話說，人妻先生在公司一向都係走超級sweet的甜甜圈奶油路線，所以大家都好錫我，經常都呵護住我呢一朵小花。
早前年底review，上司大人話「Kevin你每件事我都很滿意，但我就是不喜歡你在開會時不出聲，你明明有很多好主意，但總是開會後才跟我說，我代你說了就是我的功勞，這樣並不好，你要主動點把你的想法提出來。」
咁好啦，今日同個vendor開會，你真係唔好當我上司大人係華爾街之狼，佢份人真係無脾氣到一個點，成日俾vendor蝦、帶佢遊花園。
好似今日佢叫個vendor 搞返掂佢地公司闖出黎嘅禍，搞返掂個bug。點知個vendor質返佢「我地行業唔會咁做架，你地俾錢買upgrade啦！全行業都唔會再做fix pack。」
我見上司大人招架不住，終於開口講「唔... 唔好意思...」
上司大人見我十年開第一次聲，即刻叫停所有人聽我講。
「請原諒我的直言：沒錯，可能全行業都不再做Fix pack，但我猜也只有全行業得你公司有咁多bug。」
（電話傳來上司大人同埋印度IT的掌聲）
「微軟、google同甲骨文，佢地如果造呢件產品，恕我直言，佢地唔會俾呢件產品出到街，因為影響商譽。我唔介意你用行業的標準去處理產品嘅售後服務，但同時間我亦希望你能夠出售一件合乎行業標準嘅產品俾我地。我其實唔理你公司出唔出fix pack，我用你地嘅產品，見到有個大bug，就要求解決，這是很正常不過的事，不是嗎？」
就係咁，我個小花形象就咁破滅了....
#而我上司大人好開心
#因為佢真係唔擅長談判
#我其實好多野想講
#但我又好怕羞
#現實世界的人妻先生係一個怕羞仔黎架
但我又好怕羞 在 //唔好怕羞隨便問你想學如果我又識就一定會教// 一個人有好多可能性 ... 的推薦與評價
唔好怕羞隨便問你想學如果我又識就一定會教// 一個人有好多可能性(Diu廢話但其實我都係好大個先知知果陣我仲做緊sales系hmv) 三年級小妹妹依家已經由ukulele變左學木結 ... ... <看更多>