Search
PN面試嘅日子到喇，大家報咗邊啲學校呢？
今次我就以過來人身份拍咗條片，同大家分享一下於St Catherine 及學之園呢兩間名幼嘅面試心得 (兩間都有offer，最後揀咗學之園)
如果有問題都歡迎留言，互相交流一下啊！
嚟緊我都會拍多啲分享嘅片，希望大家可以subscribe 我嘅YouTube channel，俾啲支持我啦😊
𝔽𝕠𝕝𝕝𝕠𝕨 𝕞𝕪 𝕚𝕘 @𝕜𝕒𝕥𝕙𝕣𝕪𝕟.𝕛𝕒𝕤𝕞𝕚𝕟𝕖
https://instagram.com/kathryn.jasmine
https://instagram.com/kathryn_onairkol
#幼稚園 #PN #K1 #名幼 #面對小貼士
Kathryn Fong
#面試季節
#拍片zoom_in無限Loop
話說年中開始報K1時，因為個時紅豆仲讀緊York，我就幫佢報咗幾間名幼，諗住以超大B身份再考多一年，因為York只係踏腳石吧！
點知，9月中又收到心儀幼稚園嘅學位，所以就幫紅豆轉校過去。 理應紅豆有書讀就唔洗再in K1, 但撞正疫情，間間幼稚園都係交片先，媽媽我身痕，就將之前拍好咗嘅片剪一剪，交咗去4間幼稚園做咗個測試。
以下係個人交片後測試結果，大家可以參考下，大概知之後報PN/K交片要剪D咩。
1) #銅鑼灣維多利亞國際幼稚園
-要求影片長度不多於2分鐘
-內容能展示:
a) 自理能力﹕如自己吃東西、喝水等;
b) 大小肌肉的發展﹕如跟音樂扭動身體、玩玩具、走路等;
c) 與父母交流互動﹕如閱讀故事圖書;
d) 表達能力﹕言語或非言語
⭕️交片： 影片跟拍片要求，展示生活日常，親子遊戲、親子伴讀、自理能力，無添加學術成份原素。
❌ 結果： 後備生
——————————————————
2）#香港培正小學幼稚園
-影片要求拍攝一段 1分半至2 分鐘的短片
-短片表達形式不限，校方建議內容如下：
考生自我介紹(廣東話)
親子互動時間(如親子閱讀、遊戲等，語言不限。)
⭕️交片： 維記影片同用。拍片只展示生活日常，無添加學術成份原素。
❌ 結果：不取錄
——————————————————
3) #學之園幼稚園(凱帆校)
-家長需拍攝一段4至5分鐘的日常親子活動短片，並以最多300字簡單介紹影片的內容
-家長可選擇以廣東話及英文或普通話及英文拍攝
⭕️交片：影片包含親子唱遊、父母親子伴讀、紅豆照顧妹妹之日常、中英文唱歌、中英文字咭認讀、分辨男孩子女孩子、寫數學字、自理能力（自己進食，刷牙及穿衣服鞋子）
整條影片突顯親子互動及學術成份重
⭕️ 結果： 有2nd in，但我哋reject咗無in
——————————————————
4) #德望小學暨幼稚園
-5分鐘影片
-要求拍小朋友生活片段，以自然流露方式分享自己的日常生活，如：喜歡食物、玩具、圖書、活動等。
-唱一首歌曲、兒歌或分享圖書
-影片中需展示小朋友説英文及廣東話的片段
⭕️交片：影片同學之園同片，改咗好少細節，包含親子唱遊、父母親子伴讀、紅豆照顧妹妹之日常、中英文唱歌、中英文字咭認讀、唐詩朗讀、自理能力（自己進食，刷牙及穿衣服鞋子）
整條影片突顯親子互動及學術成份重
⭕️ 結果： 有2nd in，要2021年1月頭先進行
📌📌📌總結來了📌📌📌
經過4間學校嘅交片結果，就係即使學校只要求拍小朋友日常，但學校都係傾向收取學術強的小朋友。
係依家一片定生死或拍片拎入場券嘅情況下，我比較建議影片有理無理都加插學術成份落去。
各位家長，加油！
求位信
傳送門：https://m.facebook.com/871692379537056/posts/3515087261864208/
🎁不遲不早的生日禮物🎁
失蹤左一個月，因為姐姐返左鄉下，新手爸媽忙到一頭煙，每日元朗➡️青衣➡️中環➡️青衣➡️元朗，返到屋企再繼續下半場照顧4腳同做家務😭😭
呢一個月，辛苦新手公公婆婆照顧黃豆，亦辛苦新手爸搞掂屋企嘅家務❤️❤️
無咩時間準備2歲生日，好好彩早2日收到學之園PN班取錄，一份驚喜嘅生日禮物，特意係黃豆2歲生日寫低，希望時刻提醒自己毋忘初衷，緊記你健康快樂成長先係最重要💪💪
當初新手爸媽唔想黃豆太辛苦，所以只選擇區內N班報考，除左青衣學之園，因為係正公公婆婆屋企隔離，又明知呢間一線學校爭崩頭，根本無諗過入到，只係抱住開開眼界心態試下👻👻
第一輪面試已經好難，程度彷佛考K1咁 (可能所有呢類學校都係咁，只係新手媽井底之蛙)，但我驚訝黃豆表現好好，原來不知不覺間佢已學識好多嘢😨😨 平常心check 結果，慶幸有第二次面試機會，諗住大把人爭都係運桔，所以無太在意😰😰
第二次面試時間係朝早8:40，去到發現原來有得second-in嘅人唔多，但因為太早，新手爸媽又無咩準備，所以一家三口表現得麻麻😞😞
一直以為自己能處之泰然，second-in後我竟然緊張起黎...
😔我後悔自己無認真對待
😔我埋怨點解咁唔好彩抽中最早嘅時間
😔我嬲自己無做好資料搜集，答校長問題答得唔好
新手婆婆食鹽多過我食米，見到我好沮喪，淡淡然咁安慰：「而家只係起步，之後仲有考小學、呈分試、考中學、考大學，你咁緊張會將壓力轉嫁係黃豆身上！」
當頭棒喝，我其實只係想揀間合適嘅學校，如果過程令大家唔開心，咁就違反我想阿仔健康快樂成長嘅初衷🧐🧐
今次幸運能被選中，但我相信往後嘅日子總會有唔順意嘅時候，我係時候同阿仔一齊返學，一齊學習失敗、一同成長❤️❤️
#過程先係最重要 #毋忘初衷
#感恩你到來 #豐富我的人生
#期待開學 #再次學習
