#親子郊遊
#西貢 #鹽田梓
#記住千祈唔好搭紅旗華記船🚩
#大伏🤬
話說前日 #初七 #人日，我哋去西貢半日遊，見到碼頭有好多人兜售船飛，話可以出小島玩吓🚤，由於我哋帶咗bb車，所以就揀易行啲嘅鹽田梓。
一落到島就見到村公所，沿路向上行就會見到茶座，然後會見到景點教堂、文物陳列室（呢個要收費$20，我冇入去）、向下行就可以到鹽田（要收費，我都冇入去）、玉帶橋等。
「鹽田梓」全盛時期曾經有200幾人居住，一直以造鹽同耕種為生，宜家已全數遷出，不過我哋個日去就見到唔少掛住「義工」牌嘅人幫手帶領參觀團。
#聖若瑟小堂
鹽田梓全部居民都信奉 #天主教，聖若瑟教堂喺1890年建成，係全港最妥善保存嘅鄉村教堂⛪️，屬於 #二級歷史建築物，2005年度更獲得「聯合國教育科學文化組織亞太區文化遺產優良獎」。
#玉帶橋
仲有一個打卡位就係玉帶橋，呢條橋係連接 #滘西洲，不過個邊已經成為私人golf場⛳️，所以行到盡頭就要返轉頭。我就帶咗張墊俾小朋友食喺度吹吓海風食吓麵包同生果，非常舒服😌。
#鹽田活化
近年，鹽田梓原居民決定修復鹽場，同舉辦各類活化村嘅保育活動，所以吸引唔少「義工」過來幫手，希望將鹽田村嘅歷史同文化傳承落去👍🏻。
#鄉誼茶座
呢度只有一個小茶座，有得食 #客家 傳統 #茶粿，味道唔錯㗎😋！仲有豆腐花、豆漿、檸檬薏米水，燒賣、粉果等等，玩完大半日嚟呢度醫吓肚啱晒！
不過最唔開心就係4:30等船，等到5:15艘船先到😡，期間連啲義工都叫我哋打多幾次電話去催個船家。一路望住藍旗/肥婆嘅船嚟完一轉又一轉，乘客「遲來先上船」，心裡很不是味兒😑。所以大家記得記得，❌千祈唔好搭紅旗「華記」船呀❌！
#明明船家話20分鐘一班船
#愈等愈嬲
#弟弟等到瞓著
#落船上埋車去到上水都仲未醒🤣
#斷電到咁
#阿叻之前都約朋友嚟呢度食飯😂
#俾人周到佢犯限聚令
#之後間餐廳就極速收皮🥸
#親子好去處 #郊遊好去處
俾人周到 在 又做水魚俠！？ 俾人周到唔戴口罩！？拍拖日常！食貴嘢 ... 的推薦與評價
又做水魚俠！？ 俾人周到 唔戴口罩！？拍拖日常！食貴嘢！買貴嘢！ | Handsome Hins. 874 views · 7 months ago ...more ... ... <看更多>