［生死時速！］有諗過叫《神奇小子》，或者《影武者》。但都係奇洛李維斯最好。而家啲友就用同一條橋去「扮工」，扮上堂。
而家人人都用Zoom，埃汾都在公司搞咗場talk，都幾順利。而家就有人播video或者貼自己張相，扮有份開—但其實行開咗。睇一次《生死時速》你就明（https://bit.ly/33PGxc4）
不用真人面對面坐低嘅會，最大嘅好處，就當然係可以個人在邊都得。實不相瞞，以前工作耐唔耐要同美國打call，本人開頭都好好地留在公司打，最多食埋飯先返上去，但後期就唔理了。在屋企呀，在街呀呢啲就固然玩過。後來當然更多唔同嘅地方。在日本在韓國放假開？小事。
最經典嘅三個conference call，一個在商場廁所入面（急嘛大佬），一個在時鐘酒店（你話做乜呢？），一個在……我朋友嘅葬禮—記住，係葬禮，唔係婚禮。即係中途我閃咗出去講。冇計，唔使做咩
如果計我見過最誇張嘅，當年彈珠機公司邀請去日本。有勤力嘅分析員在旅遊巴上最開conference call，架旅遊巴遊山口縣下關附近某山頭（七十一都冇間的，好似金田一咁）開去山口宇部機場。沿路絶對係雞泡魚多過人。
咁當然，有時啲會係有人打到入去，但只係名義上出席。正如公司啲實體會好多人都係咁，肉體出現靈魂唔知做乜，因為好多時個會得3%嘅嘢係關你事，而要你講嘢聽嘢嘅可能得1%。
去到Zoom呢類，就仲好玩。因為有個好邪惡嘅功能，老細必睇。就係可以設定Attendee attention tracking，睇到邊個離開咗個meeting三十秒的，係只要離開個程式就會發現。如果開Zoom會掛住睇連登或者睇埃汾Facebook嘅就會畀人發現了，唔開cam都會畀人發現你夢遊。科技真邪惡。唔怪得公司股價升咁多
咁當然，上有政策下有對策，聰明嘅新一代一早知道點玩。就係在背景loop段片，或者custom image整張virtual background相就得（https://bit.ly/2UjPCqc），可以係咁扮點頭（https://bit.ly/2JgivNL），睇下幾時先有人發現。
不過如果家用呢， Zoom background, 係要用Zoom Rooms嘅，盛惠500美金一年—不過你老細 你大學 好可能已經科咗水—然後畀你去用嚟走堂同扮工。
zoom rooms設定 在 【Zoom教學系列】如何在Zoom Meeting中分組 ... - YouTube 的推薦與評價
... <看更多>