讀者投稿《污糟麻煩奶奶篇》
初初結婚都有經濟壓力，老公提議同奶奶一齊住兩年。我就死都唔肯，寧願住劏房都唔同佢住！因為佢太極品。好彩我自己都有d經濟能力，話租屋就租屋，話買家私就買齊家私。結完婚即時有間屋搬，話知佢黑面反檯。佢點極品？舉少少例子：
1. 極污糟。初初上去我見佢屋企無洗手液，買一支200ml洗手液上去，我間唔時上去有得用。點知用足兩年都喺度！佢平時痾完屎有無洗手？成日都成頭頭皮，唔知幾多日先洗一次。間屋又亂又多塵，個廁所長年臭過公廁，仲有屎迹。廚房所有嘢滑潺潺油淋淋。d杯從來唔洗，可以個個杯都有黑色污漬，搞到我水都唔敢飲佢嘅。奶奶唔洗返工，一日到黑坐喺度睇電視，中港臺韓劇可以煲曬，就係唔會清潔下屋企。老公要幫佢清潔仲話唔好，因為佢唔覺得污糟。
2. 極貪錢。我老爺好早過咗身，留咗間供完嘅大屋同少少錢俾佢。初識我老公時，佢要俾一半人工俾媽咪做家用。到我地結婚搬出來再生埋BB，老公同佢傾減家用好似欠咗佢咁。我都唔明一個老人家每個月收兩個仔家用，生果金，政府嘅恩恤金，加加埋埋超過二萬蚊，點解收少dd都話無錢買嘢。（明明佢成日去做facial食buffet)。
3. 我地結婚都唔旨意佢會幫手，唔俾麻煩我地就多謝曬。由於budget有限，我妹妹用工餘時間整環保手作仔結婚嗰日用來做decorations。我娘家就住勁細嘅公屋，整下整下成屋無位擺嘢，就借奶奶屋企一個corner來擺嘢。佢唔幫手都算，仲話我d嘢點解搞咁耐，霸住個地方兩個月。（我心諗：你成屋垃圾都唔執屋㗎啦！結個婚要搞得咁辛苦因爲我地要慳住搞囉！）
4. 一結完婚我地要搬出來住，奶奶嬲喎！佢話因爲我地要結婚，佢專登裝修咗間屋，為我搬入去做準備。我突然話唔住仲拉走佢個仔。大佬呀我幾時應承過一齊住呀！你裝修你自己舒服咗吖，我無欠你呱。孝順老公呢次為咗我同奶奶鬧咗一次交，自此之後佢成日話自己個仔「嫁咗出去」。佢有無諗過個仔聽到咩感受？
5. 我生B，都唔奢望奶奶會幫咩手或者買咩俾我補身。話說到我生嘅時候喺醫院痛足三日先生得出。期間老公請假無返工，返學都要走堂，就係要睇住我同忙出忙入。呀奶奶呢個時候就犀利了......因為佢屋企四部電視之中最大嗰部壞咗，喺呢個時候捉咗我老公去買電視！仲要幫佢返屋企追台！我因為咁而一邊肚痛一邊嘥多啖氣嬲我老公。生完之後奶奶來探咗我一分鐘表達關心，多L謝曬。
6. 我坐月係由老公同媽子照顧嘅。佢兩個輪流煲嘢我食，照顧我同BB。坐咗成個月，奶奶好似來過兩次咁大把，好大手筆封咗$100見面利是俾呀孫。坐月薑醋係我媽同我老公煲嘅。聽聞呀奶奶都有整，派咗俾佢d朋友同佢自己食。聽聞佢話好好食。我Q知咩，一啖都無試過喎。到BB滿月後唔知幾耐，佢走來睇我地。見到我未食完d薑，佢話佢中意食，叫我老公拎d俾佢。我即時發咗癲：依家邊個生完呀！我食唔曬倒落廁所都唔俾佢呀！
7. 生完BB請咗工人姐姐，但有時工人放假，我地又返工，我媽子就係最強後盾過來補位湊B。呀奶奶從來都無幫過。叔仔脾氣勁唔好，佢有咩事就打電話過來叫我老公做。到我老公有咩唔舒服呀話佢知，（我就唔多識山草藥嗰d嘢嘅）佢就會話「叫你外母買Xxx煲俾你飲啦⋯⋯」，點解係要我媽煲俾佢個仔飲呢？
8. 老公原來仲有一堆信寄咗去奶奶度（真係一堆，成堆垃圾咁無處理過）。期間我地有搵奶奶食飯好多次，佢都無提過有信。後來發現有d信係重要嘅，有d仲要無處理要交過期罰款。問佢點解唔講又唔攞出來，佢話：「點知你啫！你地咁得閒又唔自己上來攞。」第一，你無提過有咁多信；第二，次次約你食飯你都話懶得煮飯所以出街食。咁......同堆我地真係好。得。閒。囉！
佢真係太多嘢可以寫，不能盡錄。我想寫好耐㗎喇！一路寫一路諗緊咁多經典事，會唔會好易俾人認得呢？
#退一步海闊天高
#我的極品四大長老
坐月薑醋 在 Mendy's Kitchen - 自家豬腳薑醋, 這款是非常適合補身, 由其是 ... 的推薦與評價
自家豬腳薑醋, 這款是非常適合補身, 由其是剛產後的孕婦, 坐月子是必備的食物! 薑醋是用大瓦煲, 因為醋是酸性的, 千萬不要用金屬器皿! 用甜醋與豬腳同煲，是借黑醋將豬 ... ... <看更多>