03.02.2019
跟ABC & Clair去日本🇯🇵
·
去到第二日，我地一早就對住個好靚的海景食早餐，其實我幾鐘意日本一早吃早飯的習慣，食得超級豐富，咁樣先可以為一日增加元氣💪🏻
·
食完早餐，就去左「株式會社能作」到參觀，高岡市從明治初期，就有鑄物之都的稱號。 而呢度創業已經有百年歷史架喇，我地仲參觀完仲有得即場親手體驗活動，由造模同倒模，最後打磨成功造左一隻酒杯🍶出黎，真係好有成功感架😎 其實除左酒杯之外，佢地仲有好多唔同體驗比大家選擇既，重點唔想自己整的話，現場都有好多佢地的設計品買返屋企自用或者做手信添♥️
·
做完能作，我地就係度睇埋日本的和菓子製作，今次特別安排高岡創業180年的大野屋嶋田師傅為我地做示範。 首先做之前，介紹左好多造和菓子的原材料，大部分都係日本生產的上等材料黎架，其中記得連紅豆都有細分左好多種，另外仲有白小豆、黑砂糖、和三盆糖等等... 當日師傅示範左日本四季的代表作，例如春天來臨的杜鵑雀、冬天的櫻花、日本國花的菊花等。 眼見師傅幾下就完成一個又一個的作品，都好想有機會再去佢地的店舖帶d返香港送比朋友呀🌸🌼
·
跟住落黎就係我最鐘意食的環節啦🤤🤤🤤 我地去左新湊漁港市場個度睇紅楚蟹🦀的午間拍賣，可能因為呢度近漁港的關係，就算你唔係批發拍賣，都可以以好平的價錢買到零售的新鮮蟹返屋企。 佢地仲要好貼心幫你蒸埋，仲可以有保溫箱帶返香港添呀 (我就係最好例子，買完再帶返香港🙈) 另外除左紅楚蟹係當地名產之外，仲有好出名射水市的紅白丼鄉土料理，就係一半紅楚蟹加白蝦而成的海鮮飯，係超級鮮甜呀😭
·
衝衝忙忙咁又去下一個行程就係去酒廠參觀喇，能夠有機會參觀簡直就係一個榮幸呀！ 平時可能大家都會有聽過或者見過的『若鶴』清酒，其實佢地除左清酒仲有出威士忌架，而家日本的威士忌多左好多人識，甚至有好多都比人拎去炒而提高曬價錢。 今次除左了解一枝威士忌的製作過程，仲有機會試飲佢地已經停左產的三郎丸添呀。 而我覺得最值得欣賞的係，佢地強調目前佢地的酒大部分的過程都係以人手做工，而非用機器，因為佢地認為而機器做出來的酒是沒有感情，只有用人工做出來的酒先可以把感情投入，先可以做出一枝有溫度的酒。
·
飲完酒就去賞花，去左一年四季都可以睇到鬱金香的地方，正常鬱金香要大概4-5月先可以睇到，但呢個四季彩館就利用左獨家技術，可以365日都欣賞到靚靚的鬱金香。 真係超級靚架🌷
·
到左晚飯，我地去左食京都料理，京都料理係日本人心目中是最正統同崇高的，亦是歷史最久遠的地方料理，主要以豆腐、竹筍同蔬菜為主，味道相對都會偏淡啲。當日仲有我第一次食的𩜠魚，屬於三文魚類的魚黎，比較細條d，可以一整條食架！ 另外仲有好多佢地上山採的山藥黎做食材，全部都好好食😭😭😭
·
享受完晚餐就係返酒店的時間，當晚安排入住的五箇山山莊的溫泉旅館。旅館好好咁特別為我地加開一場筑子表演，筑子以108塊檜木板所製成的民俗樂器，而筑子舞係富山傳承至今獨特的傳統舞蹈黎。 日本人相信人有108種煩惱，所以希望藉着舞蹈向神明祈求將煩惱消除，五穀豐收。
·
到最後我地一齊係旅館浸溫泉來完成一整日的行程，好記得係露天溫泉，被雪山🏔️包圍，月亮超亮超大，而且滿天星星🌟 就這樣過了幸福的一日♥️
·
#nosaku #能作 #大野屋 #wagashi #和菓子 #shinminato #imizu #kohakudon #shinminatokittokitomart #礪波 #大正藏 #三郎丸 #tulip #tonami #tonamitulippark #sakade #gokayama #kyotofood #坂出
#五箇山 #京都料理 #五箇山莊 #溫泉 #eatlocaljapan #clair #abccookingstudio #kokiriko #筑子
五箇山莊 在 #菅沼合掌集落 - Explore | Facebook 的推薦與評價
嚟緊1月29、30日舉行嘅燈飾主題係「四季の五箇山雪之光彩岩瀬家・行德寺山門LIGHT ... 五箇山溫泉五箇山莊 位於#富山縣 #南礪市，鄰近#世界遺產 #相倉合掌集落 及#菅沼 ... ... <看更多>