《 李懂媽周日漫談 》之 " Burnhillism "
（長文）
有網友話燒山係罪人， 問佢幾時死？
大家唔好怪呢位網友，因為佢完全相信燒山，瞓身買比特幣，所以喪失咗理智。
我份人好唔同，理智多到可以拎出嚟賣，所以今日同大家平心靜氣，用純學術角度去分析一下， 可以媲美馬克思 "Das Kapital 《資本論》 嘅 Burnhillism ( 燒山論)。
燒山最驚人嘅地方，就係佢可以百分百準確分析到 Reverse Phenomenon （ 相反現象，亦有人叫逆向現象），就好似厄爾尼諾(或者跑馬)，應該熱變咗冷、應該冷又變咗熱。
如果大家覺得太深奧，我就用簡單嘅個案(可以做博士論文)解釋，紅隧啱啱開通嘅時候，巴士貨車要行左線，右線係私家車（俗稱快線），不過，當啲私家車主排隊入右線嘅時候，發現巴士嗰邊冇車咁滯，所以個個行慢線仲快過快線。
再之後，個個發覺巴士線快過私家車線，又做返相反嘅動作…… 直至到兩邊都飽和。
Burnhillism，就係燒山逆向沙盤推演 : 希拉莉會當選美國總統、英國公投唔會脫歐、樂視會打敗無線……下刪1000個案，當中暗藏玄機，可惜除咗我，大家睇唔出。
最新近嘅例子，就係比特幣。
Bitcoin 呢幾年來，由一千美金一直穩步上升，上個月高位突破咗二萬蚊美金。
本來升得好地地，2017年12月22日，蕭山無L端端衝出嚟柒，批評股壇長毛 David Webb 唔識嘢，竟然叫人小心比特幣。
燒山斬釘截鐵話比特幣信得過……跟住嗰幾日，比特幣即刻由高位2萬蚊跌到一萬二千蚊附近。
之後，比特幣反彈返萬五六蚊，燒山又出嚟兜，強調比特幣係唔會受人操縱，有好大承接力先至可以即時反彈（網友就係呢個價位聽燒山話入貨)跟住…… 前後短短個零月，跌60%，穿咗8000美金！
Burnhillism 嘅精髓，就係要你諗嘢、自己搵答案，我家陣就詳細解構燒山言論的玄機 :
「比特幣有實質價值」
英國倫敦經濟學院(LSE)經濟學家 Richard Jackman 向《金融時報》表示，市場認為比特幣毫無價值的講法並不正確，比特幣的合理價格按照推算應該是20美元。
「比特幣不能受到操控」
路透社消息（ 附圖），比特幣被拋售的主要原因是越來越多人相信比特幣被操控。
「強力反彈顯示市場有巨大承接力」
我之前已經寫過很多篇文章，解釋老千股運作，簡單講，就係要「街貨少」。
股票市場尚且要有實名經紀，再利用幾千個假戶口去炒高炒低，經紀行有晒紀錄仍然禁不絕老千橫行。
比特幣？在什麼人手上？ 邊個拋售？邊個托市？ 根本全無監管，就算左手交右手亦無從稽考。
燒山話比特幣有幾千億美金承接力，其實係故意講反話救你，等你唔好信，點知你真係信，我真係幫你唔到。
雖然個網友因恐慌止蝕而冇咗一半身家，但係都唔好咒燒山咁早死住。
燒山而家最需要嘅朋友，應該係古巴嗰個雪茄佬 ~ 卡斯特羅，佢嘅金句就係 : 「歷史將會判我無罪！」
李懂媽
奧古斯托價位 在 AGUSTO 奧古斯托大安店 - Facebook 的推薦與評價
手藝源自法國東南部普羅旺斯當地風味融入義、法、日料理技法作豐富多變的呈現，嚴選頂級熟成肉品、活海鮮做料理，並提供義法高檔紅白酒搭餐，吃這檔事不僅僅是溫飽該是 ... ... <看更多>