【龔成問答信箱】(Q21581-Q21600)
Q21581:
你好,龔sir ,有啲迷惘,想請教下;由於疫情持續、生意收入大減一半、現在每個月收入勉強只能養活一家四口、已經沒有額外金錢作投資...
手頭上有三份保險,大人那兩份供了10年及小朋友的只供了兩年....
我諗緊應唔應該cut 左份保單....用來供股又好、其他投資也好....
現在保險變成好似每個月的消耗品、好大負擔⋯⋯兩公婆以前沒有考慮周長便買左,一供便供了10 年....
小朋友成長,開去只會越來越多,生意不滯下、開始愈來愈擔心
希望老師能夠比小小意見或方向,屋企得我一個人搵錢。開始感到有壓力
龔成老師︰
其實"保險"主要係用來防守,透過當中保障,去將你的人生風險分左比保險公司。因此,保險你係要買的,但只要買足夠保障就可以。
儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。但用來做財富增值,效率就不算太理想。
你要先了解翻,你保險係保障,還是儲蓄類。如果係保障,我建議保留。因為你取消左,唔一定可以用以往條件買翻。
如果係儲蓄類,又就供完,我建議你供埋佢較好。
若你覺得保險供款,對你造成好大壓力。你可以了解翻你持有保單,有無短期停供的方法。如果有,你可以考慮短期停供,去減輕你生活壓力,詳細你可以向保險公司了解。
另外,你要記住我地投資,永遠都係先做好防守,才會去進攻。
記住,成個財富增值,係一個全面和長線計劃,當中包括考慮你家庭開支、生意、和其他投資項目等。
現時你收入受疫情影響,資金應優先處理好日常生活部份,再預留半年開支,作應急錢。
你唔好急住去投資,要先處理好家庭。之後,就係你生意部份。最後再有餘力,才用優質股去增值。總之,你唔好操之過急。
你要明白,一盤生意做得好,回報係會比投資優質股大。所以,我會建議將生意,放在較前位置去考慮。
現時疫情造成的經濟問題,相信只會係中短期,長線會重回正軌。只要你保持正面心態,事情就會自然變好,加油。
------------------------------------------------
Q21582:
老師早晨!我是投資新手,2月頭開始接觸股票。入手了1137($15),0175($25)和3690
($396)。不幸地入手不久後就開始跌。由於第一次接觸股票即失利,心情十分徬徨!
究竟應該止蝕離場還是堅守?而它們的前景又如何?求老師你為我指點指點。
龔成老師︰
投資前,做好估值去避免買貴貨,係重要。
但當你已入貨(不論買平左,定貴左),其實你都唔應該太睇重"買入價"。因為當你買入一隻股票之後,你是否繼續持有,關鍵位應該係企業質素、前景。買入價,已變成一個心理因素。
這3隻股票都有質素,有長線投資價值。吉利(0175)無問題,但美團(3690)架業務係較新,不確定性都高,持有無問題,但不建議太多,同時要明白股價上落較大。
而香港電視(1137)則有兩點都存有風險的。
第一,佢都會依靠人的因素,王維基成為了公司最值錢的資產,佢的想法好多,有生意頭腦,但我對這類太依靠個人的企業,不建議太過大注。
另外,這企業現時搞網購,有增長力的,但同時存有一定的未知數。。
佢多年來不斷在燒銀紙,雖然佢的業務的確增長中,並初見盈利,但長線能否維持,還需觀察。
所以,這2隻股票不宜太大注。如果佢地只佔你組合很少比重,長線持有係無問題。
------------------------------------------------
Q21583:
龔成老師,你好,我今年33歲,搵$22000一個月,我之前有短炒港股,但計返玩左咁耐,無乜點贏,宜家買左你本股票勝經,想學多啲投資知識
我有買美股作長遠投資,每月會買3-4股,因為美股可一股一股買,成本低,可輕易設組合,等同月供股票咁。
以下組合唯獨百度高位入左,現在跌左近30%,未知要唔要調一調倉,同埋我個組合新舊經濟都有,唔知啱唔啱,麻煩老師比少少意見,感謝感謝。
股票如下;
百度265 入
嗶哩嗶哩 110 入
愛奇藝 16.7 入
ARKK 123.99入
AMC 9.69 入
台積電 118.55 入
美國運通147 入
卡夫亨氏 38.9入
可口可樂 51.9 入
龔成老師︰
我想你先清晰2個概念,首先,我地投資股票,係希望買入一些優質企業,透過佢自然增長,達至財富增值目的。
重點係長線持有隻優質股﹐唔係去做短炒,因為中短期走勢無人知。但長線持有,企業質素一定會反映在股價當中。
第二,唔好覺得買入一隻股票入場費低,就係抵。我地是否買一隻股票,要從質素作考量,而唔係買入成本。
若你買的是優質股,可能1手要5萬蚊,入場費係貴,但因為有質素,所以可以再升。相反,如果係劣質股,就算入場費只要$100,都可以再跌。
所以,我地重點應放係「質素」上。
我唔係話你1股股買美股,當係做月供儲貨的方法有問題。只係想提提你,唔好用買入成本多少,去判斷投資價值,而是要以「質素」來作判斷。
你組合中股票,大致上都係有質素,可以長線持有,不過科技相關股的持股比例開始有少少多,你要注意會否出現集中風險。
另外,有以下3隻,想你留意翻。
愛奇藝(IQ)有質素,但現時尚在未有盈利階段,不確定性較大,不宜持有太多。
AMC Entertainment Holdings(AMC.NYSE)業務主要是經營劇院,市場包括美國、多個歐洲國家、沙特阿拉伯等。
質素都算有,但唔係好高。近年受疫情影響,2020年出現大幅度虧損,出現破產風險。
此股有一定風險存在,投資與否,你要自己衡量。同時,你預佢中短期都會較波動,長線才會慢慢轉好。整體而言,此股只宜小注投資。
百度(9888)有質素,有獨特性,長遠發展不差。
佢係全球最大的中文搜索引擎「百度」的營運商,係內地用家搜尋資訊主要對口,用戶規模突破10億,百度App日活潑用戶超過2億,多個指標都處中國第一。
業務上,佢擁有好強大互聯網基礎的領先AI公司。自2010年起一直投資AI以提升搜索及變現能力,並使用核心AI技術引擎「百度大腦」開發新AI業務。
我睇翻一些報告:
1. 佢擁有中國最多的AI專利數量以及AI專利申請數量。
2. 按累計拉取請求計,百度的深度學習框架飛槳居中國深度學習框架榜首,全球排名第二,僅次於Facebook Pytorch。
3. 按開發者數目計,百度開放式AI平台擁有超過數百萬名開發者,係中國最大的開放式AI平台。
4.按開發者數目計,係百度雲基礎設施上運行的Baidu OSChina是中國最大的開源活動開發平台,全球排名第三。
百度核心業務(唔包括愛奇藝)由AI驅動,為其貢獻超過70%的總收入,主要提供基於搜索、信息流及其他在線營銷服務,以及來自AI新領域的產品及服務。
並廣泛使用AI技術開發創新營銷服務(例如動態廣告),為各搜索用戶推薦最適合的營銷客戶產品。
現時佢坐擁不少資訊和客戶群,就可以利用佢地去發展很多不同業務,可以話係一個好大的優勢。佢收入不差,長遠有發展,但由於本身有相當規模,因此,未必是高速增長型。
百度在規模和質素上,一定係有。但近期科網股波動,風險高左。
雖然你係高位入左貨,但此股長線有增長力,只要唔係佔你組合太高比重,持有係無問題。若佔比重偏高,就最好沽少少,去平衡下個風險。
------------------------------------------------
Q21584:
Hello ar sir!剛剛完成了你的8堂基礎班,坦白講,放工後再上3至4個鍾堂真係幾攰,不過8堂我都非常專心,至少比我以往讀書專心,哈哈。
首先課程係自己揀,我亦知道內容甚至影響一生。
黎緊呢個月要再重溫整合你的筆記,謝謝你既分享。雖然我唔敢講課程能夠令我馬上致富,但以下幾點對我最大影響:
1. 你個句“要將數字意義化”,我覺得係精粹,意義化即係分析,分析不單能夠解讀過去,甚至預判將來。不只股票投資,工作生活等事情上同樣有幫助。
2. 分散投資,考慮風險再考慮回報。
3. 耐性同堅持。等機會入巿,等企業成長,有耐性同堅持既人比較大機會成功。
4. 我喜歡你的正面思想及不斷吸收別人的長處為已用。我跟你一樣公屋出身,我的親友都係基層巿民,我細個就發現我d親友一d都唔蠢,
至少係賭錢同出古滑上佢地係高手,但佢哋不敢訂立大目標,沒有偉大的理想,結果貧窮限制他們的發展。
我覺得除了理財的書籍,我覺得你亦十分適合寫勵志書或舉辦人生規劃課程。城市生活令人壓抑,不少人多多少少都有d情緒病,精神健康欠佳或缺乏人生方向。
相信你能幫到這些人。
希望以上既回饋,可以比到你參考,繼續在課程內容或者你既教學範疇上更進一步。
龔成老師︰
無錯,就算係日常生活,好多事情我地都唔好只睇表面。要認真了解眼前資訊,在背後所代表的意義。
其實好多人都有目標,知道未來想自己變成一個怎樣的人。但實行上,未必用對正確方法。
特別係投資範疇,好多人希望透過投資股票致富,但認知上,都停留係大部份散戶,那種「一般人」的思維。
因此,希望透過課程,灌輸一些經驗、正確投資理念和知識。希望可以幫助佢地,從「一般人」思維,跳進「有錢人」思維,從而增高成功致富機會。
我好多謝你寶貴的意見,但因時間關係,相信未來一段時間內,我都會先以投資理財作主導。希望先從我專業範疇,去幫助有需要的人。
但你的建議好有意思,我會認真考慮,謝謝你。
加油,記得多溫書,保持進步!
------------------------------------------------
Q21585:
你好 龔老師,之前有睇開你的理財真人SHOW,直至今年2月先開始投資股票。我經富途牛牛買股票,想學習老師講嘅長線投資 ,應該放邊幾隻或增持邊幾隻。
我的資產分佈及投資未來方向可以點改善。謝謝老師
25歲
港股:
6690.HK: 1000股 $32.86 (想沽)
6993.HK: 2000股 $11.08 (想沽)
2382.HK: 100股 $160.40
3067.HK: 600股 $17.58
美股:
AAPL.US: 10股 $134.30
DIS.US: 5股 $188
JNJ.US: 5股 $162
TME.US: 40股 $19.575 (想沽)
ARKX.US: 30股 $20.875 (想沽)
另打算增加個別港美股
1177.HK
1810.HK
BRK.B.US
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時25歲去計,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
策略上,你應以增值為主,可以用一些「平穏增長股」和「潛力股」作目標。
你現時持有股票,都係有質素,建議你長線持有。至於3隻新增目標,都可以考慮。
但留意,ARK Space Exploration & Innovation ETF(ARKX)不確定較大,不宜持有太多。
另外,藍月亮集團(6993)、海爾智家(6690)其實都有質素的,你都可以長線持有,只要貨不過多就得。在你衡量是否持有一隻股票時,不要著重短期的股價表現,要睇翻長期的企業價值。
由於你無太多投資經驗,未必對平貴估值方法,有太深了解。建議你先用月供,去儲優質股,這樣有助你降低買貴貨風險。
你每月先用5成儲蓄做月供,其餘先儲起,用一邊月供一邊儲蓄的策略。
選股上,你可以投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、粵海(0270)、領展(0823)。
增長力較強的,可選安碩恒生科技(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)。但佢地波動性和風險會較高,你要自己平衡。
你現時投資經驗不多,可以先集中係平穏增長股,甚至盈富(2800)。到你有一定投資經驗﹐才慢慢加大潛力股比重,最多佔組合3-5成,視乎你當時投資經驗和了解這些股票程度而定。
餘下的另一半現金,我地就等機會,當大市出現較大回調,就加大力度掃貨,然後作長線投資。
------------------------------------------------
Q21586:
老師你好,本人現年33歲 有兩子 想用他們的利是錢投資 (約30000)應該買那隻長線股好?
另外正在開始月供股票 (2000盈富) 尚有1000元可用 但銀行無3067月供。
龔成老師︰
小朋友儲錢方面,你可以儲盈富(2800),佢係包括55間質素不錯上市公司股票的組合,有一定增長力。
若你想增長力較高,可以儲安碩恒生科技(3067)。但此股波動性會較大,要睇翻你自已風險承受能力。
基本上,以你小朋友年紀計,持有以上股票都係可以,但你明白當中風險。
現價計3067無得月供,你可以每2個月自行買1手,都可以做到月供效果。
但緊記,現時大市只在合理區,每月儲蓄不要盡用。要儲起部份,等大跌市時才出手。
------------------------------------------------
Q21587:
早晨,龔sir 請問2158應現在放嗎?
係64蚊買完話跌到32,今日升返上45應該止蝕嗎
龔成老師︰
唔好太睇重"買入價",因為當你購入一隻股票後,你是否繼續持有,關鍵位是企業質素、前景。買入價,只係一個心理因素。
醫渡科技(2158)有潛力的。可長線。
提供基於大數據和人工智能(AI)技術的醫療解決方案。集團主要向醫療行業的主要參與者(如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者)提供服務和合作。
根據大行報告,於2019年,集團收入在中國所有醫療大數據解決方案提供商中排名第一,在中國醫療大數據解決方案市場中的市場份額為5.0%。
睇翻大行對佢2020-23年預測,收入和毛利增長分別為73%和83%,增長力唔錯。
佢平台有一定擴張性,長遠受惠更多醫療保健客戶使用平台。不過公司客戶過度集中,以及依賴公共部門。
但佢依然係在燒銀紙狀態,係一個扣分架地方。整體算係有質素,但要注意風險,投資時唔建議大注。
若你現時持貨不多,無問題,作長線投資就可以。但如果佔比重較高,最好沽少少,去平衡翻個風險。
------------------------------------------------
Q21588:
龔sir,你好!Follow咗你個page好耐,學咗好多野同埋亦深受你的鼓勵,今次係第一次pm你。
我想問吓你對VR產業未來嘅睇法係點? 我認為佢嘅發展不會差於電動車,雖然現在大多只用於娛樂,但係未來在教育,醫療層面的使用相信也不少。
但是距離技術成熟還有一段路。請問阿SIR如果我看好這個產業,會推薦投資哪一間公司?
謝謝!
龔成老師︰
其實現時虛擬實境(VR)產業,除了娛樂,已應用在不少行業上,例如建設、設計、教育等方面。
這種技術可塑性好高,相信不久將來,會有更多不同行業和場景,會應用到VR技術,前景是正面的。
暫時我未有特別研究,唔清楚邊間企業,會較直接受惠。
但你可以從不同行業,特別係已應用VR技術的行業中找尋。有邊D企業或行業,會因為VR技術,令佢本身價值或者成個營運效益有較大提升。
你可以進一步研究,了解佢是否有投資價值。
------------------------------------------------
Q21589:
龔大哥,求教 493 同9997點玩好 兩隻都炒落咁款 我想玩反彈岩唔岩?
龔成老師︰
我地投資股票,係希望買入一些優質企業,透過佢自然增長,達至財富增值目的。
重點係長線持有優質股﹐唔係去做短炒。我地唔會去估走勢,因為中短期走勢好難估。佢可以受好多因素影響,好似資金流向、市場氣氛等等。
但長線持有,企業質素一定會反映在股價當中。
國美零售(0493),從過往分析,質素只是一般。
企業連續出現虧損,品牌價值遠不及從前,優勢不強,雖然正加強網上網售網絡。
唯一的賣點是創始人黃光裕回歸,可能帶公司變強,但發展仍有未知數,如果以這刻的業務、發展、現價,整體的投資價值唔算高。
當然黃生可能帶領公司變到好唔同,但這點真的無得計。
此股不宜持有太多,若你持股較多,應先沽出部份。餘下的持股,可以守。
康基醫療(9997)睇翻佢的資料,佢係中國最大的國內微創外科手術器械及配件(MISIA)平台。
根據資料,按銷售收入計,2019年中國MISIA市場規模達到人民幣185億元,集團在國內廠商中排名第 一,在所有廠商(包括國際和國內廠商)中排名第四,所佔市場份額為2.7%。
根據資料,2019年銷量計,集團在中MISIA市場的多個細分領域,包括一次性套 管穿刺器、高分子結紮夾、第三類一次性電凝鉗以及重複性套管穿刺器和鉗中亦排名 第一。
佢不是無質素,現時回調,主要係因為上市定價唔平,現時只係回調至較合理水平,但都仲有少少貴。
若你持貨不多,可以守。但持貨較多的話,建議你沽出部份,去平衡個風險。
------------------------------------------------
Q21590:
龔sir,你好。今年30,月入35000,得我一人收入,有两個小朋。
太太就間唔中就買下,手上都有隻2186綠葉制藥6000幾股。
佢之前放咗幾隻唔知咩股蝕咗4萬幾
而我自己就冇乜投資經驗,但都會睇你facebook同下財經新聞以及同聽身邊啲人取下經
因為以前又冇乜點理財同儲錢習慣,宜家我哋就開始想學習你嘅長遠投資組合當儲蓄。 希望學習到同得到一個好嘅理財習慣。
常見龔sir你都推介2800盈富基金,3067安碩恆生,1177中國生物做月供
而我都有幾隻想請教阿sir你提議下可否做月供?
1308海豐國際
2269 藥明生物
1810小米
5滙豐控股
2800盈富基金
3067安碩恆生
1177中國生物
請阿sir指教月供邊隻好,月供咩組合好?
同月供每隻供嘅資金分布係幾多,每月應該可抽$8000月供。
最後一問太太隻2186可以放出。
龔成老師︰
我地做財富增值,最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
由於你無投資經驗,用月供會以避免左買貴貨的風險。只要你月供組合,係選對一些優質,而又適合你的股票,其實成個增值效果,已經會係唔錯。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你30歲,應以增值為主。你所講的月供股票,都有質素。但匯控(0005)只係收息股,增長力唔高,唔建議你用。
而你組合當中,不少係潛力股類別(2269, 1810, 3067, 1177)。佢地增長力高,但同樣波動性都好大,你投資經驗不多,不宜太大注。
月供配置上,你可以先用$4000供盈富(2800),用佢作主力。再月供$1000海豐國際(1308)和其中3隻潛力股。
現時大市只在合理區,除了月供$8000外,你都要額外預留一些資金,等出現大跌市時,可以動用來買平貨。
至於綠葉製藥(2186),都有質素。佢主要銷售腫瘤科、心血管系統以及消化與代謝三個領域的新藥品,基本上都係有市場的,其實長遠又不是太差,只是市場有時對佢的增長力會有不同。
但近年佢質素的確有少少轉弱,但相信最差時間已過,這股本身的風險較高,唔建議投資得太多。
若你持股佔組合比例唔多,你可以長線持有。如果佔比重較大,就最好沽少少,去平衡個組合風險。
------------------------------------------------
Q21591:
你好!我們一家四口,現金有$100萬,沒有自住物業。
現在有2難,應否拿100萬作首期買樓?
但用了便沒有餘錢投資。
如果月供股票,那隻較好?
龔成老師︰
每個人都有自住需要,長遠最好都有一個自住居所,以免承受租金波動的影響。
但由於你現時資金不多,如果買樓後,完全不能維持投資增值,就唔係咁理想。
我建議你先用優質股,去累積一筆資金。之後,再去考慮買自住居所,咁會較好。(詳細方法,你可以睇我本"5年買樓4步曲")
月供方面,你可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於「潛力股」係需要一定經驗,如果你經驗較淺或較年長,只宜小注,大約3成左右。若你係較年青,而且已有一定經驗,你可以投資到約5成比重。
餘下現金,我地就是等大跌市時,才出手掃平貨。
------------------------------------------------
Q21592:
我每月可以儲$8500,比例上咁安排適合嗎
3067,$5000
2800,$2000
現金,$1500
每月月供
因為我本身係中銀月供,但中銀冇3067可月供
頭先上網search過有間XX證券行有3067可月供,免存倉費,佣金收0.0675%,比其他證券行平
Sir,唔好意思比較多問題,頭先上網睇過證券行同銀行比較月供股票,如果係證券行月供股票,會有風險,有機會倒閉。
但銀行又月供唔到3067,只可一手手買,但銀行買,手續費貴。可否比d建議如果想供3067應該點做。
龔成老師︰
其實香港對金融機構監管係唔錯,證券行出問題機會,唔算好大,可以用佢作投資渠道。
如果你都係覺得銀行穏陣D,安碩恒生科技(3067)你每月直接一手手買就可以,都做到月供效果。
至於你資金分配上,有少少進取。以你近30歲年紀,安碩恒生科技(3067)這類潛力股,最多佔5成左右好了。
若你自問投資經驗較一般,最好再調低多少少(至3-4成),到你有經驗才重新調高。
因為潛力股增長力係有,但風險同樣高,故不建議初階投資者持有過多。
而預留現金比例,都可以調高翻少少。因為大市未算開始平,只係合理水平,不宜投入過大資金比重。
------------------------------------------------
Q21593:
我用咗幾萬元買咗1653 Mos House,當初係喺1.13買入,但現時價位已跌到0.41!
1. 請問呢隻股穩陣的嗎?
2.你覺得是否老仟股?
3.我現時已蝕了幾萬元,請問我現正是否應該放嗎?還是放住喺度先?
龔成老師:
MOS HOUSE(1653)於香港銷售及供應外國製瓷磚,即石英、陶質及馬賽克瓷磚。此外,亦銷售衛浴潔具(浴缸、臉盆及其他配件)。產品均由意大利及西班牙進口。
企業無乜獨特性,加上近年出現虧損,而佢過往一直都唔太賺錢,整體的投資價值不高。
你的買入價明顯只炒作的價,佢根本唔會值該價,現時的股價算是合理價,你等佢有反彈宜減持部分,之後再等機會賣晒。這股長線持有的價值不高。
------------------------------------------------
Q21594:
龔成老師,上年我買左掃管笏Oma by the sea 一個471尺兩房的單位,584萬,老師覺得嗰區發展如何?
會唔會有機會升到$17000,一尺?
我諗住長線投資的,謝謝老師的分析和建議!
龔成老師︰
屯門是大型的住宅區,商業活動少。始終離市區較遠,因此樓價與市區有距離。
但隨屯門港鐵通車,屯門區交通變得便利。
但始終屯門跟市區有一定隔離,而掃管笏雖在屯門﹐但隔離港鐵站較遠,未能明顯受惠。
因此,掃管笏升值潛力有少少,但唔會話好高。因為所有的利好因素其實已經反映左,而掃管笏各方的配套都唔會再有明顯改善。
------------------------------------------------
Q21595:
Sir,還有一個買賣問題想請教下,如果一隻股票賺了錢,賣取一部分獲利,一部分持有,這是容易做到的。但相反買入一隻股票賠了錢,應該要怎樣做
龔成老師︰
你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業,重點永遠都係企業質素。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
------------------------------------------------
Q21596:
龔sir 你好。有個疑問想問,本人現時已月供股票$4000 領展同盈富
如果每個月還有$6000剩。咁月供日本樓收租好還是加碼月供股票好呢?thx
龔成老師︰
日本樓,我無特別研究,你可以從佢租金回報率和對日本樓認知度,去決定是否投資。
而日本樓認知度,會是你投資的其中一個關鍵,到底你有多認識這項目?「不認識就不投資」,如果你真的已了解當地的物業市場、租務市場、法例、經濟發展,那可說是過了第一關。
土地是有限資源,所以長期一定上升,但你都要分析這地方的長期土地供應。另外就是匯價如何,就算物業有穩定租金,以及樓價上升,但若然匯價不穩,都會對你的投資造成打擊,這方面不能忽視。
你應該了解當地貨幣過去的變化,以及將來的強弱分析。
如果你對日本樓唔係咁了解,或者回報唔算高的話,你$6000用來月供股票會較好。
現時大市在合理區,每月儲蓄唔好盡用。這$6000中的$4000,建議先儲起,用來等大跌市機會。
而餘下$2000,你可以因應你年紀,去決定加入邊隻股票去月供。
若你係年青人,可加入一隻潛力股。如果你中年至退休人士,或者你投資取態較保守,你可以加一隻平穏增長股。
------------------------------------------------
Q21597:
龔成老師,有一些問題很急切的想請教您:
我好朋友的父親,在十幾年前某些原因,所以將部分資金轉移到他的妹妹(中銀),即我朋友姑姐的戶口。
但存摺和提款卡和密碼,以及買賣股票的密碼都在她父親手上,所以十幾年來都能賣買,但她爸爸幾個月前突然離世,搞父親的遺產需要一段時間。
現在已知的是父親有一個股票戶口(中銀),另外幾個儲蓄戶口,和大陸有一個定期戶口。
現在能動用的資金可能就是她姑姐戶口的股票,不過,這十多年來,世伯已買入不少股票,而她初步問過銀行,整個股票戶口不能直接轉名。
世伯離世後,她姑姐有說過可以繼續用她戶口買賣,但伯母對錢很擔心,很想轉回戶口的股票,又不知能否全部轉名,或者是先賣出一些比較不優質的,
然後再轉名,而她們對這些又不太熟悉,又不知該問誰,所以,很想請教一下您的意見。
以下是她"爸爸"這十多年來買的股票,以及買入價:
0123 越秀 40000股 買入價:20000股1.67、20000股0.99
0386 中國石油化工股份 2600股 買入價;2000股7..19
0536 貿易通 30000股 買入價:1.96
0579 京能清潔能源 4000股。買入價:3.42
0732 信利國際 6000股 買入價:3.69
1171 兗州煤業 6000股 買入價:2000股11.86、4000股13.62
1415 高偉電子 10000股 買入價:2.1
1418盛諾集團 20000股 買入價:1.23
1508 中國再保險 3000股 買入價:2000股2.51、1000股2.49
1569民生教育 10000股 買入價:1.8
1618中國中治 3000股 買入價:2.3
2038 富智康集團 6000股 買入價:1.42
2369酷派集團 16000股 買入價:8000股3.79,另外8000唔知買入價
2638 港燈-SS 1000股 買入價:5.23
由於她爸爸之前一直都是賣出一些賺錢的股票來維持生計,而她看過以上的股票大部分都未到買入價,帳面已蝕十幾萬,
想問問老師以上那些股票可賣出吐現、止賺、止蝕。以及那些是優質股票,那些值得保留,以及轉名等等。
還是她可以以現價賣出,然後再用另一戶口以現價買入,這樣會不會蝕很多?她們現在很惆悵,真的很需要老師的意見,懇請老師幫忙。
另外,以下是她"媽媽"股票戶口的股票,也是世伯幫她買的,想問問老師那些可以賣出止蝕,以及保留一些優質的股票:
0005 匯豐控股 713股 買入價:買了多年,我找不到買入價
0718 莎莎國際 6000股 買入價:1.73
0347 鞍鋼股份 5200股 買入價:8.93
0476 中國動力控股 10000股 買入價:找不到買入價
0536 貿易通6000股 買入價:2.030
0732 信利國際 4000股 買入價:3.69
1398工商銀行 6000股 買入價:6.15
1415高偉電子 10000股 買入價:4000股3.74、6000股2.99
1638 中國中治 4000股 買入價:2.3
1638佳兆業集團 2111股 買入價:3.45
1898中媒能源 6000股 買入價:3.25
2362 金川國際 6000股 買入價:1.23
2800盈富基金 2500股 買入價:28.1
2845 GX中國電車 50股 買入價:123.8
3067 安碩恆生科技 200股 買入價: 19.26
3338中國龍工 5000股 買入價:4.49
她這幾個月實在很徬徨無助,所以,盼望老師能幫忙。
謝謝老師。
龔成老師︰
全部轉名到你朋友媽媽戶口,係可以。一般用這個方法,費用會較平。但你要問翻中銀,因為每間銀行和證券行收費,都不一樣。
若你打算用同時間一買一賣,去變相轉戶,都係一個方法。但變相要支付雙倍經紀佣金,而且可能買入和賣出價未必一致,會有價格波動的風險。
另外,你要緊記一個投資重點。我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
唔係因為佢帳面賺,就覺得佢長線一定好。唔好因為而一刻帳面蝕,就覺得此股無投資價值。記住我地係睇質素,唔係睇價位去做決定。
先講你朋友"爸爸"戶口︰
京能清潔能源(0579)、信利國際(00732)、兗州煤業股份(1171)、高偉電子(1415)、中國中冶(1618)、富智康集團(2038)質素較一般或者波動性偏高,都不宜持有太多,建議最少要減持部份。
盛諾集團(1418)投資價值不高,換至其他優質股,長線會較理想。
酷派集團(2369)在幾年前我已經有點怕佢,第一,玩財技,第二,2016年核數師意見為「不表示意見」,2017年為「保留意見」,反映核數師對盤數有問題,第三,非常多散戶炒這股,而散戶永遠是輸的一方,因此我對這股一直有保留,就算數年前有讀者問我都是。
佢之前仲要停過牌,其中一個原因,是由於賬目問題,我見佢2018年度的核數師部分,出現「修定報告」,反映盤數有可能有小小古怪,投資價值不算高,建議沽出較好。
你朋友"媽媽"戶口︰
鞍鋼股份(0347)、信利國際(00732)、高偉電子(1415)、中國中冶(1618)、佳兆業集團(1638)、中煤能源(1898)、金川國際(2362)、中國龍工(3339)質素較一般或者波動性偏高,都不宜持有太多,建議最少要減持部份。
中國動力控股(0476)佢營業額好細,而且一直處嚴重虧損狀態,暫時唔見有明顯投資價值。
其餘無提及的股票,都有質素,她長線持有就可以。當中絕大部份,都係提供現金流的收息股。
由於持有目的係收息,所以佢不需要太在意帳面賺蝕,只要長線持有收息,就可以了。
------------------------------------------------
Q21598:
其實我都唔明,你隻1211,自己都計到股價貴,點解你之前唔放大部份?
龔成老師:
因為無人能預期股價升跌,如果我賣出,而佢股價一直唔跌,當企業價值不斷向上,我就會買唔翻,佢會由貴去翻合理。
我擔心買唔翻的風險,多過股價跌的風險,我著重資產,不著重短期股價。記住,現金不是真財富,資產才是。
------------------------------------------------
Q21599:
龔sir,請問我地應該點樣解讀股東增持,同減持嘅動作?
同睇好/吾睇好企業有冇關?
龔成老師:
如果股東增持或減持的%好少,就不用理會,佢可能自己都要取現金,或現金多想投資。
但如果%較大,就反映佢都睇好/睇淡公司,或反映現價處平/貴。
這些動作,參考下好了。我地一定以「企業」作為分析的核心。
------------------------------------------------
Q21600:
成哥,第一次膽粗粗傳訊息俾你,我只有26歲,今年我快29歲了。咁就3年,時間真不留人。
當年26歲,戶口只有10萬現金,一份供梗既儲蓄保,0股票。今日,我快29歲了,戶口中有38萬現金,18萬左右港股,5萬8左右美股,總資產為60多萬港元。
儲蓄保險亦供完,當然並不是一個咩大數,或者一件咩值得驕傲既事,只係隨住時月,我除左老左之外,戶口都叫隨年漸長,都係一件值得安慰既事。
多謝你當年啟發左我,3年來我都係用月供股票既方式買入股票,不論港股或美股,由買入果一刻開始就無放過。
結果,感恩既係我付出既時間好少,甚至我一個月先打開個股票戶口睇一次,但每次睇都會見到有賺。
反而身邊短線投資既朋友,會跟住個市場買入GME丫,晚晚睇住個市,但都仲蝕梗本金。就好似我一年前既訊息所言﹕「身邊聲音煩擾,但我步伐仍舊」。
講講下,好似打日記咁,多謝你繼續睇到呢度。
我想問下下一步我應該點樣做,或者除左股票以外,我仲可以投資D咩去令我既資產平穩增值?
收入﹕4萬多
支出﹕15000
港股(月供金額)﹕盈富($4000)、煤氣($1500)、港交所($1500)、領展($1500)
美股(每月手動買一手,約$9000多)﹕VOO、QQQ、ARKK、SQ、MCD
成哥,我相信好人有好報,多謝你詳細解答陌生人既問題。衷心祝你身體健康,生活幸福美滿。
龔成老師︰
我教的理財知識,只係為你提供一個指引和方向。最終能變成點樣,其實很大程度,係睇你本身所付出的努力,我純粹係助你一把。
我經常講,投資一定係做長線,但其實好多人會唔明白,唔相信。因為佢地依然停留係賺差價的思維。
你身體力行,去證明左長線投資價值,才是最有效的財富增值方法。
希望你保持學習,令自己一直進步之餘,都用你的故事,去感染依然短炒中的朋友,幫佢地重回正軌。
你現時投資組合,係可以。但緊記現時只係合理區,每月資金唔好盡用,要儲起部份。連同現有資金,一齊等大跌市機會出現,才入市掃平貨。
而我地成個財富配置,係講求增長力就餘,都要有平衡性。除了優質股外,都要加入一些其他不同資產,如物業類。
但由於你現時資金不多,可先用優質股增值住先。到有較多資金,可以考慮買較小型物業作跳板,最後買大屋。
我本<5年買樓4步曲>,會有較詳細解釋,你可以買黎睇下。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有1部Youtube影片,追蹤數超過10萬的網紅hketvideo,也在其Youtube影片中提到,【足本版睇】https://video.hket.com/video/2949544/ 順豐拆房託上市,與領展(00823)比較誰較值得投資? #港股 #股票 #騰訊700 #阿里巴巴9988 #恒生銀行11 #建設銀行939 # 【今日答股】 #酷派集團2369 #領展823 #美團369...
酷派集團2369 在 龔成 Facebook 的精選貼文
【龔成問答信箱】(Q19881-Q19900)
Q19881:
想請教下,點解有啲股票,有成1000倍市盈率?
龔成老師:
市盈率的公式:「股價÷盈利」
如果有些股,佢今年的盈利下跌好多,但市場預期之後上翻,就會有這情況。
又或者,佢現時盈利不多,但預期之後會好勁,這刻的市盈率就會好高。
所以,當我地分析時,不能只睇「市盈率」數字,因為這只反映上年度盈利情況,我地要了解上年度盈利,是否有代表性,當時的經營環境如何。同時,要分析之後的盈利情況,記住,數字是死的,你要將數字「意義化」。
------------------------------------------------
Q19882:
龔sir你好,請問你對SaaS股票有咩睇法?
龔成老師:
行業發展正面的,這是一個大方向,因此相關股票都有長線投資價值。例如金山(3888)都是《50股》一書中其中一隻推介的股,當然現價唔算平,投資要注意風險。
例如微盟集團(2013),都是相關股,佢主要在中國從事提供軟件即服務產品及營銷服務。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這些都是將來發展的大趨勢,從業務潛力上,的確是有的,見佢財務數據的增長都強勁。但在估值上都唔平,所以,如果投資,這刻小注好了。
------------------------------------------------
Q19883:
Sir 同男朋友儲錢而家有現金38000可以投資咩股增值下?
龔成老師:
現金數目唔算多,因此,投資ETF較好,因為有分散風險作用,建議你一半為現金。部分就投資盈富(2800)+恆生科指ETF(3067),盈富的比例要較大,3067要等回翻少少先入。
------------------------------------------------
Q19884:
你好龔Sir,近期Facebook見到你個post關於銀行體系, 而吸引咗去睇你個fan page, 開始去睇你其他嘅post ,發現自己以前都是行錯路
以前都是為買股票而買股票,贏少少就走人,總結都是輸多贏少,上年放曬啲股票 後,一直再冇入市
開始睇你D post, 現在才深明 資產增值, 長線投資 這意識
接觸你之前,心急入左小米$30.95-2000, 這個價應該是高? 現在應該放咗先 ,再等 , 跌市時先再入?
現在都會開始月供股票,感恩可接觸你,我都介紹了我姐姐睇你D野。等待回覆,謝謝!
龔成老師:
你過往的炒股方法,與一般散戶一樣。而我過往做過銀行與證券行,見到大部分客都是這樣炒,都是輸錢收場,所以,我地唔好這樣炒。
我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
小米(1810)有質素的,不過你買入價略貴,你原有貨可持有,但就唔好心急,等佢落翻多D先考慮加注。
利用月供是很好的投資做法,你保持進行就得。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q19885:
你好,我想了解下2800 ?
龔成老師:
盈富(2800)是一個組合,適合絕大部分人投資,風險不高,長期儲貨可助你財富平穩增值,記住要長線持有。
對於不懂選股的投資者,這是一個好方便的工具。盈富可以成為你核心組合其中一部分。
雖然不是高增長,但好處是穩中求勝。
------------------------------------------------
Q19886:
老師你好,久仰大名,想問一下澳元對冲基金(亞洲市場為主的股債組合)適合買嗎?
我考慮買基金的原因是本人手持澳元(7.2至8元買入)和英鎊(接近13元買入)多年,不想蝕錢放。銀行建議買對冲基金。
幾年前買過美債既英鎊對冲基金,睇住價位跌,好驚,於是計到平手就走,點知之後係咁升,所以想老師你請教一下,十分感激
龔成老師:
其實坊間有好多對冲基金的,因此好散統一去答到你。
如果你本身有澳元,都可投資以澳元報價的基金,買股債組合是可以的,不過對沖基金的運作較複雜,你買入前要多了解,問清楚先。
因為對沖基金不同傳統基金,風險可以較高。
如果你風險承受能力不高,就不要買對沖基金,買翻一些較低風險的傳統基金。
------------------------------------------------
Q19887:
老師,想請教一下3738阜博值得投資嗎?
龔成老師:
阜博集團(3738)是較高風險類。
業務是線上視頻內容保護服務供應商,客戶包括七大全球電影公司、電視網絡公司及其他內容擁有者。
過往一直虧損,近年開始有錢賺,業務增長加快,不過,本身的獨特性不是好強,規模未算好大,因此,未見佢有好確定的優勢。
潛力度有的,不過就存有較有不確定性,這類股只適合小注投資。
------------------------------------------------
Q19888:
本人持有270、242、2369
270收了一次股息,14.46買入
2369買入0.26
己買一个多月
还有現金五萬可買
应如何投資?
这二年全部都輸
買長江地産又止損
衆安又止損
未賺过錢
应如何投資
拾几萬,放銀行定期还好
請阿Sir指点
龔成老師:
粵海(0270)有質素。信德集團(0242)不過不失,疫情過往會好翻D。酷派集團(2369)質素不太好,賣出較好。
我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
我相信你最大問題是「選股能力」,你之後可以投資ETF,健如盈富(2800),以分注成月供的模式進行就得。如果想加入其他股,可考慮:銀娛(0027)、恆基(0012)、港鐵(0066)、平安(2318)、領展(0823)、希慎(0014)、太古地產(1972)等,你可以了解下這些股票,然後從中選股。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q19889:
想問下sir,市盈率,預測市盈率,今年EPS,下年EPS,之間既關係應該點去理解,例如點樣初步去判斷現價係平貴,我有少少攪亂左
龔成老師:
市盈率時是「股價÷每股盈利」,現時的股價,除以剛過去年度的盈利(EPS)。
至於預測市盈率,就是現時的股價,以及預測下年度的盈利(下年EPS)。
我地分析時,當然會同時分析市盈率及預測市盈率,這樣才能對企業有更立體的分析。
------------------------------------------------
Q19890:
Hi, 亞sir, 我是你之前股票班學生,現年51歲,打算兩年後提早退休,現大部分資金都是買了股票,有收息股,平穩增值股和潛力股,總共二百多萬
整個組合大概也賺緊三十萬,也買了兩份短期美金和人民幣保險,也買了一份50萬港元廷期年金,現有大概50萬想買優質債卷
滙豐有些美國企業或美國政府的債券,都有B以上評級的,想請問現在美國的政治環境,買政府還是企業債卷較好?謝謝!
龔成老師:
現時你的財富組合,基本上都有平衡組合的作用。基本上無問題。
你將部分資金投資債券,可以的。最重要是建立一個平衡組合,相信你股票組合處理做不錯,可以保持原有狀態,之後可投資部分債券。
美國長遠仍是可投資的地區,就算這刻政治環境變化較大,也不用擔心,買政府債券當然較穩健,如果有A評級的企業債,都可考慮。至於B評級的企業債,你就要小心分析該企業的財務情況,以及債價波動的風險。
------------------------------------------------
Q19891:
你好 現在儲了大約100萬 無投資經驗 想請問你有無咩意見 點樣投資好? 投資在什麼上比較好? 謝謝
龔成老師:
如果你無投資經驗,暫時唔好太過進取,同時唔好動用太多資金。暫時只建議用$30萬,等你有較多知識與經驗之後才慢慢增加。
你要明白,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你可以考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q19892:
你好老師,我留意左你Facebook好耐
發現你講嘅嘢係有料到
覺得你好叻!
想問問你
點睇981
可否長線持有?
龔成老師:
中芯國際(0981)業務有增長力,但未必能稱為好優質的股。如果你有貨,不過多,可長線。
睇翻佢過往的業務情況,雖然仍每年的生意都有增長,但盈利就有波動,反映雖然大環境的市場在增長中,但佢的成本與售價,就未必在佢掌握的範圍,最後造成盈利波動的結果。
雖然這股都有前景,但以佢面對的情況,但好難將佢定義為最優質的股票。
加上此股近年升了不少,就算有所回落都唔算平,加上之前熱炒過,股價大上大落,投資要注意風險。
------------------------------------------------
Q19893:
龔老師 想問點睇東涌物業
龔成老師:
只屬中等,因為該區供應太多,東涌東雖然都會有商業發展,但人口始終有增加,整體樓價上升動力唔算大。
如果明白大嶼起好,會對佢有少少利好的,不過要好多年後,同時因素未算好直接。
------------------------------------------------
Q19894:
阿sir , 今年30歲 開始有置業既諗頭, 不過唔係for 自住 ,暫時家中都有位置居住,如果想買樓 我有諗過洪水橋
因為將來會發展,帶動樓價上升,不過梳對遠 暫時租金回報唔高 但就$11000/呎 定係我應該買沙田區
交通方便 租金回報其實都差不多(因為沙田區樓價貴d)
龔成老師:
你都可以先投資,到有需要才自住。
洪水橋往後的供應不少,雖然配套增加會加分,但供應多會影響樓價,整體來說,算是一般,當然長遠發展會對佢價值有較大影響。
至於沙田,地點各方面都會較好,你可以在這裡找較合適的,就算貴少少都較有價值。
------------------------------------------------
Q19895:
你好,想問一下退休計劃。
本人40歲,2公婆月入10萬。沒有子女。每月開支連供樓約5萬。
股票投資約50萬,另現金100萬。有每月月供基金$5000.
請問怎樣分配每月余下的5萬比較好?
想10年後退休到泰國或馬來西亞定居
龔成老師:
當我地進行人生財富累積,會運用「先增值,後現金流」作方法,初期投資較多增值類資產,後期則應投資較多保守類項目。
你有10年時間,以你的年齡,可以投資平穩增類股的資產項,到近退休時,才轉到收息類資產。
如果每月有$50000,你可以月供股票,或自行分注。
盈富(28000)$20000,另外再考慮月供$20000一些平穩增長股,:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮$10000月供:安碩恆生科技ETF(3067)、阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
------------------------------------------------
Q19896:
呀sir ,上左你兩堂初階班,明白長期持有優質股先係王道,股票我持有數目不多,大約10 萬,而本身我(32歲)剛剛亦有供樓,亦明白什麼是「真正資產」,想請問你投資車位你點睇
龔成老師:
算,因為車位是土地衍生出來的工具,因此都是資產。
以現時的租金回報率睇,投資價值中等,比之前已經好翻少少(之前貴),但這刻未平。不過如果找到轉高租金回報率的,都可考慮。
------------------------------------------------
Q19897:
龔SIR,多謝妳的電郵
想請教下以下3條問題
1. 中移動, 中聯通&中電信將剔出MSCI及禁止在美場外交易使股價開插, 本人無貨但對中電信略有興趣打算等待時機中長線持有, 請問如何步處?
2. 本人無投資科技股經驗, 不知如何選股, 但相信會是未來大勢, 打算持有3033 南方恒生科技, 在眾多科技ETF中這會是好選擇嗎?應如何步處?
3. 內銀中, 請問對交通銀行有何看法?
請指教一下
龔成老師:
1)最重要是睇企業的業務本質,如果對業務本質無太大影響,就不用太過擔心。
佢現時的情況,會對中短期股價有影響,但長遠問題不大。
2)你可考慮:安碩恒生科技(3067),可長線的。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂,因此,這刻不能大注投資。最好的策略,就是月供,或自行分注小注慢慢收貨,原理如同不斷儲貨,這樣就能平均買入價,減少風險。然後就長線持有。
3)交通銀行(3328)本身質素不差,有一定的規模,在全球都有網絡,本身不會無質素的。
不過,這股增長力不算強,只是一隻收息股,現價投資可以,因為在合理價,但唔好對股價有太大期望。
前景不過不失,中短期會因中國經濟有影響,銀行業的賺錢能力不及從前,加上壞賬因素,都會令佢中短期弱。
而長遠,會慢慢穩定的,不過,增長力不強。
------------------------------------------------
Q19898:
龔sir, 你好。我是你的上年9月股票班學生,想問有關06666這隻股票的問題。
06666在7/1公佈業績,2019年毛利較2018上升2倍多。消息公佈後,股價由(7/1)$8.90左右升到(8/1)$11.10
我嘗試在網上看它的公司資料,只有3年數據,營業額,毛利都有增加,想問這是潛力股嗎?還是要等5年數據?另外上市期又短,會否風險很大?
希望收到您的回覆,謝謝。
龔成老師:
因為這公司上市年期不久,因此數據比較少。我一般會建議等多幾年數據去分析,加上上市前的數據,參考價值會減。
但我地又不是完全不投資數據少的股票,只是在分析時,會明白參考度低左,因此投資金額都要控制翻。
恒大物業(6666)其實都有質素,有長線投資價值。
佢係物業管理服務運營商,佢係中國物業服務百強企業中,以項目所覆蓋城市數目計,佢排名第二,如果以總收入、總毛利及總淨利潤計,排名第三。
類別為中高端住宅物業、寫字樓及商用物業,並已訂約管理其他物業類型如主題樂園、產業園、康養項目、特色小鎮及學校等。
佢絕大部分物業管理服務收入,來自集團控股股東恒大集(3333)所開發物業提供的服務。
不過,現價少少貴,如小注投資持有都可以的。
------------------------------------------------
Q19899:
老師,我想問下隻280景福集團有質素嗎?已買入多年,但一路跌,請問這股有得守嗎?
龔成老師:
景福集團(0280)主要從事黃金首飾、珠寶、鐘錶、高級時尚貨品及禮品零售,以及金條買賣及鑽石批發。
整體的質素只是一般,過往生意不大,盈利波動,2017,以及2018年度,都有出現虧損,長線投資價值唔算好大。
加上疫情影響,中短期會弱。相信之後會好翻D,但長遠的投資價值不算好高。
或者你疫情過後,上翻多少少就賣出。
------------------------------------------------
Q19900:
龔老師,我現在除了中生、中國平安同青島等位再入之後,你認為我應否擴充個組合,
1) 如應該,以下這幾隻的合理區在哪呢? 6862, 1038, 2382 和1448,謝謝你!
2)我閱完年報勝經,我會再亦必須重複睇,同時我希望可以有多少少從茫茫大海中尋找有潛質嘅低價股,我應看老師哪一本書最適合呢?
(本人看過老師的80後百萬富翁、50優質潛力股、年報勝經和5年買樓4部曲)。
希望不久將來,可以有更多能力去親身上老師的課。
龔成老師:
1)如果你的財富組合持股隻數太少,會出現集中風險的,就應該加入其他優質股,平衡組合。
海底撈(6862)正面,有質素。不過,這股市場比佢好高估值,現價貴。如果有貨可長線,但無貨最好跌翻D先考慮。
長建(1038)現價合理。
舜宇光學(2382)有前景,現價合理區頂。
福壽園(1448)長遠都正面,$7以下較合理。
2)《股票勝經》是最重要,你要睇到完全明。《選股勝經》也是重要的。而《年報勝經》是較深。《50值博倍升股》會較多潛力股類,都可睇。
有時間就要上堂,因為課堂內容更為重要。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
酷派集團2369 在 龔成 Facebook 的最佳貼文
【龔成問答信箱】(Q13061-Q13080)
Q13061:
阿Sir,我係你學生,有關於折舊的概念想請教。
例如載通,假設佢2019年需要買新嘅巴士,用左1億。咁呢筆錢會在損益表的投資部份或者營運部份出現這個開支嗎?
但有衝突的問題是,佢隨後10年的這些巴士,每年又會折舊,在損益表中的營運部份都出現,咁樣咪會重複咗兩次開支囉?
龔成老師:
我簡單d講,假設這個巴士定義為資本開資,其實這$1億不會在損益表裡反映,只會在現金流量表中,投資活動部分反映。
假設佢的折舊年期為10年,佢就會出現每年$1000萬的折舊開支,這部分就會在損益表每年反映。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13062:
老師,我之前真係好迷茫,唔識點理財,完全無概念,屋企人又唔識,自學又學唔懂,聽d所謂「專家」講又唔係好明,聽完都一頭霧水⋯⋯
之前很擔心,擔心自己太初階,聽完你講都唔明,依家上緊你堂,內心感到很實在,即使所有堂上的知識之前未接觸過,但經你解釋/比喻後都變得容易吸收明白,好入腦,感謝你讓我有個大方向!
知道首先要諗下點砌個餅同提醒左我唔好訓身去買晒一隻股票,及要持有唔同資產去平衡風險+提高回報,感恩有你呢個mentor guide住我黎行,你話之後的堂d野會深左,希望都能繼續聽得明你講咩!
龔成老師:
無人一開始就識理財,我都是經過多年的不斷學習,錯過,先至慢慢發展成今日。
18歲時,我乜都唔識,但見到有D人投資、做生意好勁,後來發現原來有方法,所以就不斷學習,好明白,當我知識愈多,財富亦都會愈多!
加油!理財是長期學習,你記得每堂溫書,之前都有唔少舊生由零開始,但最後都可以好完整分析到整間企業,仲可以有勇氣出來講3分鐘分析!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13063:
想問一問隻細價股6083
唔該 成哥
龔成老師:
環宇物流(6083)主要於香港從事提供物流服務及包裝服務。佢的物流服務包括全套供應鏈服務、倉貯、運輸、數據管理、各種定製服務(如重新包裝及標籤服務)及其他增值服務。
睇翻佢的客戶,來自包括快速消費品業、食品與飲料業、零售業及其他行業。
不過佢規模不大,盈利波動,雖然生意有增長,但成本對佢有一定的影響,加上現價不算吸引,投資值博率不高。唯一吸引的是股息,但只要佢業務轉弱,股息都會減,而佢業務無法達至穩定性這一點。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13064:
你好老師,有少少想請教!
31歲,不多收入,但還有點儲蓄。
最近開始左月供,港鐵$1000,領展 $1000,中華煤氣$2000,盈富$2000。請問這分配恰當嗎?
另外倉還有:
2638: 3手
11:1手
778:2手
939:5手
2628:3手
2722:5手
665:4手
46:2手
1816:5手
388:4手
2800:7.2手
5:1.8手
我知有d散,想請教一下應如何整合及重新分配?我想集中多點增值和收息股。
謝謝老師!
龔成老師:
你現時月供的股票,都是有質素的,可以月供,只要不理中短期股價,長期進行就得。如果日後收入增加,就再加大盈富(2800)的金額。
至於現時持有,的確有點散,你應集中在較優質的股票類別中。重慶機電(2722)、海通國際(0665)、科聯系統(0046),你可以考慮調整。
另外,你有3隻銀行股,你要衡量翻是否同時持有。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13065:
老師1789現價入可以?
老師請問1573怎樣
龔成老師:
愛康醫療(1789)算是不差,這股有潛力,但規模細,風險會較高,雖然從財務數據睇,佢的賺錢能力不錯,生意有理想增長,盈利增長快速,股本回報率高,但上市年期不算久,這點令過往的數據,未知能否反映佢的真實情況。
因為好多公司都係,上左市2年後,才慢慢見真章,如你投資這股,建議你不要太大注。
南方能源(1573)是規模較小的公司,這類公司賬目有問題的機會的確較大,所以,當中不是無風險的,股價大跌後大升,風險極高。這類股你要小心,賭博的成份太大。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13066:
Hello成哥你好 想問下
12
14
呢2隻股票
你會認為哪一隻較有優勢呢 以長線持有為目標
龔成老師:
希慎興業(0014)是不錯的收租股,持有的物業相當有質素,長遠一定有價值,由於持有的物業中,不少都在銅鑼灣,所以中短期不太好,股價亦有一定的影響,因此出現了投資值博率。
至於恆基(0012),都是優質股,當中持有多間有質素的企業,由於持有農地好多,相信有一定的潛力,現時同樣有投資值博率。
兩者間,相信恆基增長會略略好。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13067:
龔sir
想請教下你點睇2688?
龔成老師:
新奧能源(2688)主要在中國從事投資及建設、經營及管理燃氣管道基礎設施、車船用加氣站及泛能站、銷售與分銷管道燃氣、液化天然氣及其他多品類能源、能源貿易業務,以及提供其他與能源供應相關的服務。
業務不差的,這年的生意都有一定的增長,盈利與派息都保持增長,這支持了企業價值向上,現價算是合理區中上,小注投資都可,這股可以長線投資的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13068:
請問油價長遠是否睇淡?
因為長遠環球經濟向下?
龔成老師:
全球經濟轉弱,這一定會對油價有影響,因此,相信中短期都會較弱。
長遠來說,人類種會對用油有需求,所以油價有支持,但同時,人類已不斷發展新能源,減少對油的依靠,所以在長遠計,油價只會平穩增長,不會大升。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13069:
你好老師
想請問一下 隻3877同隻1573 如何?
龔成老師:
中國船舶租賃(3877),係大中華區首家船廠系租賃公司,主要提供船舶租賃服務,亦提供船舶經紀及貸款服務(包括交付前貸款、擔保貸款及保理服務)。
佢合共擁有65艘船舶,包括43艘融資租賃安排的船舶及22艘經營租賃安排的船舶。船隊包含25艘散貨船、14艘液貨船、10艘集裝箱船、9艘特種船及7艘海上LNG/LPG裝備船。
客戶通常包括船舶營運商、造船廠及貿易公司。
質素算是中等,因為行業的賺錢能力,已經比過往年代減弱左,加上貿易等因素的風險,投資值博率只算一般。
南方能源(1573)是規模較小的公司,這類公司賬目有問題的機會的確較大,之前比沽空機構話盤數有問題,之後股價大跌,其後股價又大升。
風險太高,現時投資會同賭無分別,我不太建議。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13070:
龔老師你好,經常閱讀你的網上文章,獲益良多,現有問題想請教:
本人收入不太穩定,唯每月開支約$15000。現打算利用現時資產作出投資以增加一些被動收入。
現有資產如下:
- 現金 150 萬
- 股票 20 萬
(2800 / 6 / 2388 / 836 / 66)
我有考慮用現金購買車位,收取約每月$3000的回報,或加大持股的數量。請問以現時的經濟環境,哪一項會比較可取?
龔成老師:
如果你想增加被動收入,你要計算一些這個現金流的回報率,就知應該投資那項目,例如你投資車位,當中的租金回報率有多少?3%?
如果只有3%,那不如投資收息股,現時不少都有6%,你將相同資金投資收息股,有多一倍的現金流回報。
你買收息股,只要用「長期收息」,不用理股價等因素。你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
至於你現時的持股,可以繼續。
另外,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13071:
龔sir 你好,我今年24歲,剛全職工作一年。讀大學時候開始有買股票。
現時持有盈富基金(2800)、中國銀行(3988)、港鐵(0066)、中電(0002)、小米(01810)、易鑫(02858)、吉利汽車(175)、中國人壽(2628)。以上股票各一手,以及騰訊(700)兩手。
我有感而家買入的股票太分散,當中易鑫、小米同中國人壽一直蝕緊錢,應唔應該賣出呢D股票,然後再買多一兩手港鐵或者盈富基金呢類穩定的優質股呀? 謝謝解答。
龔成老師:
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股則小注投資。
你可以集中翻優質,平穩增長力的類別,這是主線,例如盈富(2800)、港鐵(0066)。
至於小米(1810),這股都有潛力股,但就不適會大注你睇下需唔需要調整。易鑫集團(2858)則質素較一般,不斷燒銀紙,未知幾時先有較理想的盈利,對這股略有保留可考慮賣出。
而中人壽(2628),其實有質素,但增長力弱左,同時質素有少少轉差你可以考慮轉到平安(2318)或盈富。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13072:
龔成老師你好,我經常有睇你貼文,想開始學習投資,但我完全0知識,就連最基本問題都未可掌握,想請教以下問題:
1-我想長線投資,請問我是否先開股票户口?股票户口是在那裏開設,銀行或是證券行?
2-我想先每月投資5k先找感覺,希望一年可提升每月投資10k,請問我該如何分配資金投資?
謝謝你
龔成老師:
1)對,你開左股票戶口先,銀行及證券行都可以,無所謂的,方便你自己就得,你可以多比較先決定,你最好順道了解月供股票的收費,因為對初階者來說,這是一個很好的投資策略。
2)對初學者來說,一邊投資,一邊留現金,是最好的方法,我會建議你月供股票。
如果你不想月供,都可以以分注投資,一手手的模式進行,只要每次不要用盡現金就得。你可以將約3成資金入市。
你可以先投資盈富(2800)。這是一個50隻股的組合,本身已有分散風險的作用,適合長線投資的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13073:
本人有50萬人民幣
怎樣安排同處理最好?
龔成老師:
單單持有貨幣,只會令你財富不斷貶值,因為貨幣只是「政府借據」,當中不會有真實的價值,只有交易價值,你長遠持有無用。
所以,你最好將部分資金,投資股票,如果認識國內股可投資大陸股票,又或者投資港股都得。例如將其中$25萬,投資盈富(2800)、恆基(0012)、銀娛(0027)、港鐵(0066),分注投資就得。
餘下的$25萬,就持有現金先,作備用,以及當見到大跌市後先動用。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13074:
你好,我是澳門的,我最近有留意你的po都有打算開始月供股票。
打算2800 $3000。 3 $2000。66$1000你覺得這樣合適嗎?定集中供兩隻,因為我見銀行收手續費最低都要50蚊。 謝謝
龔成老師:
以我所知,澳門月供股票比較煩,因為是每一隻收$50,所以,我不建議分散在多隻股票,反而建議集中一隻,盈富(2800),盈富本身是一個50股的組合,有分散風險的能力,你可以供$4000。
同時,你每月要儲到現金,到了資金有一定數量時,先慢慢以一手手模式去入其他優質股,例如港鐵(0066)、煤氣(0003)。
但你在買入時,最好每次買入後都要有現金剩,不要用盡資金。
你以長期貨優質股的模式進行,並建立一個組合,咁就得。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13075:
成哥,我想問現在的市況採取不買不賣的策略可以嗎?我有持貨但不多
因為認為現在的市況並不便宜
龔成老師:
可以,現時是合理區,這個區最好是持有部分的貨,同時持有部分現金,持貨運用不買不賣的策略是可以的。
記住,所有野我地都會用長線投資的角度去分析。
如果你貨不多,就可以慢慢增持。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13076:
老師,以前我地夫婦都唔識買股票,都未睇過你的書,我老公之前聽朋友介紹,買左隻中天宏信(00994)12000股,當時1.6,其實哩隻股應該要放嗎?或者有無希望?
仲有一隻更差的,係五龍電動車(02949),當時買左5000股@7.8,現時簡直係仙股,賬面損失左38000左右,想問哩隻應該斬纜嗎?還有希望嗎?
因為遲d先上老師的堂,實在不懂分析,老師的書也說,沒希望的要斬纜,望老師俾點專業的意見給我們,謝謝?
謝謝!
龔成老師:
記住,我地繼續持有一隻股票與否,最重要是分析企業的質素、前景,買入價只是一個心理因素。
中天宏信(0994)主要從事提供地基工程(包括微型樁撞擊式打樁、嵌岩式鋼工字樁及鑽孔樁,以及樁帽)及配套服務(包括地盤平整及拆卸工程)。
不過,見佢規模細,業務波動,反映佢取得生意的競爭力只屬一般,賺錢能力不穩,這股最好是賣出,你可以升翻D就賣。
五龍電動車(2949)年年虧損,這類公司根本就無投資價值,不建議持有,好難再抱有希望,賣出是最好的方法。當一間公司不斷虧損,持有愈耐只會愈貶值。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13077:
halo 龔成, 我想問下你認為港鐵既合理入手價係幾多? \\佢最近個價跌返落四十幾,值唔值得入一手? 謝謝
龔成老師:
由於港鐵(0066)是好優質的股,賺錢能力在長期來說,根本無乜改變,而市場一向都認為佢「貴得有道理」,所以,$4X都只是合理區,你可以分注投資,要到$32先算平宜區。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13078:
老師,其實現在如果只有幾萬現金係手,應唔應該黎上左堂先,感覺上堂可以學到好多估值既野,書本上學唔到既,但又怕突然唔夠現金跌果時買貨。
龔成老師:
知識永遠是用一世的,你的確會無左幾千蚊去增值,但卻得到一世可以運用「增值的知識」,如果你用複息的角度計算下,只要你投資回報率增加1%,長遠對你財富影響會好大。
這的確是一個取捨,但現時市況只是合理區,就算無左幾千蚊去投資,但換取「增值的知識」,我相信是值得的。
信我,你上完堂會唔同晒,好多學生都話「起碼佢唔會好似以前咁投資蝕錢」。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13079:
Hello 想問下 有冇留意2369 酷派集團
前景有潛力嗎?
龔成老師:
坦白講,酷派集團(2369)在幾年前我已經有點怕佢,第一,玩財技,第二,2016年核數師意見為「不表示意見」,2017年為「保留意見」,反映核數師對盤數有問題,第三,非常多散戶炒這股,而散戶永遠是輸的一方,因此我對這股一直有保留,就算數年前有讀者問我都是。
佢之前仲要停過牌,其中一個原因,是由於賬目問題,我見佢2018年度的核數師部分,出現「修定報告」,反映盤數有古怪。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13080:
成哥為什麼很少見你談論美股? 你認為投資美股有什麼值得注意地方?
例如 美股指數ETF 03140, 你認為投資與盈富基金相比 何者較佳?
龔成老師:
我會遵守一個投資原則:「只投資自己真正熟識的項目」。
美股其實都有好多好公司,但由於我不認識,無認真分析過,所以,我不投資。而領航標普五百(3140)我認為是不錯的投資工具,你可以投資,不過我長遠認為盈富(2800)會略好。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
酷派集團2369 在 hketvideo Youtube 的最佳解答
【足本版睇】https://video.hket.com/video/2949544/
順豐拆房託上市,與領展(00823)比較誰較值得投資?
#港股 #股票 #騰訊700 #阿里巴巴9988 #恒生銀行11 #建設銀行939 #
【今日答股】
#酷派集團2369 #領展823 #美團3690 #長江基建1038 #美圖1357 #
【立即觀看hket TV 足本影片】https://bit.ly/30TtRQx
【立即下載《香港經濟日報》App】http://onelink.to/hketapp2021
---------------------------------------------------
![post-title](https://i.ytimg.com/vi/HSIwG1mNzBU/hqdefault.jpg)
酷派集團2369 在 2369酷派集團TrendX AI 從上年20/1... - TrendX 人工智能股票 ... 的推薦與評價
3年新高系列:#2369酷派集團TrendX AI 從上年20/1 於$0.255 出現「上升趨勢」訊號後,股價進入收集區域, 再於05/02「上升趨勢」訊號, 今成3年高, 累升107% (系統測試 ... ... <看更多>
酷派集團2369 在 #酷派集團2369 - YouTube 的推薦與評價
You're offline. Check your connection. Retry ... ... <看更多>