話說尋日有讀者朋友問起泰國布吉的防疫隔離政策，咁我好簡單咁講一講（畢竟全都係我老公負責，我淨係講我要做嘅嘢）
首先你要有準備好嘅文件（我記憶中起碼係要有）
1. 臨飛前兩日嘅肺炎撩鼻negative 證書 （自己搵合資格嘅）
2. 在英國的兩針肺炎疫苗證明書
2. 泰國酒店發出嘅證書（證明你book嘅係佢地個list度指定嘅酒店）
3. 泰國發出嘅certificate of entry
4. 你買嘅肺炎保險嘅證書
5. 你已經book好在泰國第一日落地、第五日同埋走嗰一日嘅撩鼻測驗收據（證明你有book到）
全部print晒出黎。
然後上機會check一次、落機會check多一次，入境又會再check一次。
基本上一落機就會叫你去機場一角落檢疫區坐低，你會被十幾廿人9衝過黎1對1咁叫你準備以上嘅文件，並且提你拎定出黎。然後會再有白衫check你嘅文件一次，再蓋印同埋download一個泰文嘅apps，類似係泰國版安心出行（？！)下載完登記好就會叫你起身行去counter再check一次😂😂
然後就可以過關。
拎完行李，出機場轉左就會有一個test center，行過去佢會問你資料同埋叫你去旁邊的counter撩鼻。當你見到撩鼻姐姐時，唔好講咩，即刻禮貌地三跪九叩爬過去。點解？因為佢負責隊你個鼻，隊幾入隊幾耐係佢決定，我個鼻真係「未開發」，咁耐以黎都係自隊，第一次俾人隊原來真係會痛架 🙈🙈🙈
隊完後就可以搭酒店嘅車（請提早預約，因為政府規定你只能搭部份嘅車，我建議唔好煩，直接一早同酒店book，俾人隊完仲要自己截車返屋企嘅感覺堅唔ok囉）
去到酒店又再check過以上文件一次就返房等消息，呢段時間不能離開酒店房，等6-12小時後，驗疫中心會打俾酒店，然後酒店會同你講test result negative，你就可以行出酒店房周街去。
然後每日在酒店reception check 體溫一次，酒店會用你在機場download的那個apps核實。
直到第五日就再去test center撩多一次…
就係咁簡單。
最後，介紹返我個villa的戶外shower，佢係烏龜水龍頭，龜頭扭左出凍水、扭右出熱水，你扭得越大力佢出越多，推翻孔子嘅「龜唔出水唔撳得龜頭低」嘅學說（孔子表示：……..）
#另外今日去左同教練1對1做gym
#一個鄰家少婦同一個精悍嘅泰仔教練
#在健身室裡操得死去活來
#佢拍一拍我膊頭GoodMusculeAhhhh
#WeCanDoMoreAhhhhh
#我諗住今鋪得米啦HappyEnding
#結果佢嘅DoMore係做多幾組
#證明我地嘅溝通係有啲問題
#其實係我份人有啲問題
#我想講嘅係其實唔需要咁搏盡嘅
#可唔可以憐惜一下我呢朵嬌花 🌼🌼🌼
其實係我份人有啲問題 在 爽態度男女大問答，爽少少做代表！ 問題：你認為爽嘅女仔係 ... 的推薦與評價
其實係 㗎，唔會郁下都黑面，哈哈哈哈. ... 但唔係粗魯，係有性格嘅類型！... ... 男C：我覺得爽女係冇咁多愁善感，唔會扮嘢，份人真啲，同佢相處落都開心啲！ ... <看更多>