呢個疫情已經好耐冇出過街食野，最近真係好悶，真係好想去一啲好靚又好食嘅地方同朋友享受一下，最後我哋揀咗呢間位於中環蘭桂坊嘅「角落Corner Cafe」，環境真係靚到💯分😍！亦因為二人限聚嘅關係，唯有同幾位好姊妹分枱坐，叫左好幾樣美食同甜品，各自享用同打下卡影相📸️💖
呢度嘅裝修是波希米亞風格，有幅超級靚嘅打卡牆，有個好靚嘅吊椅俾你坐住咁影靚相💕喺呢個咁唯美嘅環境下食嘢真係好enjoy! 而且呢度每一位嘅職員侍應都好nice，服務好好，食物唔止睇得，仲好好味呀😋我同幾位好姊妹叫嘅嘢食、嘢飲同cake全部食清光🤣下次一定再encore❣️
🌈5星為滿分🌟🌟🌟🌟🌟
🍴Grilled Salad Bowl $78 🌟🌟🌟🌟
『 烤菜沙律碗 』🥗
↠ 烤珍珠荀、烤紅菜頭、烤椰菜仔、烤南瓜、烤串茄、意式沙律菜 ↞
💁🏻♀️：鍾意食沙律菜嘅人必點款式，份量好足又夠大碗，我個人就比較鍾意多啲汁嘅沙律，呢碗我覺得略微偏少汁，不過鍾意清淡或減肥人士就一定好喜歡👍🏻，勝在沙律食材種類夠多，食物顏色配搭💯分
🍴All Day Breakfast $138 🌟🌟🌟🌟🌟
↠ 煙肉、德國腸、牛油果醬多士、薯餅、田園沙律、炒蛋、烤串茄 ↞
💁🏻♀️：無得輸嘅全日早餐🥣，每一樣食物都好食，我鍾意佢嘅炒蛋，夠滑又creamy💕而我好鍾意食牛油果🥑，所以個牛油果醬多士係我至愛❤️
🍴Vegetarian All Day Breakfast $138🌟🌟🌟🌟🌟
↠ 牛油果醬多士、淨多士、薯餅、蕃茄燴豆、紅菜頭沙律、素炸雞、純素芝士焗扒菇、烤串茄 ↞
💁🏻♀️：呢碟最驚喜嘅純素芝士焗扒菇，芝士味濃，配咁juicy嘅啡菇口感無得彈👍🏻
🍴自家製蕃茄乾醬烤大蝦意粉 $138🌟🌟🌟🌟🌟
💁🏻♀️：呢款係我朋友叫嘅意粉🍝，話意粉夠晒入味！大蝦🍤惹味香口，佢話好味到食多碟都得😂
🍴煎帶子香草黑蒜意粉 $128🌟🌟🌟🌟🌟
💁🏻♀️：呢款我真係俾💯分嘅意粉🍝，因為我本身好鍾意食蒜，同埋鍾意啲好香口嘅味道，少少咸咸地同好香嘅黑蒜味好開胃！帶子煎得岩岩好，簡直perfect❣️
🍵Matcha Latte (Iced) $56🌟🌟🌟🌟🌟
有淡淡的抹茶味，抹茶同latte嘅比例剛剛好，唔會偏重一邊，因為我怕奶味太重越飲越口渴，或者太淡一啲味都冇，但呢一杯唔會，我覺得好好飲！
最後我哋當然唔少得叫埋甜品來個happy ending😋呢5件蛋糕🍰各$48/件，好抵食！
柚子慕斯蛋糕 🌟🌟🌟🌟
奶茶蛋糕 🌟🌟🌟🌟
棉花糖芝士蛋糕🌟🌟🌟🌟
疏乎厘芝士蛋糕🌟🌟🌟🌟🌟
富士蘋果芝士蛋糕🌟🌟🌟🌟🌟
📍 角落 (中環)
中環德己立街23號晉逸蘭桂坊精品酒店2樓
營業時間：11:00-18:00
角落 Corner Cafe
#角落cafe #cornercafe #中環cafe #中環打卡熱點 #中環美食 #centralhk #centralhongkong #centralfood #會encore的餐廳 #食評分享
