【友情轉載】文中提及嘅 IM solution provider ，同埋位 L 呢，都同小弟幾好感情個隻。
如果有邊位大中小企老闆或高中低管理層，需要搵人整個用 WhatsApp 做 CS 嘅 solution，可以 inbox 本座。
Tag 返 黎兆沖
【最新Facebook證實熱線已被刪除】港警Whatsapp「篤灰熱線」 點解要用10條咁多？
「香港差佬除咗黑暗醜惡之外呢，仲好蠢架！」香港警察日前新增10條Whatsapp「篤灰熱線」，讓公眾透過WhatsApp短訊以匿名方式舉報，今日並不是再要鬧「erer Sir」PPRB高級警司江永祥以及其同事再次「打倒昨日的我」，個頭先話如果接納匿名指控，會世界大亂，轉個頭就推出匿名「篤灰熱線」，因為已經講到口臭。而是要講，點解警方要用Whatsapp，而且要開成10個Whatsapp號碼。
友人L的Startup正好針對Whatsapp這類即時通訊軟件（IM）提供solution。問到點解要開到10條線？L就指出現時Whatsapp ，不論你是否商業版，一個號碼同時最多只有兩個login，一部手機以及電腦版，所以要一組十幾人去做，就至少要開十個號碼，但這是一個低智能的方法。「我公司早就已經可以做到一個號碼，無限個login，用在客戶服務上無論條team有幾大，邊個同事跟邊個客都一目了然。」
另一個原因係咪驚比Whatsapp封號碼？友人表示未必，「如果你平時無啦啦收到一啲商業信息，WhatsApp會提你小心同問你係咪spam，幾個人report佢就會死。但而架個做法，係你主動send訊息去先，即係你開展呢個對話，WhatsApp好難會封，當然唔排除網民親自email去投訴啦。」以警方的低智能方法，如果只得一個號碼，很容易被人以程式持續轟炸，10條線或者有助分流，但其實用得上程式持續轟炸，如果沒有技術設防，10條跟100條亦沒有大差別，「用bot容乜易」。
而你或者會問，「點解唔用微信，要用外國勢力？」因為中國跟香港始終國情不同，WhatsApp不但方便，在香港的覆蓋率高達接近100%，幾乎人人智能手機都有，就算年長的人，或無腦藍絲都識用，比微信更加易用。
警方又提到，熱線只接收文字資料、相片、錄音及錄像，但不會接聽來電。這正正解決了999報案熱線的不足，元朗721 恐襲警方聲稱當晚3小時內接獲逾24,000個求助電話，以致應付不了，如今用Whatsapp不但可以應付量的問題(收到晒佢都未必睇，但至少唔會爆線)，更可以收到片、相、聲，甚至Link。
最後問L，「咁如果警方搵你做，你做唔做？」L想也不想，「咪搞我，國際公關都唔做佢生意啦！」
