咦？乜星星之火那位KOL狂推嘅自動販賣機出晒貨啦咩？喂，各位苦主，我真係恭喜你呀！等左咁耐俾左成年錢、仲要自己去埋搵位，終於出到自動販賣機啦！
咩話？仲未出貨？咁點解呀sales會sell sell下突然sell左第二樣野嘅？唔會係sales sales，sell人買屎呀嘛？ 又話星火燎原嘅？我知啦，係咪風太大，吹得勁得濟所以吹熄左？定係火勢太大，所以我呢位KOL老朋友要跳海潛水，話說佢都潛左好幾個月了，要不要通知健力士世界紀錄大全，收錄佢成為最長時間深潛的人？喂～ 你見到鐵達尼未呀？幫我同呀Jack打個招呼啦！
好啦好啦， 我地講返啲有營養的內容。
首先，我唔評論市面上到底有幾多間公司都係做緊自動販賣機，亦唔講呢個概念有幾咁「前衛」，我肯定大把香港人未見過自動販賣機啦，呢啲嘢咁高科技，我點敢評論？
我講返我老本行— 廣告業。
即係咁，我好欣賞有人覺得在全港各地擺十零廿部電視機，就會有做marketing 嘅水魚落廣告。你諗下由的士椅背的電視仔、到小巴內部的電視、到巴士roadshow，有幾多個做戶外電視/ 熒幕廣告嘅做得住？做戶外廣告，一係地點、一係靠量大。地點？唔駛諗啦，個位靚嘅、多人流嘅，商場一早間左出去，就算間唔到都會塞個車仔檔，點會輪得到你？就算真係有，個租金又會貴到嚇死你，你租左都唔會有錢賺。既然個位唔靚，咁人地marketing人點會肯同你落廣告？落左去跑唔返條數點算？你估做marketing真係唔駛計ROI架咩？
咩話？Free俾我？好笑，你估你free我就肯要？你個display係咩spec？我叫個designer resize隻稿唔駛錢架？仲有你部機又襯唔襯我個brand image？你部機入面賣嘅嘢又會唔會同我個brand有衝突？你其他啲客係咩客？搞一大輪就係招呼你全港十零部機，我點sell俾我老闆？
當然，FMCG或是中小企還是有機會成為目標客戶的。不過前者需要大數目的播放渠道，你無兩百部機就算啦。中小企呢，好少預算做branding，大部份都要跑數（你用緊老闆嘅錢，佢梗係要你洗一蚊就賺兩蚊），當你部自動販賣機連自己產品都滯銷的時候，人地點會信你帶到個客黎？
退一萬步來說，呢啲客戶預算通常唔多（但聲氣好多、麻煩都好多），收完佢錢，扣埋行政費才除返開俾每個機主，每人會有幾多錢呢？
最後，你最好求神拜佛你廣告賺唔到錢。點解？你傻架？租人地商場賣廣告，人地見你賣得好，出年就收返你個spot自己擺廣告牌去賣啦！又或者，你有冇留意商場內的租務條款？有否規管你所顯示的內容或廣告？依家你做得細，偷下雞都仲有得講，但你做大左，真係簽左張大約返黎，到時候啲商場先黎禁你賣廣告，你可以點算？與其同我駁嘴，有時間不如睇清楚份租務合約啦。
我呢，真係一個師奶仔黎架ja，好多野都唔識，邊有人地公司有專業團隊咁雄圖偉略？我肯定佢地公司已經有一套完善的廣告發展方針，請大家唔需要擔心，不要問，只要信，繼續All in!!! （戴頭盔：呢個唔係投資建議，蝕晒唔好搵我算帳）
#財務自由
#日日訓到自然醒
#天橋底個乞丐咪係咁囉
#好自由架
#自己人生自己掌握
#無錢開飯唔緊要
#火sir咁鍾意助養小朋友
#順手助養埋你就好
#好心啦
#幾廿歲人都唔化嘅
#邊有呃你姐
#做生意梗係有賺有蝕
#人地賺左你咪蝕左囉
#好公平呀
#賺錢嗰陣你唔去搵議員
#我仲記得你話我阻人發達
#依家咪一見發財囉
#三九唔識七有錢賺要上網教埋你賺
#真係好好人呀
做生意梗係有賺有蝕 在 咩廠黎架？ Mi：我呀哥同我夾份做生意吖嘛，依家有60幾個 ... 的推薦與評價
Mi：我呀哥同我夾份做生意吖嘛，依家有60幾個工人，每月賺梗50幾萬。（手指指，碌大隻眼，荒死我唔信） 我：咁間野依家喺邊架？（係堅就分d黎丫） Mi：咁就唔係好清楚 ... ... <看更多>