我係貓奴，但我都好愛狗。
自從寵物展事件之後，自己當然有好多情緒，但更想透過公眾人物嘅身份呼籲同鼓勵大家，養寵物，真係應該上一上堂。
無論係咩品種嘅狗，都會有天淵之別嘅性格，我見過好激動嘅拉布拉多，亦見過超級嗲嘅黑柴，就連狼狗（一直覺得狼狗好惡）經過訓練之後都可以高度服從指令，好乖巧聽話，亦好聰明。既然人類生養下一代，都要學吓點樣教仔、喺仔女曳嘅時候加以訓導、適時獎勵鼓勵、甚至多花時間陪佢哋玩，點解唔教狗？唔學識點樣同佢相處？
做人真係好鬼得意，好多人話，生仔？唔識教呀！驚生舊叉燒咪仲煩仲大獲！所以選擇唔生仔，改養寵物，喂，寵物都要教㗎，你養之前都要量力而為，有無時間照顧三餐、如廁，有無精力陪佢放電，當你一對一都未必駕馭到嘅時候，一對二？甚至一對四？會唔會太冒險？我唔係指你嘅毛孩會唔會對其他人或寵物造成威脅，而係你點樣去保護自己嘅小朋友，喺多人嘅情況下唔會做出攻擊性行為、唔會俾其他狗隻攻擊，如果你真係愛狗，更加要學習點樣保護佢哋。
寵愛，唔係溺愛，人如是，狗如是。
#我連啲貓都有教㗎 #雖然佢唔太理我
#不過貓嘅天性如此 #唯有用自己方法去教
#起碼我啲貓除咗我之外唔會咬其他人
#但朋友上嚟屋企我都會提醒佢
#俾時間啲貓熟悉吓先
#提防被咬 #我連朋友都教育埋
#係我阿媽唔聽話 #成日伸隻手搞人個肚
#被咬很合理吧 #咬我係因為我剪指甲
#依家慣咗唔會咬我 #因為我唔會驚唔會縮
#學識同貓狗相處啦各位
#保護自己嘅毛孩
#同時可以保護其他人嘅毛孩
起碼我啲貓除咗我之外唔會咬其他人 在 猫咪與我| Facebook 的推薦與評價
响我嚟到喱個屋企之前，一直都係過住流浪嘅生活，我成日都食唔飽，落雨又驚，行雷又驚，冬天又好凍，我要行到好遠先至揾到人餵嘢比我食，又要同其他啲猫爭食，搅到我成 ... ... <看更多>