位於怡富酒店內嘅富薈，係城中到會界入面個席位一直都幾高下，無論係入伙收樓party、百日宴定生日會等佢都一直被外界器重。今次我選擇以另一個角度了解富薈，終於唔係透過到會，而係去現場堂食try try佢地嘅功架。首先富薈個格局點睇都似係以西式餐點作主導，點知揭開餐牌就被浪接浪嘅驚喜打臉，竟然供應多款流露住台式面貌嘅餐點，仲要係達到別開生面嘅級數，經八卦下先知原來呢度有一大個高雄暖男廚師坐鎮，以下幾款係今次嘅戰利品：
-
台風傳統麻油雞燉飯😍
呢個絕對係心心眼之作呀，我呢本身係麻油雞嘅die hard追隨者，奈何呢味台式料理喺澳門街真係唔普及得好緊要，嚴重癮起時直頭要投靠防咗腐嘅麻油雞泡麵，難道呢度有個超級對味嘅麻油雞燉飯，唔使再隊即食麵同健康打對台喇！
-
哈瓦娜特製漢堡
首先想讚嘆下塊手打漢堡，食落異常多汁同鬆化，另外再加埋煙肉同帶子，令個包有齊起承轉合，啖啖精彩。而呢度嘅哈瓦娜其實係指墨西哥鬼椒辣椒醬，聽講辣度係達到失憶級別，師傅將呢種哈瓦娜醬進行二次創作，令辣度下降咗幾個level之餘保持住陣惹火嘅刺激感。提提大家先，如果唔怕失憶可以要求師傅加碼落多兩滴辣，兩滴好喇下，因為呢隻世界辣椒大賽嘅專用辣椒唔係流㗎。
-
另外餐點：莞荽波菜芝士pizza、墨西哥辣味肉醬燉豆鳥巢麵、入座免費送嘅炸牛蒡。
-
IFU Hotel 怡富酒店
富薈 - 澳門燕主教街怡富酒店內
營業時間：11:00-21:30
電話：28922666
-
#對面就係十六蒲隔離個柏港停車場 #foodfoto #foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau
對面就係十六蒲隔離個柏港停車場 在 #對面就係十六蒲隔離個柏港停車場 - Explore | Facebook 的推薦與評價
位於怡富酒店內嘅富薈，係城中到會界入面個席位一直都幾高下，無論係入伙收樓party、百日宴定生日會等佢都一直被外界器重。今次我選擇以另一個角度了解富薈，終於唔係 ... ... <看更多>