嘅係可以極近距離射嘅，市民係咪可以攞仿製氣槍，或者出超出法例要求嘅氣槍近距離射人而不犯法？」
「聽你講公眾安全係最緊要嘅，請問你點解可以起葵涌地鐵站向站內入面使用唔知胡椒球定係催淚噴霧，當時係未封站㗎，入面有地鐵職員同埋其他市民起入面，請問咁樣係咪合法使用？咁係咪罔顧公眾安全？咁你出催淚煙係咪就可以犧牲港鐵嘅安全呢？其他市民嘅安全同埋生命呢？」
「喺北角，有超過100個着唔同顏色衫疑似福建嚟嘅人士佢哋嘅行為既不和平，亦非有序，更加唔係合法，有記者比佢哋打架，包括港台同熱血時報記者，問吓點解你唔譴責同拘捕佢哋？如果有拘捕佢哋而家去咗邊？定係已經放咗呢？」
「有指香港警隊請咗外援，近日從內地引入左大概兩千人加入處理最近嘅遊行示威，可唔可以澄清番呢個數字，究竟你哋呢幾個星期從內地，或者駐港解放軍引入左幾多個內地人係幫香港警察執法，而佢哋係公安？係解放軍？係城管？定係其他人？」
「好多香港人對琴日眼部懷疑係中咗布袋彈嘅少女好擔心，呢位少女可能會失去佢嘅眼睛一世，你警方喺現場係因為啲乜嘢但佢頭部開槍然後要奪去佢去眼睛？佢當時做咗啲乜嘢行為要令到你哋咁樣做？」
「我畀少少資料你，十幾年前你哋曾經受訪問公開講過，布袋彈呢你哋個訓練係一定要有關人員係射大腿以下，若果中唔到大腿以下位置就代表佢唔合格，咁而家咁嘅情況你哋會點樣處理，會唔會停職？」
⭐️精彩回答⭐️
Er er sir：「咁我又反問一句暴力示威者喺裏面用彈叉，有冇諗過會打到途人呢？佢喺裏面燒煙霧餅，有冇諗過影響到途人呢？」
記者：「但係你哋係執法機關嚟㗎喎！咁係咪即係佢哋射途人，你就可以射途人呀？」
🔴有關警方插贓嫁禍
「我哋有同事影到你哋將啲丫差放入示威者嘅背囊度，你點解釋呀？呢堆證物係咪插贓嫁禍㗎 ？而家影住你哋係插贓嫁禍，將啲尖嘢放落示威者個背囊度！點樣叫人相信你哋呢啲證物就係喺現場檢獲？」
🔴有關警方公信力
「因為你哋過往有試過講大話嘅紀錄，上次北角呢，冇俾人圍緊你話有俾人圍，之後記者追問你哋冇澄清冇認錯，太多記錄可以睇到，你仲信唔信得過？」
「直至而家一共拘捕左幾多位示威者？激進示威者向警署投擲汽油彈有冇警員受傷？有冇統計過警方同示威者雙方嘅受傷人數？同埋有幾多個警察比雷射筆受傷？係雷射筆唔係雷射槍！眼部受傷警員係咪眼球爆裂呀？」
「一啲都唔個別呀，唔個別先至問你呀阿Sir ！唔只個別，只不過琴日太明顯，所以我哋先一定要問你！」
🔴有關機場
概括嚟講，坐喺度嗰幾條友，乜L都唔知，因為佢哋入咗嚟，冇帶電話，未有資料同涉及行動細節。
睇到班記者問到班所謂保護市民嘅警察口啞啞，大快人心而且好感動😭 多謝記者們😭
#真係好長
#有冇人睇得哂
