關於 史偉莎好唔好做 ，我們在網路上蒐集到這些相關的討論、資訊與評價

為慶祝《本能》4K版上映，送上舊文一篇（有刪減）。
—————————————
【本能～她一心要試驗我～】

回到1992年前，我腦裡只得兩個字：本能。

我的本能話我知：我好想睇《本能》。
當年的電影資訊，主要是從《電影雙周刊》和報紙娛樂版得來。由第一次聽到「本能」——Sorry，應該是「Basic Instinct」，我便立即拿起那本紅色封面、厚到無倫的牛津大字典，去查「Instinct」的意思。當年我讀緊預科，OK沉迷電影，但我好清楚，呢齣連個名都未識讀的電影咁吸引我，跟我對電影的熱忱無關。
終於等到《本能》在港上映，偏偏我仲未等到自己夠秤入場觀看，頂……好彩，唔使等好耐，我已經在大圍某影碟舖租到美版LD，而且是Uncut Version！唔使查字典，我已經知道LD收錄的，是比起上映版更強橫的版本，Yeah（至於Why一個未夠秤的大好青年能夠租到《本能》？已超出本文討論範圍）。
睇完。咁兇手究竟係邊個吖大佬？我苦惱，於是我立即重睇一次兩次三次……而每逢到了那場「蹺腳名場面」，我的本能更加命令我要即時翻炒好幾次……
莎朗史東，好面善，但又講唔出睇過佢做過乜戲（後來才記起她主演過堪稱《奪寶奇兵》冇乜成本甩漏版的《所羅門王寶藏》）。她，一身純白衣裝，好型咁坐著，面對一班臭男人盤問（和鹹濕目光），毫不示弱之餘更不忘耍弄那一記蹺腳秘技，令成班男人睇到呆晒——她不再像過去電影般的女主角總是被迫扮演弱質纖纖，而是同眼前嗰班甚至塵世間所有臭男人，對等。
岔開一下。《本能》的迴響不止於美國，也影響了香港電影。最著名是《逃學威龍3之龍過雞年》，除借用了《本能》中的著名兵器冰插，還就手地攞了那個結合懸疑 + 情慾的氣氛，而拍成一齣賀．歲．片。
《本能》導演Paul Verhoeven，來自荷蘭，到荷里活發展後第一齣作品，便是影響了我一生的《鐵甲威龍》（RoboCop），竟然在一齣科幻片中用毫不忍手的暴力處理，渲染出一個不知所謂的近未來；同時將「Identity」這一個明明好複雜的課題，用一個毫不艱澀（但又絕不膚淺）的方法拍了出來。踏入90年代，將科幻作家Philip K. Dick的短篇故事改編成（由始至終都沒有一條威龍出現的）《宇宙威龍》（Total Recall），原著探討的是記憶的可靠性：你的記憶真的是你本人的記憶？Really？電影版一樣處理了這個問題，但同時被Paul Verhoeven加入了適量的暴力處理（畢竟當時的阿諾已是一個受大小朋友愛戴的正氣演員），即使完全不理會那個深層次核心問題，單睇表皮，已經是一齣具備超級娛樂性的科幻大電影。
《本能》，沒有了科幻特技，只有由人類本能驅使的肉體絕技：一男一女造愛，不止於（造出來的）愛，反而是一場男女角力，也是一種暴力——你不妨留意Paul Verhoeven怎樣去拍那些Sex Scene，不是過去情慾片著力渲染的唯美，更加不是香港三級片求其叫男女雙方郁來郁去的亂嚟，而是真的有用過腦——用甚麼角度？男女雙方又採用甚麼攻守姿勢？
而當然，豁了出去的莎朗史東居功至偉（至於她當日是否被騙？只有她和導演知道）。

補充：導演後來被插到開花的《艷舞女郎》，我一直認為是一齣偉大電影。

法律面前，人人未必平等。
本能面前，人人平等。
舊文。
————————————
【本能～她一心要試驗我～】

回到28年前，我腦裡只得兩個字：本能。

1.我的本能話我知：我好想睇《本能》。
2.當年的電影資訊，主要是從《電影雙周刊》和報紙娛樂版得來。由第一次聽到「本能」——Sorry，應該是「Basic Instinct」，我便立即拿起那本紅色封面、厚到無倫的牛津大字典，去查「Instinct」的意思。當年我讀緊預科，OK沉迷電影，但我好清楚，呢齣連個名都未識讀的電影咁吸引我，跟我對電影的熱忱無關。
3.終於等到《本能》在港上映，偏偏我仲未等到自己夠秤入場觀看，頂……好彩，唔使等好耐，我已經在大圍某影碟舖租到美版LD，而且是Uncut Version！唔使查字典，我已經知道LD收錄的，是比起上映版更強橫的版本，Yeah（至於Why一個未夠秤的大好青年能夠租到《本能》？已超出本文討論範圍）。
4.睇完。咁兇手究竟係邊個吖大佬？我苦惱，於是我立即重睇一次兩次三次……而每逢到了那場「蹺腳名場面」，我的本能更加命令我要即時翻炒好幾次……
5.莎朗史東，好面善，但又講唔出睇過佢做過乜戲（後來才記起她主演過堪稱《奪寶奇兵》冇乜成本甩漏版的《所羅門王寶藏》）。她，一身純白衣裝，好型咁坐著，面對一班臭男人盤問（和鹹濕目光），毫不示弱之餘更不忘耍弄那一記蹺腳秘技，令成班男人睇到呆晒——她不再像過去電影般的女主角總是被迫扮演弱質纖纖，而是同眼前嗰班甚至塵世間所有臭男人，對等。
6.岔開一下。《本能》的迴響不止於美國，也影響了香港電影。最著名是《逃學威龍3之龍過雞年》，除借用了《本能》中的著名兵器冰插，還就手地攞了那個結合懸疑 + 情慾的氣氛，而拍成一齣賀．歲．片。
7.《本能》導演Paul Verhoeven，來自荷蘭，到荷里活發展後第一齣作品，便是影響了我一生的《鐵甲威龍》（RoboCop），竟然在一齣科幻片中用毫不忍手的暴力處理，渲染出一個不知所謂的近未來；同時將「Identity」這一個明明好複雜的課題，用一個毫不艱澀（但又絕不膚淺）的方法拍了出來。踏入90年代，將科幻作家Philip K. Dick的短篇故事改編成（由始至終都沒有一條威龍出現的）《宇宙威龍》（Total Recall），原著探討的是記憶的可靠性：你的記憶真的是你本人的記憶？Really？電影版一樣處理了這個問題，但同時被Paul Verhoeven加入了適量的暴力處理（畢竟當時的阿諾已是一個受大小朋友愛戴的正氣演員），即使完全不理會那個深層次核心問題，單睇表皮，已經是一齣具備超級娛樂性的科幻大電影。
8.《本能》，沒有了科幻特技，只有由人類本能驅使的肉體絕技：一男一女造愛，不止於（造出來的）愛，反而是一場男女角力，也是一種暴力——你不妨留意Paul Verhoeven怎樣去拍那些Sex Scene，不是過去情慾片著力渲染的唯美，更加不是香港三級片求其叫男女雙方郁來郁去的亂嚟，而是真的有用過腦——用甚麼角度？男女雙方又採用甚麼姿勢？而當然，豁了出去的莎朗史東真的居功至偉。
9.《艷舞女郎》（Showgirls）被認為是Paul嚴重失手之作，當年被插到飛天，但真的咁差咩？實不相瞞，我鍾意到爆。電影依然延續那種男女角力的描寫，一班注定被剝削的艷舞女郎，奮力在臭男人主導的拉斯維加斯掙扎求存，男人既是敵人，也是工具。當中的男人，不是X街，就是廢柴。
10.而我估不到就快八十歲的Paul，竟然在廿年後拍出了《烈女本色》（Elle，法文中「她」的意思），一位一開場已遭暴力性侵犯的女子，以意志，面對那個被（廢和賤及精神失常的）男人所圍繞的荒謬世界。性與暴力，被提煉成一場對生命的真誠試驗。

［DSE 相關系數］英文嘅嘢，重考生兩年成績，相關系數90%以上。極少係唔好彩。中文就唔同啦！

TL:DR –　中文通識中西史分數失望嘅，不妨考多次。因為可能只係唔好彩。理科嘅就算吧啦。英文其實都係冇乜翻身機會，但好多人都係一定要試，明白嘅。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

1. 幫考試局蔡熾昌（我知唔係考試局，亦唔係蔡熾昌好耐，但我到而都係講旺角火車站）平反下。考試局拎咗咁多錢呢，至少在年度報告，都係有啲貢獻。你咪話，真係詳細過唔少上市公司或者NGO。至少詳細過海洋公園

2. 考試局居然有出，每一科，係每一科，重考生嗰年成績，同上年成績，嘅相關系數（correlation coefficient）。真偉大。但唔知點解，去到2017年後就冇咗。

3. 唔係教數學，但相關系數不能理解：相關系數高嘅，即係舊年高分嘅好多今年都高分，反之亦然。相關系數低嘅，即係好似關係唔太大。負數？即係多數人舊年高今年低，呢度就唔會嘅。方便起見，原本係百份比，我全部倍大100倍。100分為之完美正相關，個個同舊年一樣分。

4. 實務上代表乜？如果嗰科嘅相關系數高，即係你舊年同今年都會咁上下分數。可能代表好難進步或退步，或者係個考試好能夠分辨出邊啲人得邊啲唔得。相關系數低呢？代表一年間可以好唔同，或者代表個考試好陽春，同擲公字差不多，舊年高分嘅今年可以走晒樣。

5. 之前講DSE重考，都係用英文做例子。一來英文緊要，二來多人考，亦多人重考。咁嗰時結論係好少可會升呢，亦都好多讀者指出，正常，因為英文浸十幾年，未必一年之間可以改變乜。雖然我有啲保留：「英文水平」未必可以好快改進，但「英文考試分數」係可以的。

6. 睇表啦喎，每一年之中，相關系數高嘅，紅色。相關系數低嘅，綠色。咁以下就係以所有重考生數字（＊）出嘅結論：

7. 首先，你見相關系數，普遍都幾高。好多都八十幾九十，極少會低過七十。

8. 另外，我啲紅綠色，係一年一年咁做，但你發現年年都差不多。紅嘅年年紅，綠嘅年年綠。即係基本上同考生無關，同年份亦無關，同嗰年份卷深唔深都冇乜關。係嗰科嘅性質，同埋份卷嘅本質。

9. 好啦，英文。眾望所歸，你見到英文科，紅過韓紅，紅過秦虹，紅過喬紅。九成幾嘅相關系數，差不多每一年都係最高。證實咗讀者嘅假設：英文嘅嘢，其實好難一年間改善。即使唔講英文水平，講英文成績，都係好難有乜大改。其實考多次最冇so就係呢科。但當然明白，偏偏呢科係好多人要考多次。正面啲睇，你可以話英文卷嘅甄別能力好好，冇死錯人，你係唔掂嘅，下年嚟多次都係唔掂。但你係進步咗嘅，應該有回報。

10. 但另一個極端，就過癮啦。中文呢？中文科年年綠色，相關系數極低。即係老老實實，分數唔滿意嘅，記住考多次。可能只係運氣，改卷嘅唔妥你。同樣係語言，點解分別咁大？我估係因為兩樣嘢：第一中文係母語英文唔係，唔少人都認為考中文會話或聆聽十分反智。低分嗰啲，咁平時點生存嘅？啞嘅？講法文定手語定手指指send message？考會話其實你考佢演講技巧，考聆聽其實你考佢專注力，同語言能力per se冇乜關。第二，當然係啲卷嘅設計。其實我冇教書多年，但而家中文應該都仲係冇MC玩？英文有下話？咁中文卷就變咗比較主觀。主觀唔一定差，但你重考嘅，下年唔同人，可能你同一份嘢佢畀高分你呢？

11. 另外仲有幾科綠色，相關系數低嘅，差不多全部係文科，「主觀」。亦即係你下年玩過係比較大機會翻身嘅。中史西史，中國文學，仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。

12. 當然，仲有表上最低系數，最綠，唯一低過50嘅，視覺藝術（即係美術啦？）。原因同上。藝術嘅嘢，你識條鐵咩。畢加索去考應該拎個U（講笑，唔好咁天真，你估愛恩斯坦真係考試好低分咩）

13. 紅色，相關系數高嘅，除咗英文，就係Phy Chem Bio IT，簡單易明啦。啱就啱錯就錯，大腸就大腸架啦。易乾都係，可以問下呢度讀者，有人教易乾。但我記得都係有MC題？而家咁大鑊飯民粹嘅社會，MC題其實好東西，啱就啱錯就錯，又慳改卷時間。相反，你教文學嗰啲，分分鐘畀個學生老母（甚至學生本人）大返你轉頭。我老母年年睇莎劇喎，你邊位？

14. 仲有乜大科未講？梗係留到最後，數學。理所當然地，數學compul嗰部份，好紅，同英文有得比，相關系數好高。得就得，唔得就唔得架啦。雖然我覺得數學升呢不難的，我私人補習嘅重考生，全部都升呢。「因為U嘅我會叫醒佢去考試，F嘅會教下佢做啲初中甚至小學數」

15. 但奇怪係，分拆開兩部份嘅，唔知點解就綠，相關系數幾低。可能因為人太少？

16. 呀係啦，你見有啲科目NA嘅。如果日校學生唔夠30個人重考，就唔會出現。但好可能全體重考生係仲有幾百友嘅。例如IT在2017 NA咗，只代表唔夠30個日校重考生，但全體應該一定唔止

17. 最左邊，你可以見到2017年，全體重考生，有幾多人考各科。亦見到有啲科係邊緣化咗—其實會考年代已經係咁，只係DSE又吊多次命。

18. 你見到中國文學嗰啲，早幾年上榜，而家已變NA，Visual Arts亦係。仲在榜上嘅，你見中西史地理呢啲，都相當少人重考—固然少人重考唔等於少人考，我懶搵，但個大方向應一樣。

19. 另外小小技術嘢，我見BAFS（企會財），我見2013 2014係冇分類的，但2016就有。一拆二？無論如何，啲系數轉變不大，亦係偏高嘅

20. 最後弱弱一問，而家英國文學係咪冇人讀架啦？至少應該冇乜人重考，咁多年都唔見有上榜（咁可能因為日校不足30件重考）。不過傳說中都係巴閉名校啲女先讀咁話，呢班友唔重考亦好正路。但話說回頭，當年埃汾間屋村學校，學校普通都幾草根（我學生嘅創舉：踢完波買麥當勞新地筒一杯成隊人食！唔知佢踢五人定十一人呢）。但老校都堅持開英國文學，哈。可以話扮嘢，但又可以話堅持。邊個話草根唔可以欣賞文學先？富豪落難都要優雅嘛。

21. 正文完全講完。但忽然間感概，仲有篇後記在後面（其實我係寫咗後記先）。鍾意就睇，唔鍾意唔睇亦冇乜影響正題。

————————————————————————————
甲、 李天命講過個故事，講「命中注定」呢個字嘅含糊。羅素命中注定有四個太太，他實現了自己的命運。李天命命中注定有四個太太。可惜他沒有實現了自己的命運。

乙、 而我，都係「命中注定」教書嘅。但正如友人話齋，我冇做傳媒，係傳媒嘅損失。但做咗，就係我嘅損失。相信教書都係。我冇教書，係香港新一代嘅損失。但我教書，就係我自己嘅損失。咁我都係鍾意自己多啲。

丙、 真的，我係「命中注定」教書。你應該聽過有啲分析員或者散戶，興趣係「睇年報」。冇乜特別。你知唔知我十八廿二時有個興趣係乜？都係睇年報。但我睇考試局年報！當然我最鍾意睇啲考生錯處之類。但亦好鍾意睇啲數字

丁、 一套古惑仔收得，就有成個universe（勁過DC或Marvel），有前傳少年激鬥篇，有外傳洪興十三妹，有山雞故事，仲有reboot嘅江湖新秩序。有紅燈區，有龍虎砵蘭街，甚至有crossover開心鬼大戰古惑仔，真係勁過正義聯盟Capcom vs SNK。

戊、 亦都係好似以前香港啲殭屍片咁，一套鬼打鬼收得，就有人嚇人，人嚇鬼，鬼咬鬼，人鬼神。一套殭屍先生後，就有殭屍翻生，殭屍家族，殭屍叔叔，殭屍至尊—爭在冇殭屍超級至尊或者殭屍華堡

己、 一套收得，繼續拍，玩到爛為止，一路係香港精神。所以我今篇又講DSE重考。但轉個角度，冇魚缸溫度計了

庚、 你諗下，如果我仲教緊中學，加埋當年本人係呢個「教務組」（＊＊），若搞啲咁嘅嘢，老校家長應該都幾歡喜。一個唔該仲可以包裝做乜柒大數據分析添（都話個Excel放埋上Dropbox就雲端計算，加個密碼再track changes 就係區塊鏈技術，整個regression就係人工智能了）。但即係，What for ？讚我兩句又點？即時有女同事投懷送抱（係冇嘅，因為老校其實成日讚我）？定升我做附加數學科科主任？（＊＊＊）。

辛、 掉轉頭，我在呢度寫，即係「這雙手雖然少」，但每個like都自己呃返嚟，睇住自己成長，遇然仲搵到啲錢，唔係更好咩？

壬、 有機會再講，同樣道理，有啲金融文，其實真係我在星展年代做嘅嘢都差不多。只不過係轉做中文。但，肯定我轉做收費文（亦有試過），收到嘅錢，多過佢地畀我嘅人工。唔係話乜，願打願捱，但我覺得係值得諗下的。邊個食咗我嘅錢？點解我要經你接客？

（＊）我呢個表係所有重考生，但亦都有只係日校重考生數字。兩組有啲唔同，但我下唔到咩有意義結論，所以唔節外生枝。「或者遲下嚟多篇」

（＊＊）老師一樣有社團，基本上係強制，好多時冇得揀，負責啲非教學工作。「教務組」負責非教學嘅教務嘢，例如編成績表，編考試時間表之類。聽聞想上位，搏升SGM（所謂嘅主任）或副校或校長，做「教務組」就啱。另外仲有大家都知係乜嘅「輔導組」同「訓導組」。有啲學校（敝校）有「資訊科技組」，俗稱就唔方便講。仲有「課外活動組」。不過最堪玩味都係「教師發展組」，實不相瞞，我都唔知佢地係做乜春的。Hea人必做，守水塘守證物房咁，但就唔使諗升職。

（＊＊＊）附加數學科科主任呢單嘢，簡直係教書生涯中嘅高潮。詳見　我的辭職記　第一回（https://bit.ly/32QpCHN）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

金庸查良鏞完美八字外的遺憾，前妻朱玫死於街頭，明報員工多會罵老查。世間對藍潔瑛的關愛由死後開始，藍潔瑛的才華不亞於金庸，屢遭新聞界欺凌利用。命好、命差比拚。戊戌年死得人多，120年前戊戍維新、60年前大躍進。
#藍潔瑛 #查良鏞 #雙查方案
==========
如若你喜歡「易經講堂」節目，覺得內容有益世道人心，希望你能繼續收看、讚好、「訂閱及推介」易經講堂YouTube頻道，集腋可以成裘，謝謝支持與鼓勵。

易經講堂有限公司
香港上環郵政局郵政信箱33249號

I Ching Consultancy Limited
Sheung Wan Post Office P.O. Box 33249, 1/F West Exchange Tower, 322-324 Des Voeux Road Central, Sheung Wan, Hong Kong

網頁 Website: https://wmwong730.wordpress.com/gift
電郵 Gmail: IChingConsultancyLtd
==========
Wong Wai Man 2018年11月6日星期二下午5:00

查良鏞死了，藍潔瑛也死了，今年戊戌，離世的名人很多，但這兩人是不同的。他兩人的命造，常出現在我們的八字紫微課堂上。

查良鏞擁有一個近乎完美的八字，凶星生旺吉星，金木水火土，任何五行對他都有不同作用。

動盪的時代，流離的歲月，貧困的日子，造就了他創作不朽的作品。名滿天下，金錢來了，女人來了。財生官旺，社會地位，權勢影響力，什麼都來了。鄧小平親自接見，視為香港國師，他也自視如此，建議香港九七後的政治模式，推出「雙查方案」。

藍潔瑛是另一個極端，她拿的，是一個糟糕透頂的八字組合。

什麼才是最差的命？

平庸、貧困、孤零、愚蠢、多病，都只是平凡人，一生基層生活而已，你我大部份人都如此。不好，但談不上不幸。

給你貌若天仙，給你才華機會，給你舞台掌聲，給你顛倒眾生，城中公子都想一親香澤。但這些加起來，都不是幸福，而是製造痛苦。

比劫生傷食，傷食又迴剋官殺。任何上天的祝福，都變作人生的詛咒。

愈是名滿天下，愈是多人追求，她的任性、脾氣就會發作，最後傷害的，是男緣和事業。

一生人，只有十年的好運。所謂好運，也只不過是行印星，名滿天下，才華出眾，但印生比劫，比劫生傷，又迴剋官殺……成名，只是等待更大的傷害來臨。

她生前，得到的關懷友誼很少；死後，廉價的同情很多。想盡辦法一親香澤的男人多，給她倚傍，給她幸福，願和她走半生的人，根本沒有。

她不易相處，她亦飽受欺凌。

欺凌她最甚的，不是命運，不是什麼大哥，是新聞界。

對她尤甚於對蔡楓華。

生前，媒體對她用刀，刀刀見骨；死後，將她捧上天空，只是突顯她一生寂寞。

命理中，吉星生旺凶星的表表者。理論上，金木水火土，五行都不能用。

兩個極端的命造，就常常作為我們上課的例子。

一陰一陽之謂道。

宇宙間第一條法則，有陰就有陽，有陽就有陰，幸福背後必有遺憾，愈大的幸福包藏的，必是愈大的傷痛。

查生於1924年甲子年浙江，近代史上最動盪的歲月，成長於日本侵華的時候，抗戰勝利，四五年入上海大公報當翻譯。

如果是太平歲月，他一生就是報社翻譯了。

但抗戰勝利 ，國共又大戰，四九年中共建政，他要避秦香江了。

外省人在香港人浮於事，只能再入大公報，和在左派電影公司當編劇謀生。

微薄收入，他們一家只能租住簡而清的一個房間。

坎坷的歲月，在培養一支名成利就的命運。

五五年，一場比武，白鶴對太極門兩大高手，要擂台決一生死。香港政府不批准，澳門何賢主辦在澳門舉行。香港人追此新聞如癡如醉。新晚報總編見此氛圍，建議兩位同事在報寫武俠連載。

陳文統化名梁羽生，寫《龍虎鬥京華》，查良鏞化名金庸，寫《書劍恩仇錄》。

這就是凶星生旺吉星的最佳寫照。

《書劍》之後，就是《射鵰》。

1959年，單憑兩本書的版稅，他已急不及待，在灣仔和太太朱玫，創辦《明報》，開始《神鵰俠侶》的連載。

平步青雲，金庸神話開始了。

完美的八字組合，凶星生旺吉星的結構，金木水火土可用的五行，大運的配合，但仍有天干合化，不見了通關之神的流年。

四名子女，最寵愛的大兒子查傳俠，七六年在紐約自殺身亡；查遇到了細他三十年的阿May，和朱玫離婚。朱玫和查家任何人斷絕往來，一人獨居灣仔唐樓，在《明報》創業的路段拾荒，最後死於街頭。

她用這個方法對查報復，查家的幸福要帶有她朱玫的淚影。

我和大部份香港人一樣，少年時代都是看金庸小說長大，和看明報社論了解國情。離開學校後，我曾經在他的報館工作，近距離看過他的老闆威嚴和帝王權術。

明報著名人工低，稿費低。

但老闆總有他的看法：

工資，是由市場決定的，
市場價值又基於供求。
人人都想來明報上班，在明報寫稿。
我們每年暑假，都收到幾百封，來自港大中大畢業生的求職信。
我們不需要調整薪金的，
因為，來明報，不是為錢，
是光榮來的…………………

在編輯部，似乎沒有人敢和他說話，包括當時的總編輯潘粵生，都是他召見，他在說，其他人在聽。

不明白的，也不敢問。

除了字房的No.2肥佬翁枝。

每到深夜，只等查生的社論未寫好，翁枝就拿著他版檯用的那鐵尺，在查的房門拍打：

出唔出報紙呀？
係咪唔出喇？
星島喺條街賣緊喇！
唔出報紙了嗎？

王司馬是明報明周的美術主任，他死的那一天，查叫了採訪主任龍國雲（筆名陳非），入他房間。阿龍出來，一言不發，拚命吸著他的煙斗。

不斷噴煙，好一會兒，喃喃自語：
（我在他對面，但他應該不是對我說）
喪禮報館負責。
老闆叫我，看著辦！
看著辦，看著辦，什麼是看著辦？
八千元是看著辦，八萬元是看著辦，十八萬也是看著辦。
其實，老闆想點搞呢？

他喜歡下條子，在編輯部同事的檯面玻璃壓下字條，寥寥幾字，看得懂的跟著執行，看不懂的，猜著執行。反正，沒有人敢問。

他享高齡過世，死後極盡榮哀，有人比擬他為中文世界的莎士比亞。事實上，我們上課時，舉例用金庸小說人物，比用《紅樓》《三國》效果好，幾乎人人都知你說的是誰。

但打過他工的人，很少對他有好感。那些早期高層，當過總編、主編的，多年後見面，像梁小中、韓中璇，說起老查，都是大罵。印象中，只有潘粵生，謹慎，說起查生，他都不搭嘴。

至於藍潔瑛，生前死後，旁人對她的說話，是截然不同的。

世間對她的關愛，諷刺地，由她死後開始。

我在TVB時，正值她艷絕五台山的開始。論古裝，電影王祖賢，電視藍潔瑛。但她不珍惜，那時，鄭裕彤的二公子鄭家成在追求她。

電視台幕後，說起她，都說難搞，無法溝通。

戲劇組的人說，她不看報紙雜誌劇本，嫌油墨骯髒；黑口黑面，遲到，唔想做。

綜藝科的人說，她無腦，叫她上婦女節目，做做宣傳，叫她帶些旅行各地買的東西入廠，說說見聞。她帶了十個八個大小不一的LV皮箱。

娛樂記者說她，好實際。屈男人入時裝店，買一堆衫，什麼尺碼都不理。翌日，車回時裝店，問老闆半價收不收回？

反正，關於她的，從沒有一句好說話。

死後的美語好說話，如果能分一半在生前對她說，那她的人生，是否沒有那麼寂寞？

金庸有一套武俠小說全集傳世，其實，藍潔瑛也不差，《大時代》的玲姐，對著鄭少秋、劉松仁、劉青雲這些高手，一分不蝕。有幾場戲，一直在我腦海中，劉松仁死了，鄭少秋歪理癡情，一堆爛泥的劉青雲，她淒苦無援，連死都好像沒有資格。《西遊記》中的春三十娘，冷艷執迷，眼神鋒利而撩人心魄。可能，這些才是真正的藍潔瑛。

她的真實人生，不懂得表達自己，要通過戲劇角色，將真正自己釋放出來。她的真我一直困在肉體內，她不懂得在俗世生存。

我眼中，藍的才華，不亞於金庸。

2018年11月6日星期二下午5:00
你的收看、訂閱、讚好便是對「易經講堂」的支持，謝謝。