幸福的香港跑手
每次跑完比賽，我其實都唔好意思要係私人account洗大家板，因為真係好多相，但我又想好好記錄低，將來睇返有個好回憶。
有時朋友會問我點解咁多相，係咪長期帶咗攝影師去比賽，其實係香港跑手幸福就真！
我跑海外賽嘅經驗就唔多，只係跑過台北女子半馬同神户馬，其他地方唔敢講，但好肯定呢2個地方嘅跑手都冇香港跑手咁多免費相！神户馬我仲比咗7百幾蚊買相添。
有時我都唔明點解我地咁幸福，每次比賽都有一大堆攝影師黎影相，好多都係冇錢收，甚至要貼埋錢，仲要用埋weekend放假時間，如果影山賽，一影就至少一日，訓得仲少過啲跑手。有人玩完毅行覺都唔訓就去影，有人企係危險位置為咗影張靚相，有人影完仲鼓勵大家捐錢，其實佢地付出太多太多。
坦白講我都唔知點報答佢地好，其實佢地都不求回報。除咗每次見到講多幾次多謝，定時定候捐下錢，post返啲相credit返佢地之外，好似係我能力上都冇咩做到。
講咁多都係想大家記得，下次有靚相，一定要大大力多謝攝影師。可能未必一比完賽就有相，佢地都有自己嘅事要處理嫁。可能未必好靚，但佢地每一張都係用心影嫁。
多謝每一位攝影師，多謝你你你同你。你地每影嘅一張相，我都好鍾意好鍾意。
辛苦哂！
#我又廢up
#有感而發 #多謝你地
#只想好衷心地多謝你地 #有啲tag唔到
馬木幾 SnapShot Nelson Wong Photography Foto Moo & Mo’s team The Moment Sports Photography Ｅｄｄｉｅ Ｋｗａｎ 柏攝 Pat’s Photography 行山跑步之歡樂影集 WONDERZOO Rex Ma AT Photos 動。攝 文星相簿 Alan 相對倫 Alan Lam Samson Lai 你跑。我攝 Joe Tang Aaron Yang 跑步男朋友 running bfriend Run-Pic 動月量 Running Moon 路人。攝 Angel's Sky Gallery 天使影集 Coey Album 運動筆記hk
