我戴上 N95口罩，即棄帽子、面罩、保護衣，準備進入隔離病房。
這裏是老人科復康病房，我準備進入隔離室，看看裏面的婆婆。 婆婆今年89歲，一直住在老人院。 由於她居住的老人院有院友確診新冠肺炎，故此她要撤離，又因為她需要長期使用氧氣和在夜間使用呼吸機，她不能被送往社區設施隔離，而需要暫住醫院單人隔離病房。
「 婆婆，又嚟睇你喎。」我跟婆婆說。
「邊個呀？」 戴上全套保護裝備，婆婆也認不到我了。
「我係醫生呀，我又嚟睇你啦。」
「你又嚟睇我呀？我認得你把聲呀。你嚟過兩次咋喎？」 婆婆沒錯，每天負責隔離病房的同事也不同，她的記性似乎也挺好的！
「舒服就無唔舒服，幾好。」 婆婆來醫院只是為了隔離，其實並沒有症狀和不舒服的。
「你要食多啲嘢先得喎。」 剛好護士也在隔離病房內，她對婆婆說。
「 你唔肯食嘢㗎？要食多啲嘢㗎喎。」我我對婆婆說:「仲要耐唔耐坐下出嚟喎，兩個禮拜淨係瞓喺張床點得呀。」一般隔離是14天的。
「 呢度啲嘢唔好食嘅。」 婆婆面露不滿。
「你想食乜呀？」 我問。
「我要食粥。」 婆婆就像小朋友一樣答道。
「咁咪畀粥你食囉。」護士爽快答道。
「坐呢？」 我追問。
「 唔坐呀，我唔坐得耐㗎。」
「 坐一陣都好呀。。。 嚟嚟嚟。。。」 我和護士把老人大班椅移到床邊，半推半就把婆婆移到大班椅上。
「 咁我出返去啦。」 看完婆婆，我準備離開。
「 你走啦？你咁快走嘅？ 我幾時可以出返去呀，呢度好悶呀！ 其他人去咗邊呀？」 婆婆拉着我。一個老友記整日獨自留在單人隔離房，的確頗沉悶頗不是味兒，尤其是佳節當前。
「 其他院友去咗唔同地方隔離，就快㗎喇，好快可以出去啦。」
婆婆望着我苦笑着。。。 我當然也不好提今天是年三十晚了。
一場疫症，不同人的生活都受到影響。 但願疫情能盡快改善，大家的生活能回復正常。
今天是年三十晚，祝願大家能珍惜與家中老友記共聚的時光。
大班椅 在 高品質大班椅辦公椅子電腦椅舒適久坐老闆椅高靠背躺臥 ... 的推薦與評價
高品質大班椅辦公椅子電腦椅舒適久坐老闆椅高靠背躺臥椅子80077. u canfound. u canfound. 363 subscribers. Subscribe. <__slot-el>. Subscribed. ... <看更多>