關於 半邊檸氹仔 ，我們在網路上蒐集到這些相關的討論、資訊與評價

《呷醋》

♂：早晨

♀：早晨，俾你估下，我依家飲緊乜？

♂：呢個時間……一係奶茶一係咖啡一係檸茶一係華田好立克

♀：……你不如任部飲品都講晒佢，咁一定中啦

♂：估中有咩獎勵先？

♀：可以氹到本小姐高興！

♂：嘩，獎品咁豐富，要搵律師樓處理先得

♀：答就答，唔好咁多野講

♂：我唔喜歡錯喎，不如你比少少提示

♀：呢種飲品我每朝都會飲既，亦係我最喜歡既飲品

♂：……咖啡

♀：最後答案？

♂：係，咖啡！！！！

♀：答案係……錯既，記住，我每朝都會飲奶茶！

♂：咁加唔加糖？普通奶加紅茶定係要黑白淡奶加茶膽？

♀：所以話，比人教過既男人係細心少少，呢種問題無拍返幾次拖同咁上下年紀都唔會問得出，加分加分！

♂：一係唔做，一做就要做到最好嘛，我係識做既

♀：係呢，你話你拍過一次拖，咁對上既人係邊個，你講黎聽下好喎

♂：第二十九日，你終於問呢個問題喇？

♀：睇下曾經邊個可以打動到你嘛，女人，總有比較既心

♂：嚴格講，應該係一次半，有半次係我追唔到，最後人地唔揀我

♀：先講第一個先

♂：第一個啊……要講返盤古開天……

♀：哦好，我叫多杯奶茶聽你慢慢講

♂：其實都係無乜特別，就係一個中學生見到人人都拍拖，然後有個好似唔錯既女仔，佢對自己有意思，而我又無反感，所以咪試下一齊既初戀

♀：咁唔得喎，你平時係咁寫文咩？咁唔會有人睇

♂：重點係細節度，如果要寫，我都可以寫返幾萬字

♀：咁最後點解會結束？

♂：因為我遇到一個令我心動既人

♀：就係個半個？

♂：係，佢真係好識玩，要溫柔有溫柔，要激情有激情，要虐心有虐心，總之我就係一下子比佢吸引左，我以為我遇到一個可遇不可求既唯一

♀：然後人地無揀到你

♂：其實我知佢同一時間有另一個人追緊佢，個個人條件比我好太多，我認為我係比較令佢開心既，但佢最終揀左麵包，無揀到愛情

♀：噢，結左婚？

♂：係，依家仲搞緊離婚

♀：哦……仲有聯絡緊？

♂：呢個係女人既直覺，定係閱讀能力高既表現？

♀：兩樣都係，點啊，舊相好依家失婚，你咪有機會囉！

♂：其實我返香港之後，佢有搵我，我都覺得佢想同我發展，不過比我拒絕左了

♀：你真係好誠實呢

♂：我唔想，亦無必要去呃你啊

♀：點解要拒絕人呢？

♂：答案你知啊，咪就係你囉，我喜歡你，個心全部都係你，已經放唔到其他人喇

♀：果然好出色呢，女都比你溝晒啦

♂：應付你一個都已經好吃力喇！！！！

♀：咁我比你應付多幾個囉，我唔同你傾計，你就有餘力去搵其他人喇

♂：Ph值好低！！！

♀：我無咁易呷醋囉，有自信既我係唔會咁做，只不過我覺得咁講會令你好無助，好好玩

♂：我都覺得你唔係呢種呷乾醋既人，所以先同你講，係呢，你23號得唔得閒，我約左個半個食飯，可以既我想帶埋你去

♀：好啊，我都想見下佢

♂：……比我想像中順利，我比個心理準備你，佢係幾靚下，仲有，佢對你抱有敵意呢

♀：佢靚又點，有敵意又點，關我咩事，咁你依家係鍾意我定鍾意佢先？

♂：你

♀：咁咪得囉

♂：你真係好正

♀：我覺得你可以用更好既形容詞，快！讚我讚我！！！

♂：你正到令我腦海一片空白，所以暫時提供唔到更多服務

♀：我相信我會比到驚喜呢半個，亦可以令佢覺得，當時無揀你係一個錯誤！

♂：即係你想幫我出氣咁話嘛！咁我點報答你好

♀：請食飯得喇，你地食咩

♂：【連結】

♀：你都幾捨得喎，睇黎呢個女人唔簡單

♂：還好啦，佢依家係失婚狀態，所以我都想佢開心既，你唔會呷醋掛

♀：呢個世界咁多女人，如果你想搵第二個既有幾難？大把方法，要留低一個男人既心從來都唔係去令佢唔敢咁做，而係令佢唔想咁做，只要我比到你需要既所有野，你仲點解要出去搵啊？

♂：你咁有信心你可以比到晒我？

♀：盡力啦，我真係比唔到既，我都無辦法，到時你去搵啦，咁你比唔到我既野，我都會識得出去搵，應該都唔難搵既我諗

♂：天蠍座？你咁記仇既！

♀：唔係，你應該估唔到

♂：你今日有咩做啊？

♀：開工，今日忙啊……

♂：咁好啦，你做野先，我都做野，我會掛住你

♀：好，你乖乖地喇

♂：我要幫半個算命

♀：你又識，你仲要夠膽講，勁啊！

♂：你唔呷醋我怕乜講

♀：【圖片】Lunch，係咪好想食呢

♂：點解對手可以咁靚既

♀：傻仔

♂：仲未收工？

♀：收喇，依家返去，今日都係好夜

♂：咁你早少少休息啦，我聽日再同你傾～晚安

♀：好，晚安，我今日做野都係笑住咁做啊！

♂：傻婆

♀：哎呀，好肉麻啊，我頂唔順，你快d訓啦！！晚安

——

長傾·不見 第一回 @筆友
https://bit.ly/LongchatEP1
長傾·不見 第二十八回 @七夕
https://bit.ly/LongchatEP28
好久 不見 第一回@久違
https://bit.ly/LongtimeEP1
好久 不見 第六回@命運
https://bit.ly/LongtimeEP6

每次嚟到#搭枱茶餐廳 ，都誓必會觸發到選擇困難症，本身餐點已經夠多元化，新品仲要keep住進場，望住餐牌真係少啲都冇辦法揀到心儀項目。今朝要貼堂嘅有大檸特檸特濃檸茶，一啖足以令自己彷彿喺茶園同檸檬園中兩邊泊岸咁，而家加十蚊更加以換埋層層疊多士，脆口嘅多士伴隨住透心涼嘅雪糕球，定價定到咁擺明係氹大家開心啦，我受落呀！

同場仲有突發出現嘅雞扒叻沙公仔麵同藍帶拉絲豬扒，叻沙湯麵用瓦煲裝住，食到尾聲都重嗒到充滿暖意嘅濃濃湯頭，雞扒亦如願地入味又唔怕柴口。

藍帶拉絲豬扒
炸到酥酥脆脆嘅豬扒帶肉汁又識出煙，都算，關鍵係入面呈半溶狀態嘅芝士同火腿，擺明同減緊肥嘅群眾過唔去。

十蚊加購多士仔活動（每日限定50份）：
黑沙環店每日10點半開始
渡船街店每日11點開始

搭枱茶餐廳

搭枱黑沙環店
黑沙環慕拉士街富大工業大廈地下C舖

搭枱渡船街店
渡船街32號寶仁大廈地下A舖

#foodinstagram #foodfoto #foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau

澳門美食節又嚟腰斬大家嘅減肥計劃喇，不經不覺就嚟到第二十屆，仍然係大家已經熟晒架步嘅西灣湖廣場度舉行；分怖喺上下兩層嘅六條為食主幹道包括；「中式洒樓街」、「歐陸美食街」、「亞洲美食街」、「風味美食街」、「甜品街」同「日本街」，由超過120間餐飲商戶湊合而成，等大家唔使東奔西走就可以左右擁抱環球美食！

今年唔主張邊行邊食同埋係嚴禁超過4人同枱進食嘅，大家要聽話喇！另外全場由慳時間又方便嘅電子支付作主導，現金可以暫時keep好，其中澳門通同MPay嘅著數最狂妄！肥唔好減住喇，約齊friend子谷谷個胃容量嚟掃個片甲不留先啦！

👅戰利品一覽：
Cakez Kitchen - 蛋黃疏乎厘Pancake
麻辣無情-鴻安中心 - 海膽餅/串燒基圍蝦
Half Lemon 半邊檸 - 茉莉鮮橙綠茶
The himalayan house macau - 素菜卷/尼泊爾餃子
四五六上海酒菜館 - 生煎包/小籠包
南洋咖啡 Nanyang Kopi - 海南雞飯
澳義 - 鹹蛋黃雪糕 

江戶日本料理 - 櫻花蝦大蝦仙貝

澳門美食節 Macau Food Festival
地點:西灣湖廣場
日期: 11月13 - 29日
時間: 星期一至四 (下午5時至晚上11時)
星期五至日 (下午3時至晚上12時)

🚌免費穿梭巴士路線:
南灣國際銀行 ← → 西灣湖廣場
黑沙環市埸街 ← → 西灣湖廣場
氹仔中央公園 ← → 西灣湖廣場
關閘廣場(入境處左側) ← → 西灣湖廣場

#instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau #澳門美食節 #澳門美食