朋友講得好啱：「真係愛哥哥就俾佢狠狠跌一次，唔準扶」。
我知我已經唔應/無得幫佢，決定睇住佢跌倒，只能期望佢好好自己面對。
我此刻諗起海賊王既路飛爺爺卡普，佢在頂上戰爭沉默地對路飛袖手旁觀，睇住艾斯送上死刑台，一直咬緊牙關喊，但由頭到尾唔插手幫佢地，貫徹自己立場。當然，我覺得無謂討論呢啲人物例子用得啱唔啱，只係想講卡普個部分，我而家好明個份掙扎。
相對地，我道行未夠，自以為可以做到不割蓆不包庇不偏不倚。本身論事蹟而言，開頭亦只知佢蘋果一事，問心我既內心還承受到，覺得都仲做到持平。昨日下午未追曬post前，我認為自己還好，內心還清靜。但後來知道得更多時，我發現隨住自己愛兄心切既情緒湧現，自己言行取態已漸漸biased。我覺得我目前被私心蒙蔽緊雙眼，咁既狀態下已無資格出聲，亦會對第二邊既聲音唔公道，我決定停一停，唔再就我哥哥近排既事講任何野。
我一邊需要追post，一邊知悉一啲會令我驚訝既事，一邊消化呢啲事，一邊試著抑制冷靜，一邊耐心同佢傾，俾機會聽佢解釋，一邊安撫我父母，一邊陪住犯錯既哥哥。我感到抱歉既位係，我未能夠好好重視我哥哥以外既人既感受。抱歉我既心力容量已滿，我好攰了。
我討厭自己的雙重標準，好難受。
我目前既情緒係，我唔介意我哥哥既過錯波及到自己以至身敗名裂都想至少保留佢一絲死者蘇生既機會。但我咁講野，明顯已經平衡唔到個種愛與是非對錯。在恢復判斷力前，我想行開下。
至於佢如何處理，如何負責，如何表達悔意，大家又對佢有咩睇法、如何跟進，我不再干涉。我決定只會默默陪伴。
我之後既展覽都想重新構思，因為我今次本來希望畫既係圍繞女性。但我呢兩日一畫女性，諗起既就係啲令我驚訝既事。我想連根拔起砍掉重練，構思新idea。都好既，呢排展覽呀、出書都有啲密，隔一隔先。
圍繞住佢本人既事蹟，希望去返佢本尊既平台討論。當然，對我有咩睇法依然歡迎係度或dm講。之後呢度會恢復畫野。
人物例子 在 英雄人物例子在PTT/Dcard完整相關資訊 的推薦與評價
關於「英雄人物例子」標籤，搜尋引擎有相關的訊息討論： ... 英雄人物（汉语词语）_百度百科英雄是文学分析与心理学里常用的概念。 童话中的主人翁就是人格分析与心理 ... ... <看更多>