［到底癡情原是老人～～～～的意外］（＊）共你有過最美的邂逅～～～～～共你有過一些風雨憂愁
TLDR：全無公共性，全無建設性，全無連貫性，正經勿入（多數呢啲文最多人睇）
1. 唏，好心啦，幾廿歲人，唔好咁多性幻想啦老兄。
2. 不過認真，呢位仁兄都十分知……癡情。何苦呢？其實我年少時都有呢啲咁嘅事情，但，嗰時我十幾歲咋。咪就係「愛情街症室」。當年，係科學館，時為1990定1991年，不要再提了。但我記得我上下半身應該冇強烈咁震動，對方有冇就唔知啦
3. 又，YES雜誌真係帶畀我好大嘅衝擊。最大嘅衝擊就係，做傳媒真好，完全係可以公器私用，自己溝女，抹黑情敵。班農同Cummings 都未撚出世香港已經一早有fake news campaign．
4. 除咗廣為人知嘅毒瘤明肥肥人外。比較少人記得黃凱芹都畀人抹黑係印度叉仔，原因自然你懂的。仲有，當年倪震搞上陳法蓉大家都知，但之前城市驚喜搵咩人影？就梗係唔係陳法蓉，而係佢個妹陳法琴。拿，公器私用呀。
5. 好似又扯得遠咗。但，都係嗰句，何苦呢。我都做過類似嘅嘢，細個就寫信去愛情街症室，大個就寫情信畀同事（隔離班班主任嘛，好多人都知），蛋糕都整過。
6. 仲有，當年我半夜整Tiramisu（WTF），但冇Mascarpone Cheese，但嗰係學期最後一日（證明我一直都係死線騎士），唔整？以後唔使整。結果？結果我由屯門，半夜坐小巴去銅鑼灣。去銅鑼灣做乜春？因為，百德新街嗰間惠康開廿四小時（元朗都有間開廿四小時，但元朗未必有Mascarpone Cheese）。亦因為咁，如果有加我Personal Facebook嘅，而家耐唔耐都見我經過嗰間惠康打卡，叫做「人民不會忘記」「Lest we forget」「抗戰XX年」「xx years and still counting」。而嗰間惠康，居然到而家都未執！
7. 嗰時呢，我真係以為自己係情聖。不過，溝到咪情聖，溝唔到咪死痴漢死毒撚。咁我明顯係後者。Phew~~~~~
8. 其實冇乜嘢，誰沒有一些黑歷史呢？仲有大把。真係 那麼瘋癲過 那麼珍惜過 那麼動地驚天愛撚過（單戀係唔係戀？）。的確十分可歌可泣搜神記。但後來我發現，搞咁多嘢，其實都係自high，為咗證明自己（以為）對愛情幾咁忠貞。正如有啲女係不停咁要遇人不淑，先建構到自己嘅形象。所以容祖兒次次演唱會都唱《痛愛》，仲好多女跟住一齊唱（《心淡》都次次唱，但有埋佬一齊唱）。
9. 到三十歲，唔再教書轉投金融界後，就唔再做呢啲咁嘅嘢。當然係歷史一份，冇呢啲嘢冇今日嘅我，但Been there, no thanks. Never again，你要我而家再寫情書，我出多兩篇Patreon好過（噢！你變了！銅臭撚。See？寫情信就係死毒撚，唔寫就係銅臭撚，冇錢又唔靚仔就係咁慘）。咁當然，又有好多人認為，呢啲先係愛情，你識乜。都係各有品味啫。
10. 其實呢類故事，並冇帶畀我咩困擾（當事人就可能有啲困擾，謹此致歉）。但，當我將呢啲嘢貼上網（其實未有Facebook前，2004年已經有互聯網架啦），副作用就係，後來啲女知道呢啲事，就有意無意咁埋怨，比較。點解我當年可以做啲咁CLS嘅事情，對住佢地就唔會。答案好簡單，因為當年人地唔受。受就唔會有呢啲事情啦。固然有完呢啲事情都唔會變受，但咪話過咯，我都未整完個Tiramisu，已經覺得自己贏咗啦。Underdog嘛
11. 佛陀弟子阿難出家前，在道上見一少女，從此愛慕難捨。佛祖問他：「你有多喜歡那少女？」阿難回答：「我願化身石橋，受五百年風吹，五百年日曬，五百年雨打，但求此少女從橋上走過。」絕美的句子卻始終未得到少女的回應
12. 但，阿難嘅年代，就肯定未有Tinder，亦都未去過東莞（我都冇去過，聽講米粉出名，我老母好似係籍貫東莞的）。
13. 認真問，固然而家「籍貫」呢味嘢不合時宜，但，如果仲要填，咁啲人填乜？我教書年代，有人填「天水圍」（西涼馬超咩）。而家呢？填乜好？福岡博多？京都嵐山？首爾明洞？飛田新地？
14. 明明原本係想恥笑人，做乜變咗自抽？估唔到呢啲故事，事隔十幾廿年都可以拎出嚟講。連當年啲學生都結埋婚，仔都生埋。而我仲係嗰個日日上網打幾萬字嘅人。
（＊）呢個gag玩過好多次。但細個時嘅空耳仲有好多。例如聽林志美嘅《偶遇》，我聽咗係「會是魚竿 會是如詩」，唔明鄧浩光有女唔溝做乜去釣魚。例如我真心以為「擄人勒索」係老人勒索，唔明做乜老人要分開一條罪。咁呢啲都係我當年中文程度低之過。
但去到《森巴皇后》，明明唱「那裏去沙灘接吻 更似開香檳」，我就聽咗做「懶去沙灘接吻 禁止開香檳」，唔知係唱嗰個嘅問題，定填詞嗰個嘅問題（＊＊）。更大鑊係有人話我知「禁止開香檳」先係原文，「更似開香檳」先係錯。唔信你可以Google下。咁我未淪落到買Twins嘅CD（定好似買過），但睇返官方MV呢，係寫「更似開香檳」嘅。End of Discussion（＊＊＊）
（＊＊）我知林夕拎諾貝爾文學獎，但，係咪我要好波過美斯先可以批評佢一腳波唔掂？
（＊＊＊）「更似開香檳」無誤，但，上一句係乜？係「那裏去沙灘接吻」，定係「拿來去沙灘接吻」？而官方MV，居然係兩個版本都有！單曲一個版本，演唱會另一個版本。想點？
———————————————————
Ivan Patreon，螞蟻攻略：https://bityl.co/48eM
———————————————————
Instagram @ivanliresearch．七成金融（短打）兩成嘢食一成其他嘢。
———————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
佛陀弟子阿難出家前 在 [問題]有關於電影《劍雨》中的描述- 看板Buddhism 的推薦與評價
影中的開頭結尾都有重複的提到
以下
佛陀弟子阿難出家前，在道上遇見一少女，從此愛慕難捨；
佛祖問他，你有多喜歡那少女?
阿難回答：「我願化身石橋，受五百年風吹，五百年日曬，五百年雨打，
但求此少女從橋上走過。」
方才輸入了眾多的關鍵字去搜尋，也翻遍了手邊現有的經文，
就是找不到關於影片中這個典故的出處。
不知道有沒有版友能夠告知一下出處，亦或是說這根本只是吳宇森杜撰的？
（不知道在這裡問有沒有違規, 剛剛看了下版規, 也有在板上搜尋到有關一些
電影的問題, 應該是沒違規的...如果違規的話, 小弟會自刪 ）
--
※ 發信站: 批踢踢實業坊(ptt.cc)
◆ From: 220.140.109.227
... <看更多>