#轉載 #專訪 #蘋人誌
#篇訪問3016字
#仲有無人有興趣睇一個港女嘅專訪
#成日驚唔夠寧願做突
國安法之後,每次發表,不知會否是最後一次。
專訪也是,今次做蘋人誌,可能是最後一次。
把每一次當作最後一次去珍惜,是我現在的格言。
訪問那天早上,由想自己穿甚麼,
到其實我仲想表達甚麼,
太多東西要想,我完全想不到,
所以穿了汗衣牛仔褲高跟鞋,
未必像一個企業家,未必像作家,未必像中女,
我只是希望,我看上去比較像自己。
陳勝藍想和我討論的題目是
「國安法實行了,你恐懼嗎?」
「梗係恐懼,我好很恐懼。」這是我的答案。
我基本上是驚青鬼,由細到大,乜都驚。
關於能力,我驚力有不逮,做得不夠好,所以當出現下滑現象,就迫自己去做多啲學多啲,甚至轉行。
關於愛情,我驚花無百紅,不會是唯獨我一個是不可給取替的,所以當感覺愛情沒有了,絕不選擇廝磨。
關於女人的生理變化:外在內在的變形、變老、虛弱、崩壞,人人都會經過,而我一直杞人憂天。
我總是把對結果的恐懼級數推到極致。
所以,我人生中,與國安法降臨同樣恐佈的事有很多,
沒法掌握與被人控制同樣可怕,
唯一面對方法:推自己走前啲去搵出路,
如果搵到好方法,就分享給其他人,快!
做到做突,咁應該夠數啩;
恐懼到盡頭,應該唔會好驚啩。
我只係想,到情況最壞時,
仲可以自嘲,我咪算好彩囉。
已經去到咁崩壞,連自嘲都唔得咩。
多謝陳勝藍,很像真的文字表達,
我自己睇返,好似聽到有聲咁。
3016字,你已做突 😉
訪問全文:
▶️▶️ https://hk.appledaily.com/local/20200718/2YHYCYVSQXOMPSUYGFYSOJWTBE/
//52歲,梁芷珊的中女經歷,對很多女人來說,相信是一場慷慨激昂的勵志故事。
訪問這天梁芷珊自言本想穿得行政一點,作家一點,「但今日我不知道是不是最後一次夠膽接受訪問,所以我想着得自己一點,沒恐懼一點。」前一晚駛經銅鑼灣維景酒店國安公署對開,警車陣列,「那些恐懼突然而來,所以昨晚我睡得好差,我決定今日做一些可能不能再做的事,例如你問我點解着到漢堡神偷咁,其實我件衫係Victoria's Secret。」
維密放棄了香港,她沒放棄自己,52歲人,這天貼腳老牛配high heels,「有一件事好重要,女人唔好離棄你對高踭鞋及你條牛仔褲,當你仲着到,你要着。」老牛high heels不用天天出動,勿被衣服支配,「我想告訴你,女人變老的恐懼更大,變老驚唔驚?驚,但你唔好畀害怕變老支配。」
9歲前
梁芷珊很小就跟恐懼打個照面,9歲前有讀寫障礙症,筆下字體360度回環往復正反交錯,不為世俗所容,小妹不解,打麻將隻三萬反轉一樣是三萬,「9歲我搞掂咗單嘢(寫字),搞掂咗認命、我係蠢。」她說:「有時原來命唔使認,搞掂字體我人生有希望。」老師見梁同學錯字少了,獎她紅色原子筆,而紅筆唯一用處是改錯字,問你死未。
10至19歲
考入庇理羅士中學,總是老師口中的「阿邊個」,多麼恐懼別人不認識她,不惜用真名作詞取笑老師,沒料到為日後填歌詞打了個底。後來梁芷珊成為名作家,返回母校,老師問:「你係……」
20至29歲
理工畢業,面對社會,恐懼仍然纏身,她說:「我連朝早起身返工都驚,我正正係咩都驚,所以有拖延症,大學畢業頭幾年沒搵工(專心填詞),直至一日阿媽敲我房門:『你究竟幾時正正經經搵份工?』我先知道阿媽覺得我唔正經,俾阿媽覺得唔正經都好大鑊。」當時弟弟已投身社會,「我細佬細我五年,同你同一個生肖。」梁小姐要我寫出來?「係呀!連我細佬都出來工作,朝早爬起身搭巴士返工的工作,OK我overcome這個恐懼。」
跑到時裝品牌MEXX做Marketing,一年飛八次,直至29歲九七回歸,「29歲已經係中女,中到𠵱家,你𠵱家話我中女我已經好開心。」當時公幹完畢,在回港飛機上許願,取其接近宇宙,她希望當全職作家,「其實也是源於恐懼,當你恐懼搵路走時會許願。」時裝品牌高薪厚職,奈何香港回歸後前景不明,而Marketing要放眼往後三年市場,「香港經濟低潮,即是我人生的高峯在經濟的低潮,咁咪大鑊,我咪淺水浸蛟龍?」高空許願果然使得,不久離辭,投稿出第一本小說。
30至39歲
女人29+1有幾大鑊?「嚴重過國安法啦,每個女人第一個重大恐懼就是自己面對30歲。」梁芷珊分析恐懼論:「我好恐懼『恐懼』,當我覺得即將會恐懼,我推自己去更驚的位,攞住少少驚做動力,我過得到就冇咁驚之前的恐懼。」她分析支配論:「你可以恐懼,但不要被恐懼支配,正如你可以談情說愛,但不要被愛情支配,去到一刻你被馬伕推落火坑,這跟你是否擁有愛情無關,是你甘願被愛情支配。」
蝙蝠俠最怕蝙蝠,化身蝙蝠正視恐懼;莫非梁芷珊害怕羅傑承,所以追隨?「我真係好怕他,驚到瞓唔着。我好多年失眠,我覺得好大程度是怕他,驚我做唔到令他滿意的事。」一天羅先生在客廳睇波,她在廁所驗孕,「跟住見到兩棟嘢,跟住我就『哇!』」羅傑承問:「做乜?」她答:「我有咗!」「係呀?」「我哋係咪結婚?」「任你。」這刻準媽媽眼淚決堤:「任我?唔係一定要結咩!任我?這個時候你突然畀民主我?」準老公連忙撫慰,去拉斯維加斯旅行的時候順便註冊吧,她一聽又哭:「順便?哇!」
2002年新春共赴賭城,她滿以為2月14情人節做「娘子」珊,隨從稟報當天輪候註冊者眾,大佬阿嫂不如13號結婚?回想一年前可不一樣,羅傑承為抱得美人歸,將她的小說《生命白麵包》拍成電影,李嘉欣主演,中國情人節首映,鬼佬情人節上正場。「上一年我享受那些,但到我『哇,有咗』,是但你啦!結婚?順便結啦!攞證書?13號啦,條隊短啲!」她強調這裏不是說誰的不是,如今世道艱難很需要笑,包括自嘲苦笑。
34歲誕下女兒樂桐,倒沒挑戰十級痛,她引刀成一快,卻有別的恐懼,包括體形,「生完之後女人最大目標是幾時着得返生之前條牛仔褲,幾時着得返做女件旗袍?」極度驚慌下又許願,到了女兒18歲入大學,她重返校園,「好不切實際?我每個願都投放少少浪漫元素。」如此宏願先記錄在案。
40至49歲
梁子珊是九型人格3號仔,一生都要完成任務,婚後立志做好羅太、媽媽的角色,「我同時要對自己負責任,要做一個知性中女,中女的開頭要開得靚。」幫丈夫打理生意,車上波鞋、高跟鞋長存,搞完波就去ball,「女人39去到40,恐懼一定大過29去到30,開始見到自己賤肉橫生,好多地方令自己唔妥自己,直情用唔妥自己去形容。當時又產後幾年,又踏入四字頭,婚姻又差唔多七年之癢,真係好多嘢驚。」
她謝絕恐懼支配,去看中醫,對方劈頭一句:「你有冇聽過,唔知醜,生到49?」原來49歲是女人更年期中位數,此前此後七年(42至56歲)都受影響,「即係到我40幾歲發生任何事,無論我心情低落我發癲我唔靚我變肥我變醜我變男人我生鬚,都係因為更年期,唔關我事。」一聽鬆晒,「更年期嘛,會發生的,你話更年期係咪比國安法更恐怖?簡直係鬼故!」
今時今日她未換更,「我生緊暗瘡,即係嚟緊……」她向記者大叔分享買巾之道,「𠵱家買衞生巾心態好唔同,買咁多做乜,都唔知使唔使用。」據聞停經半年後迴光反照,親戚再來一次,「我包嘢咪擺好耐?唔知得唔得,需唔需要靜電?要搵K Kwong研究吓。」結果49歲沒有唔知醜再生,只是羅生羅太都倦了。
50歲後
徐志摩說:「得之,我幸;不得,我命。」早前梁芷珊與法國名廚Olivier Elzer打得火熱,終究分手,她說:「其實有少少因為政治,這個我第一次講。」話說去年一次久別,相約重逢,Olivier步出中環站,正要取回電單車,卻遇上抗爭活動,遍地玻璃碎,心忖電單車不能駛過,法國人真有個性,索性徒步到港澳碼頭,獨自去馬交,「當香港出現抗爭,造成他的不便,他的不耐煩很合理,那個weekend我食自己。」
她做過編劇,懂得易地而處,「如果我去法國跟他生活,而法國有抗爭運動,我都會覺得『咁煩,去唔到shopping,我去英國行幾日,等你們亂完我才回來。』好正常啊,唔覺得有任何道義上、道德上問題,對他來說一樣。」話雖如此,那一刻內心已經分手,「我覺得他見到玻璃、去澳門嗰一刻唔愛我囉!」但覺疫情也比國安法可怕,病毒令二人實體分手,「過得到愛情,過唔到疫情。」
但願下一段情沒有口罩阻隔,不用酒精搓手才摸,最好關係存在於空氣中,如今果然有個外國男友,身在彼邦,二人維持soulmate。蘇眉是要吃的,這段情卻不能觸碰,沒有體溫,記者問,這就是一個52歲中女的性幻想?她抗議:「咩性幻想呀?真㗎!唔係幻想,確有其人。」
盤點半生,年輕時欣賞成熟男人的穩重,羅傑承比她年長九歲,在此之前的男友練海棠更大她10年;暮年近了,情場前景看俏還是看扁?「俏!」好友楊天命鐵批她52歲前未行過運,62歲前姻緣未快樂過,此後十年內會結婚,幸福快樂。記者問她,到時找個八府(伯父)巡按,還是投身鮮肉市場?「去到現在這個年紀,基本上我鍾意後生,有時活力要對方帶給你。」Olivier比她年輕11年,現在這位小她五、六歲,「我有少少嫌佢老!」
說好了的女兒18歲,她重返校園呢?「你怎想到她18歲,今年入大學,7月1號我瞓醒,突然英國同你講,你有BNO就來英國讀書啦。咦,我願望成真,有冇咁好彩?極度恐懼的時候許願反映你驚,上一個驚與這個驚唔同,這個驚給你一個希望,這個驚令我上一個驚願望成真,係咪好玄?」梁芷珊打算修讀很玄的哲學或政治,「我𠵱家黐住個女,她讀大學我又讀大學,她讀書我又讀書,她入去溝仔我都溝仔,她入去溝Professor,我都可以溝個Professor。」//
同時也有17部Youtube影片,追蹤數超過80萬的網紅果籽,也在其Youtube影片中提到,夏天將至,註冊中醫師黃晶晶提醒,長戴口罩臉部肌膚或會出現三大問題。 三大口罩肌問題 第一,油脂分泌旺盛人士,臉部更容易出油、長暗瘡,尤其下巴位置,較容易生大粒暗瘡。 其二,中醫認為皮膚長期被壓迫,氣血循環會變差,如果工作較繁忙,臉部肌膚更容易「缺氧」,大大影響氣色,除罩後皮膚會顯得暗黃。「大家可能...
「中環 中醫 暗瘡」的推薦目錄:
- 關於中環 中醫 暗瘡 在 梁芷珊Canny Leung Facebook 的精選貼文
- 關於中環 中醫 暗瘡 在 相機食先的女孩 Facebook 的精選貼文
- 關於中環 中醫 暗瘡 在 果籽 Youtube 的精選貼文
- 關於中環 中醫 暗瘡 在 果籽 Youtube 的最佳貼文
- 關於中環 中醫 暗瘡 在 果籽 Youtube 的最佳解答
- 關於中環 中醫 暗瘡 在 中環中醫診所- 【暗瘡影響外觀,好難斷尾 - Facebook 的評價
- 關於中環 中醫 暗瘡 在 中醫針灸可以美容,仲可以提亮祛斑,改善暗瘡? - YouTube 的評價
- 關於中環 中醫 暗瘡 在 養康中醫館暗瘡好唔好的推薦與評價,FACEBOOK 的評價
中環 中醫 暗瘡 在 相機食先的女孩 Facebook 的精選貼文
記唔記得2星期前我喺呢度分享咗睇醫生睇到喊嗰件事?
話說2星期前因為皮膚問題,睇咗一個 #好冇醫德嘅醫生,為咗唔想更多人受害,我索性開名啦,就係 #佐敦 #劉家豪🙄
事緣我第一次睇完覺得藥費十分昂貴💊,#抗生素 收$75一粒,仲未計藥膏等,而我知道自己嘅情況需要食3-6個月抗生素,小數怕長計,咁我第二次覆診時,請呢位劉家豪醫生開藥紙比我,等我可以出去配😥
點知呢個醫生堅持唔肯,仲話如果唔喺佢度配藥就會blacklist我,以後冇得睇佢...
個姑娘又覺得我喺度搞事...
其實嗰一刻係真係好驚,唔知自己做錯咗咩,搞到醫生咁大反應😥
咁最後我就喺呢度分享咗呢件事。
多謝大家比我知道我問醫生攞藥紙其實冇問題,大家仲好好咁介紹咗好多皮膚專科醫生同中醫等比我!感謝!
咁昨天我就去咗其中一位大家介紹嘅皮膚專科醫生覆診,醫生好有耐性,解釋得好清楚。
最後重點嚟啦‼️‼️‼️
喺新醫生度配同一款原廠抗生素,中環區竟然都只係$12-13/粒,#平咗接近6倍‼️😯😯😯
假設我喺嗰位『劉家豪醫生』睇兼配6個月藥,要俾$13500,而家喺而家呢位醫生度配只係$2340 😱
昨天知道咗真係O咗咀,$12-13/粒都已經有錢賺,究竟呢位『劉家豪醫生』食水有幾深😡😡😡😡!?好離譜😡😡!
而家終於明白點解佢會唔俾我出去配藥...呢啲咁無醫德嘅醫生應該係我哋blacklist返佢就真!😡😡
大家想知我而家睇緊邊位醫生都可以pm我。
之後食完抗生素都要睇中醫調理一下身體,有好介紹麻煩同我講聲 🙋♀️
************************************************
好啦,咁其實我點解要睇醫生仲要食咁耐抗生素?
話說我確診咗 #玫瑰痤瘡(#Rosacea),我本身皮膚 #容易敏感,係 #濕疹底,所以都容易有呢個病
但係玫瑰痤瘡同濕疹嘅治療方法係完全唔同,玫瑰痤瘡係唔用得 #類固醇!
而我由細到大都容易面紅,雖然之前打過彩光同激光已經改善咗好多泛紅嘅情況,但月頭生咗太多類似暗瘡的東東,所以就立即去睇醫生😫😫
睇番資料先知,原來我嘅情況已經由泛紅血管型演化成第三階段的丘疹型玫瑰痤瘡😫
知道咗問題根源之後,我都換曬成set護膚品,全部要 #保濕低敏;#保持心情放鬆;避免食辣嘅食物及酒精;避免曬太陽💪💪💪
暫時進展良好,遲些慢慢再同大家分享我與「玫瑰痤瘡」嘅抗戰成果!😁
中環 中醫 暗瘡 在 果籽 Youtube 的精選貼文
夏天將至,註冊中醫師黃晶晶提醒,長戴口罩臉部肌膚或會出現三大問題。
三大口罩肌問題
第一,油脂分泌旺盛人士,臉部更容易出油、長暗瘡,尤其下巴位置,較容易生大粒暗瘡。 其二,中醫認為皮膚長期被壓迫,氣血循環會變差,如果工作較繁忙,臉部肌膚更容易「缺氧」,大大影響氣色,除罩後皮膚會顯得暗黃。「大家可能漸漸發現,長戴防護性質高、密不透風的口罩,皮膚或會鬆弛、下垂,因為口罩緊密地壓住鼻梁、耳朵,令臉部肌肉繃緊,尤其眼眶下容易有深陷、失去光澤,口罩長期磨擦鼻翼兩旁,也會使法令紋變得粗糙、紋路加深。」所以這個夏天,認真潔净、保養皮膚尤其重要!黃醫師推介了一款自製面膜配方,「具保濕、清潔功效的面膜DIY便足夠,好處是可選用較天然、無防腐劑的材料,根據膚質調校份量。」
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#口罩 #口罩肌 #中醫 #護膚 #面膜
#果籽 #StayHome #WithMe #跟我一樣 #宅在家
![post-title](https://i.ytimg.com/vi/AD6Z4U0at6U/hqdefault.jpg)
中環 中醫 暗瘡 在 果籽 Youtube 的最佳貼文
想皮膚又白又滑,猶如剝殼雞蛋般,不少人也想盡方法變美,但其實不一定要到美容院,中醫也有好方法,配合內服外用調理身體並改善皮膚問題,助你變得容光煥發,重拾年輕!
正所謂「一白遮三醜」,為何面色看起來總是暗淡無光?香港註冊中醫李廣冀博士表示,人的神態及面色反映五臟六腑及氣血運行是否平衡,中醫亦有五行理論來概括五大面色,就是青、赤、黃、白、黑,這五大面色相對應人體的肝、心、脾、肺、腎。
https://hk.appledaily.com/lifestyle/20210217/M56XPWS3EZFKPPSUGN7CPLBOYE/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#暗瘡 #中醫 #美顏針 #濕疹 #美白
#果籽 #StayHome #WithMe #跟我一樣 #宅在家
![post-title](https://i.ytimg.com/vi/_krPxCMxyvw/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLDIj1ckppr7HABo6U7Pwqzv1TUEpg)
中環 中醫 暗瘡 在 果籽 Youtube 的最佳解答
暗瘡問題令人苦惱,不只影響外表,更甚是有些暗瘡特別腫痛。這些既紅且大、看上無膿頭的瘡,正是石頭瘡。究竟石頭瘡的成因是甚麼?飲涼茶清熱下火又是否能解決問題?香港註冊中醫何慧潔話你知。
何慧潔醫師指,除了暗瘡長出的部位外,中醫很多時會從形態分析它與甚麼問題有關。何慧潔醫師說:「眾多暗瘡中,石頭瘡屬較較難處理的一種,在現代醫學分形上,石頭瘡亦屬較嚴重、第三或第四期的暗瘡。」石頭瘡是一種聚合型痤瘡,又屬閉口性暗瘡,看上去並無膿頭,一般都較大顆、很硬實,且不容易消退,如果出得密集,難免會影響外觀,留有疤痕的機會也較大。
https://hk.appledaily.com/lifestyle/20210123/2RTC2MB52BEG7IHSSUV7R7Y5CQ/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#暗瘡 #石頭瘡 #中醫 #涼茶
#果籽 #StayHome #WithMe #跟我一樣 #宅在家
![post-title](https://i.ytimg.com/vi/HM90_E7rhvs/hqdefault.jpg)
中環 中醫 暗瘡 在 中醫針灸可以美容,仲可以提亮祛斑,改善暗瘡? - YouTube 的推薦與評價
![影片讀取中](/images/youtube.png)
Central Chinese Medicine Clinic 中環中醫 診所 ... 香等,以調節面部肌肉,改善微循環,增加面部皮膚營養,提亮膚色,改善色斑、 暗瘡 問題;另一方面 ... ... <看更多>
中環 中醫 暗瘡 在 中環中醫診所- 【暗瘡影響外觀,好難斷尾 - Facebook 的推薦與評價
最近好多年輕人都因為暗瘡問題黎中環中醫內服中藥調理身體,好多患者都係服食完中藥後,得到好大嘅改善,只要對症下藥,中藥療效都可以好快! 如果你發現暗瘡反反覆覆好難 ... ... <看更多>