「這趟旅行若算開心，亦是無負這一生。」
成日都話人生如戲，戲如人生。我既人生就好似
玩緊過山車，不斷高高低低，如果當佢係一套戲既話，
可以係喜劇，亦都可以係悲劇，其實都視乎你用咩
心態去飾演自己。但如果要好似舞台劇咁光芒四射，
咁不如試下調節一下，享受下眼前既美好先？
例如黎到尖沙咀呢間「灜 · 鐵板燒」，一路睇住
師傅企係你面前，飾演一個專業既師傅，
將佢精湛既表演原形畢露，夫復何求？👇
-
📌黑魚籽鵝肝蒸蛋 - $68
👉係我食過鐵板燒最得意既前菜，用雞蛋殼做擺盤，
係裡面加蛋漿，然後再煎香鵝肝放入裡面一齊去蒸熟，
最後面頭擺上好誘惑既黑魚籽。份量少少但食落
夠哂滋味，鵝肝一啖過口感一流，夾雜鹹香鮮味既
黑魚籽，層次相當豐富！
-
📌金沙大海虎蝦 - $168
👉用上兩隻體型夠哂卡士既虎蝦，誠意十足，
師傅先將虎蝦拆肉，然後切件，平均每件煎得
金黃香脆。而食落肉質爽口彈牙，直頭係Q彈果隻。
蝦頭d蝦膏入口相當夠甘香，又唔會太油膩，
擺盤經過師傅悉心打扮後變得更加靚仔，
呢個真係無得輸。
-
📌活南非鮑魚 - $198
👉出動到南非鮑魚當然唔會失望啦，Size有
成隻手掌咁大，師傅會即時將新鮮既鮑魚清洗。
擺上鐵板既時侯，顯然見到佢仲郁緊，雖然睇果陣
真係幾殘忍，但咁樣證實到佢真係好生猛。睇住
師傅就咁用正負鏟將鮑魚離殼，再快速切件，
成個過程好似表演咁，非常過癮。連埋三文魚籽、
松露醬一齊食，食落有咬口唔會好韌，口感清爽彈牙，
唔需要太多調味已經夠哂鮮甜！
-
📌鹽焗奄仔蟹 - $198
👉師傅精心推介既原隻奄仔蟹，焗熟之後你會
見到蟹身係非常金黃，好似幫佢搽左精油咁，
立立令。而重點係蟹裡面既蟹膏呀！好似蛋黃汁
咁肥美香甜，而蟹肉食落夠哂鮮甜彈牙。而蟹身
主要食果種純天然既鹽味，而蟹腳每一個角落都
滲透住鹽香，真係想大嗌一句Encore唔該！
-
📌甘鯛魚 - $198
👉甘鯛魚係我最愛既一道菜，師傅將先將鯛魚放落
油鑊輕輕炸一炸個魚鱗，令到每塊鱗身都炸到豎起。
跟手將魚身焗熟，魚肉夠厚身，非常鮮嫩，入口即融；
而魚鱗賣相好似開花咁靚，外皮口感相當鬆脆。
師傅再落埋松葉蟹膏既忌廉汁，香濃惹味，無得輸！
-
📌日本磯香紫菜湯煮活蚌 - $128
👉睇得出師傅既刀架細膩，每一條活蚌大細均一，
肉質新鮮爽口。而擺碟又夠精緻，加左紫菜，
成個湯入口鮮甜，清清地可以一解油膩感，唔錯。
-
📌日本和牛薄燒 - $120
👉以馳名佐賀和牛做主打，就咁睇牛肉品質
非常高，油花分佈平均。師傅先將薄切牛肉
輕輕燒香，然後包住蔥同蒜變成好似牛肉卷咁，
根據師傅熟練既功架，秒速切開分成幾件上。
和牛口感好軟熟，入口係feel到融化感，
一咬落去仲要爆哂汁，簡直將我成個人融化哂！
-
📌高菜櫻花蝦炒飯 - $68
👉最後當然要試埋師傅即炒既招牌炒飯啦，
先用雞蛋連飯一齊炒，慢慢加埋高菜同埋櫻花蝦。
成個鑊氣出哂黎，離遠都聞到香呀，蛋香濃郁，
飯粒炒得夠乾身，抵讚！
-
📌男山大吟釀 - $150 (300ml)
👉食鐵板燒又點少得Sake，呢個男山大吟釀就
岩哂我呢d清酒新手啦。易入口得黎帶甜地地，
又無果種燒酎果種割喉感，岩岩好，
用黎送海鮮就最夾啦。
-
📍 灜鐵板燒日本料理
🎈尖沙咀海防道38-40號中達大廈7樓
磯香紫菜湯煮活蚌 在 #磯香紫菜湯煮活蚌 - Explore | Facebook 的推薦與評價
Omasake 指#廚師發辦，在台灣試過，相反在香港就未試過，由廚師挑選優質及時令的食材即場煮哂我哋食，用餐之最高體驗. 在日日都閉關 ♀️ 心情好複雜 ... ... <看更多>