關於 出前一丁 咩 味 ，我們在網路上蒐集到這些相關的討論、資訊與評價

你哋食出前一丁鍾意夾咩配料？日式叉燒？火腿？五香肉丁？

以前同阿媽一齊住，最怕聽到佢講：「煮個麵你食吖。」唔係唔鍾意食麵，而係佢會將食唔晒嘅餸擺晒落碗麵度，你明唔明呀，想食麵係因為阿媽啲餸失手，但你煮個出前一丁畀我，又將啲餸擺返落去，咁有咩分別呀......

突然講起出前一丁嘅配搭，因為早幾晚見到一位朋友post相，佢夜媽媽喺屋企煮咗個鮑魚出前一丁，你冇睇錯呀，真係大大隻鮑魚擺落碗麵度，搞到我愈睇愈肚餓，屋企有出前一丁但冇鮑魚，你叫我情何以堪呢！

好在打開廚櫃一睇，人生仲有希望，我有 #出前一丁北海道小麥粉豬骨湯味 同埋 #出前一丁北海道小麥粉黑蒜油豬骨湯味，呢個「北海道小麥粉」系列之前得麻油味，即刻試新嘢啦！個人好鍾意黑蒜油豬骨湯味呢款，因為佢加入咗炸蒜粒，湯底香味大大提升，另外個豬骨湯味就加入咗紅薑粒，湯底層次又係另一種昇華。

湯底掂，個麵當然要有卡士啦！同上年推出嘅「出前一丁北海道小麥粉麻油味」一脈相承，麵條採用100%北海道產小麥粉製作，色澤更金黃，口感亦更煙韌彈牙，散發甘甜麥香。

話明食麵食麵，出前一丁先至係主角，配料要乜都好，其實只係錦上添花，最緊要湯底同埋麵條高質吖嘛，快啲去惠康、百佳、Aeon、Donki同埋759等各大超市入手啦，睇下你鍾意豬骨湯味多啲，定係同我一樣大愛黑蒜油豬骨湯味吖，識唔識分北海道小麥粉系列同港版日版之間嘅分別先？好易睇㗎咋，見到包裝印有金色小麥同埋金色北海道地形圖案分列左右，兼有紅色「100%」喺中間嗰個logo標誌，呢款就係「北海道小麥粉」系列喇！

好想知大家有咩喜好，分享下你食出前一丁鍾意夾咩配料吖！

#出前一丁 #北海道產小麥粉 #豬骨湯味 #黑蒜油豬骨湯味 #紅薑粒 #炸蒜粒

我又要嚟分享我嘅古怪成長經歷，今次輪到我老母。

頭先啱啱ig story分享咗～
一個驚為天人嘅烏冬！
收到海量嘅回覆，全世界都食過，
全世界都知响邊度買。
然而，其實我係非必要嘅話都唔會食即食嘅嘢。

我記得好細個嘅時候，一放假就會去香蜜湖旅行。由於我驚鬼，我會帶好多耶穌同聖母嘅相去酒店貼响床頭。夜晚，我唔記得邊個，會煲水整杯麵。我覺得杯麵好臭😂所以我都係去到中學先跟潮流食下。而家人大咗，尤其去露營嗰陣，任何一款杯麵都係救贖，咁但係我不嬲都冇乜興趣去試即食麵或者杯麵嘅。

講到呢啲古怪飲食習慣就不得不提我阿媽。我好細個嘅時候，佢已經同我講，麥記嘅蘋果批唔食得，因為會嘔。而我細個係一個好易會嘔嘅人，搭長途車會嘔，坐船如果要坐冷氣位我一定嘔(that’s why 我好討厭去大嶼山或者長洲，因為佢得呢啲船選擇)太早起身會嘔，所以逢星期六如果係長週要返早，我排緊隊集合嗰陣時就會嘔。

既然係咁，我阿媽話蘋果批會嘔，所以你估下我幾多歲先食第一個麥當勞蘋果批？係中六！仲要我發現係勁好食！我記得我問過阿媽，點解你話會嘔？佢好似話純粹佢唔中意食。另一樣嘢就係麥香雞包。我細個好少去麥當勞，如果佢都係食魚柳包同麥樂雞，因為我阿媽話其他包都係會嘔。但係最厲害係，到我中學，都應該係中六咁上下，受到蘋果批好好食呢個衝擊之後，我就試埋麥香雞包。頂！原來麥香雞包係好好食！就係咁樣，我先慢慢脫離呢個枷鎖。

講返杯麵碗麵以及係零食，其實我唔係一個鍾意食零食嘅人，亦都可能因為咁我根本唔會肥得去邊。每次去旅行，個個去到便利店都瘋狂買零食，返到房沖完涼又要預返個時間開零食大會，但係我對呢啲嘢又完全冇興趣，食麵唔會飲味精湯，但我強調我係好鍾意出前一丁，日本版出前一丁我真係煮得好好食。

我諗大家都知道，我搬出黎住其中一樣嘢就係唔想我阿媽再搞我啲嘢。話說前幾日，我表弟想攞個頌砵，好明顯呢樣嘢就响舊屋嗰度。我阿媽不停話佢搵唔到，淨係搵到敲砵嗰支棍，佢話我攞咗個頌砵走。首先我攞個砵但冇棍，唔通用嚟撈麵咩。咁我諗住唔理佢啦，點知5分鐘之後我阿媽出現喺我間屋。然後佢開始入我士多房摷嘢。I was like🥸難道我唔知自己間屋有乜嘢？同埋點解你落嚟我間屋度自己揾嘢🥸

結果我都係冇理到佢嘅。

到最後佢話佢返去舊屋搵另一間房。
I was like 原來你話搵嚟搵去都冇，但係有一間房你係未搵過😂咩呀😂

就係咁，如果你覺得我痴線，係我父母做成㗎。

#小編去開房 之 一起身就食鮑魚？（中）

除咗晚餐放題，今次優惠再包半自助早午餐+下午茶，癲到一起身就有鮑魚食？😳 即刻睇下佢咩料！🤭

🎊預訂網址🎊 https://flyagain.la/3prt

🍖半自助早午餐
今餐由十一點半先開始食，簡直真係德政，唔使咁早起身！🥳 瞓飽飽，小編就落去食返個靚brunch～位置同樣係一樓Le Menu西餐廳。今餐包自助沙律吧+湯+一個主菜+一個甜品+一杯飲品，極豐富！沙律吧有生菜、秋葵、粟米等正常沙律材料，本身小編唔太鍾意食就冇攞到了😌

而主菜就有兩款，小編唔揀啦，全部都要！🤩 兩個主菜都打卡度十足！📸 先講旋風蛋叉燒飯，說穿了就係叉燒滑蛋飯，但外面層蛋真係有扭紋，包住成個叉燒飯，少啲功架都做唔到，誠意滿分！😍 叉燒為半肥瘦，好嫩滑唔韌，食嗰時加埋甜豉油，成個飯食落十分高質，真心食完會想再食！😋

另一個主菜就係花膠丁丁麵鮑，大大隻鮑魚+花膠撈出前一丁🤫，鮑魚都唔細隻，一起身就食真係感到富貴，但撈丁又同時有返點平民感，識play呀！🤪 味道方面反而小編就覺得較為普通，鮑魚同幾條花膠外就冇其他料，同埋幾好食的鮑魚汁醬唔太夠，令食個麵時有點乾同dry，如果多少少配料同汁會好啲！🤗

🍹下午茶
三點至五點供應的下午茶，真係brunch都未落格又要食，飽得嚟又好幸福🥰 下午茶三度去Le Menu西餐廳享用（真係食到啲人都認到小編了🤐）今次份量就少啲啦，包一大碟炸雞+窩夫，同埋一杯嘢飲，但食完都係好飽肚，晚餐都唔使點食！😶

一上碟就知成碟嘢係即製，擺入口仲係好熱，要小心辣口！🥵 炸雞咬落去仲有肉汁，好juicy，一口嘅size都令人好上癮！而窩夫都係熱辣辣上碟，兩樣嘢好似唔係好關事，但又離奇地夾～不過如果窩夫有楓糖漿以外嘅選擇就好了😎（小編想要煉奶但冇😂）

飲品方面就可以揀menu上嘅cocktail一杯（見圖）／果汁／咖啡或茶都得，最回本梗係飲cocktail啦，成件事好chill～😎 小編叫咗Pina Colada同Rum Peach，Pina Colada椰子味重，酒味反而冇乜，唔太飲酒的小編都受到，仲覺得幾好飲！😳 Rum Peach就酒味重少少，配桃味幾fresh🤭

💬 總結
三餐食哂，三餐質素都好令人驚喜，而且份量十足，絕無欺場！🤩 小編真係三餐都好鍾意，而家已經心思思想再encore多次啦🥰

未完待續

#出前一丁 #麻油麵 #北海道產小麥粉 #香港製造 #即食麵
出前一丁你就食得多喇，
港版同日版有乜嘢分別你又食唔食得出呢？
今次就連埋新產品一次過比較下，
睇下大家都係麻油麵，其實有乜嘢分別先！

產品：
出前一丁北海道小麥粉麻油味即食麵
出前一丁麻油味即食麵(香港版)
出前一丁麻油味即食麵(日本版)
銷售點：
百佳、惠康、AEON、Donki等各大超級市場有售

sponsored by 日清食品(香港)有限公司
【Youtube】https://www.youtube.com/c/mywaystogetfat/
【Facebook】https://www.facebook.com/mywaystogetfat/
【Blog】http://www.mywaystogetfat.com/
【誠實食後感全集】https://bit.ly/2Ea3w8t
【食譜全集】https://bit.ly/2El2Jlh
【肥波查牌全集】https://bit.ly/2lxhmcc
【銷毀會包膠全集】https://bit.ly/2Pp9hQA
#成波之路 #mywaystogetfat #比較 #日清食品

請訂閱我們的 Youtube 頻道
讚好兩公婆食在香港 Facebook 專頁
https://www.facebook.com/harrycarmen.food
04-08-2020

沙田石門搵食攻略 豐鍋日式涮涮鍋 一人小鍋 抵食靚牛放題任食 Movenpick任食！
數款食材自選 飲品款式多 美國牛肉黑豚肉 $188起
指定時間離座再減$30! Rich Pot Shabu
https://www.mrlamsan.com/2020/06/188.html
今次我地黎到沙田石門搵食,最近2年,聽到好多住附近既朋友講過石門多野食
原來作為新發展區既地區,有2個商場就係地鐵站隔離,有好多小店同唔同既餐廳
咁今次我們選擇了相當抵食既一人火鍋 $188一位起,另有更加高級既和牛放題
但食材咁多款式,睇你想食咩級數牛肉再決定未遲
唔食牛肉既朋友可以直接選$168 黑豚肉就夠
另外雪糕仲要任食,Movenpick 杯裝,三款口味,朱古力,雲尼拿,士多啤梨,淨係呢度食多2杯都抵!
最高級和牛$438,應該食既朋友不多~
入座前先選湯底,六款,麻辣,豆乳,番茄,醬油,昆布,豚骨
一人一鍋,食得安心~
飲品選擇多,各種果汁,包裝飲品,韓式特飲,黑啤,麥啤,啤酒任飲
另有純茶類2款,可樂,七喜,即食裝豆腐花也有呢~無糖SODA都有一款
蔬菜都有唔少款式,蘿蔔,芽菜,粟米,雞脾菇,金菇,白靈菇,羽衣甘藍,烏冬,出前一丁
芋絲,黑薯黨,波菜,黑粟米,南瓜片,雲耳,如果食素既朋友都可以考慮呀!蔬菜類都好多~
番茄片,炸豆皮,鮮羊肚菌,炸芋頭,虫草花,豆苗等款式~
全自助形式,只有牛肉,豚肉需要落單送上
自助醬料,日本醬油,麻醬,日本醋,辣椒蔥花蒜蓉等等~
雪糕櫃旁放了六款糖果,等你食完甜一甜,萬樂珠,可樂糖,棉花糖等等
自選食材另有獅子狗,芝士魚棒,嗚門卷,芝士腸,蟹柳,白魚蛋,貢丸,雞肉,午餐肉
魚豆腐,仿帶子,青口,日式豆腐
咁我地各選一種湯底,先打底食左蔬菜先,再之後先落牛肉做成鍋物咁慢慢食
牛肉質素相當唔錯,7分肉3分肥,呢種質素打邊爐最岩,不會太過肥膩而且肉味夠濃郁
黑豚肉更加係偏瘦,食起黎有彈肉,但味道偏淡,加返D濃味既湯底會比較夾~
番茄湯,夠濃,真係有番茄味,不會淡而無味,就咁煮熟食材唔點醬汁都非常夠味
芝士丸會爆漿食之前放涼一陣先好食,唔係好易辣親
大約夠鐘前15分鐘會提你埋單上最後一轉肉,服務態度唔錯,上肉速度夠快
唔會落單要2盤只比一盤,夠大方,唔怕你食
食到最後都唔覺膩,仲可以食到2杯雪糕先走,真心好抵食
小建議,先食菜後食材,無咁易飽!中段再食下菜再食過!
雪糕真心佛心,任食,如果有雪糕狂迷,食返幾杯已經貴過火鍋條數(以市價零售計)

#豐鍋日式涮涮鍋 #豐鍋 #和牛 #火爐 #放題 #打邊爐 #石門 #火鍋放題
#一人鍋 #香港美食 #RichPot #石門 #沙田 #香港
#HKIG HKFOOD #HKFOODBLOG #HKFOODBLOGGER