話說屋企附近有間Deli… 每日都會有唔同嘅菜色（我個人認為係佢地啲貨到期，所以要拿拿臨整左佢賣出去），每一次都好有驚喜。
例如呢個「中式豬肉湯配flat bread」明明所有食材：豆腐、米線、芽菜、冬菇，花椒樣樣都係中式食材，但偏偏煮出黎一點中式的感覺也沒有😂😂😂😂😂😂😂😂😂😂😂😂😂😂
好唔好飲？其實又真係好好飲，所以我嬲佢唔落（亦吹佢唔漲）。佢係有啲似酸辣湯但比較重咸嘅口味，老實說乜野湯放咁多意大利火腿落去煲都唔會輸架啦，而且仲有好多吸滿湯汁的豆腐，加上佢地自己焗嘅麵包，我覺得絕對可以收貨。
道可道非常道，名可名非常名，我的「中式」來到英國就變成「唔識」，但唔緊要，總之好食就得。管你叫咩式—— 變幻才是永恆，想不到這間小店對於文化的奧義已經掌握得如此爐火純青，從一碗湯裡展現了天地大道，實在可喜可賀。
#唔好對中式有太多聯想
#就好似椰林閣嘅巴黎汁
#到依加我都唔明嗰pat熒光黃色物體有咩咁巴黎
就好似椰林閣嘅巴黎汁 在 #香港18 - Explore | Facebook 的推薦與評價
香港達人HK Diner、椰林閣、香港18、東南加、檳城等餐廳，總有一間喺左近！ 忙碌完一日，最滿足莫過於用熟悉的味道醫肚～買定72折券就可以隨時慳住食！無論係想食泰越菜式 ... ... <看更多>