我嘅職業係：代孕媽媽（下）
上集：https://bit.ly/3qyDw9Z
我知道佢係好心，但我實在控制唔到自己。
我同自己講，既然BB一出世我哋就會分開，咁我更應該珍惜呢幾個月嘅相處。
我每日打開手機，唔再係煲劇玩遊戲，而係搵胎教嘅資料，每日唱歌畀BB聽、同佢講故仔……
有時佢都會踢吓我回應吓，我覺得，我哋母子間嘅感情愈嚟愈深。
我唔捨得佢，我做咗生命中最重要、最荒謬嘅決定。
我同中介講，我要取消合約，我想留住個仔。
我哀求中介：「我畀番晒啲錢你哋，我……我用咗少少，但我生完之後會努力賺錢。」
「個BB唔係你㗎，你只係一個盛載BB嘅容器。」
中介冷笑：「除咗你嘅人工，仲有伙食費住宿費醫藥費，仲有客人抽卵子咁辛苦……」
我即刻答：「我還，我全部都還！」
「你睇吓份合約，毀約要賠幾多錢？賣咗你都賠唔起。」中介嗤之以鼻。
我哋傾唔掂數，我日日被困喺代孕宿舍，我知道只要我一生得，個BB就會喺產房被抱走，根本冇得選擇。
我用盡一生嘅智慧，扮乖扮認命，令佢哋放鬆警惕。
最後，有一晚，用我部蘋果手機賄賂咗看更，話出去見親戚，逃離咗宿舍。
我懷住九個月嘅身孕，身上連衫都唔多件，用晒僅餘嘅錢買咗張火車票，去咗最遠嘅城市。
喺好心人嘅幫助下，我生咗我個仔阿文。
阿文自細就好靚仔，一啲都唔似我。
我帶阿文出街，試過好幾次，都俾人懷疑我拐帶兒童。
為母則強，阿文出世後，我一改以前嘅懶惰，甚至會返兩份工，想畀阿文更好嘅生活。
我哋兩母子嘅生活艱辛而幸福，代孕嗰邊冇人嚟追捕我，亦冇人將我告上法庭。
我諗，搵代孕嘅客人有頭有面，都唔想搞大件事掛。
我諗，小朋友可以同阿媽一齊生活，就算唔係好富有，都一定係幸福嘅。
但我冇想像過，隨住阿文長大，佢對我嘅不滿與日俱增。
首先係佢生得白淨靚仔，我就係一個又黑又肥嘅村姑，搞到佢成日俾同學笑，話佢係執番嚟。
其次係父親嘅問題，佢問我佢老豆係邊個，我無言以對。
最後，亦都係最重要嘅：窮。
我又冇學歷又冇本事，無論我幾努力賺錢，只可以勉強維持兩母子嘅生活。
阿文嘅同學仔有新遊戲機、新電話，我全部都買唔起。
阿文向我抱怨，我更加煩躁，我覺得，如果唔係為咗阿文，我早就拎住代孕賺番嚟嘅錢，逍遙快活，用晒啲錢咪再去做代孕……
終於有一次嘈交嗰陣，我忍唔住講出真相。
阿文大驚：「所以我唔係你個仔？」
「你係我個仔，你係我十月懷胎生出嚟嘅。」我好肯定咁答。
已經讀緊中學嘅阿文，第二日就搵咗一堆代孕嘅資料，話依照我嘅代孕方法嚟睇，佢嘅胚胎唔係由我嘅卵子培養而成……哎，我都聽唔明。
總之，佢係我個仔！
直到有一次，阿文喺電視上見到一個企業家頒獎禮。
有一個領獎嘅企業家個樣好似阿文，直情係成熟版嘅阿文。
「佢……就係我老豆？」阿文問我，我都答唔到。
後來，阿文去咗搵嗰個企業家，但人哋完全唔理佢。
據講，企業家已經有兩個仔，比阿文細三歲，大概係我逃走之後，佢再搵代孕生出嚟。
從此，阿文開始憎我。
佢怨我，假如我當年唔逃跑，佢依加就係富二代，可以享受豪華嘅生活同優質嘅教育。
我以為，我愛阿文，為佢犧牲一切就係愛。
但到底，乜嘢先係愛，乜嘢先係好嘅生活？
—完—
將專頁設定為「搶先看」/ "See first"，最新故仔馬上睇！
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我嘅職業係代孕媽媽 #我嘅職業係
又冇本事 在 看這三個地方就能知道！沒本事的男人，吃飯時有3 ... - YouTube 的推薦與評價
佛禪#禪#人生感悟往期精彩影片——人到晚年，究竟有沒有必要找老伴呢？聽完這兩位老人的講述，我相信你的心裡會有答案… ... <看更多>