相信大家對於「為咗整體利益，犧牲部份係必須嘅」或者「邊個阻礙國家長遠發展就係搞事嘅內部敵人」呢類論述一啲都唔陌生，呢個就係Boris Johnson套用戴卓爾嘅礦業鐵腕政策，攞黎講笑引發政治公關風波嘅主要原因。
我地了解歷史，好多時都會第三者宏觀嘅角度，以整利弊益好似答考試題目咁去評價，特別係一啲唔太久遠嘅事件，有時會忽略咗當時社會實際情況同以後對受影響嘅人及後代主觀感覺。八十年代戴卓爾對待礦工嘅種種，响英國社會就係屬於呢種宏觀利益係正確，但主觀情感上仍然帶住世代傷痛嘅瘡疤。
可能大家會聽過以前有人會叫倫敦係霧都，唔係倫敦特別多霧，而係工業革命開始直到六七十年代煤炭做成嘅空氣污染，因為上個世紀嘅英國主要使用嘅係煤炭，為咗應付需求，當時國內有大量煤礦，响1920年代全國就有超過百三萬礦工。不過隨著石油氣、煤氣同核能普及，煤礦嘅需求慢減少，去到七十年代中期，礦工嘅數目就得返大概廿萬。
要留意呢個數據講嘅只係進入煤礦嘅礦工，如果計埋佢地嘅老婆仔女同埋依賴煤碳工業嘅工人，個數字係幾十萬甚至百萬人，而且呢啲人都係世代圍繞住煤礦生活，自然响英國中北部、蘇格蘭同威爾斯就形成咗好多個社區。另外，既然係工人階級，呢啲礦工同社區普遍係工黨嘅支持者，亦即係直到2019年大選前嘅所謂傳統紅區"Red Wall"。
現時無論讚成或者反對也好，無人可以否認戴卓爾夫人係响經濟上成功改造英國，關於礦業問題嘅爭議核心並唔係經濟結果，而係過程中令當時嘅社會撕裂，甚至被視為放棄咗嗰啲煤礦地區一至兩代人，好多人對保守黨嘅憎恨就係源於嗰個時期...
超長氣Patreon原文：
從Boris Johnson失言，了解戴卓爾與礦工嘅關系
https://bit.ly/3CINOvg
***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk
***************************************
戴卓爾夫人爭議 在 香港前途考古札記- #主權爭議#戴卓爾夫人#趙紫陽#柯利達[文獻 ... 的推薦與評價
主權爭議#戴卓爾夫人#趙紫陽#柯利達[文獻] 柯利達、戴卓爾、李後憶述1983年密函前後談判部署話說1982年英首相戴卓爾夫人訪京，主權爭議令香港前途談判陷僵局， ... ... <看更多>