【黃碧雲用公帑同老公旅遊考察，得著就係大話西遊到話香港可以賣水比大陸】
成日都話香港政策研究唔值錢，尤其係響政黨層面，因為一來見倒其他人有講相關嘅嘢就算係對家（例如係我）講嘅，成份照抄番黎就得，只要好無品咁唔講出處就「吹我唔漲」；其次係香港人反正都唔識分政策論述水平高低，講啲民粹嘢大家都覺得好就會爭相Like & Share，反正大家要嘅都係情緒宣洩而唔係真係想個社會變得更好。
不過要拆穿政黨呢啲政策論述究竟係原創定係抄襲亦唔係太難，因為呢班政棍講嘅嘢既然係抄番黎就必然會：
1. 囫圇吞棗，知啲唔知啲，當你講多咗就會露餡展現你嘅無知；
2. 自相矛盾，由於你只係抄人政策論述，但自己個黨嘅立場仍然係一成不變，咁當然最後就會自打嘴巴；
所以之前尹兆堅「抄」得出我定唔知邊個人講嘅「香港房屋問題就係土地問題，所以所有政策都只係利益分配」；但最後又會支持「首置盤」呢個利益分配比有錢人嘅建議；胡志偉夠膽死話政府「抄」佢地就地鐵股息作為交通津貼分派嘅建議，但講黎講去都係唔明白政府收入係作為一個整體咁睇，根本無必要將津貼局限響地鐵股息收入呢啲細微細眼嘅數字上面；許智峰學人講電子道路收費計劃，但之前又話立法會好難支持加價議案……
去到今舖黃碧雲，又學人講與其「買東江水不如起海水化淡廠」，咁當然有咁嘅諗頭係好事，問題係鬼唔知要起海水化淡廠咩，但要起幾多座呢、響邊度搵倒一個合適嘅海水源興建地呢、呢舊雲係懵下懵下完全無概念，結果同牛頭角順嫂響街市9噏係完全無分別；
呢條懵婆響節目不停強調「起一座海水化淡廠都係40億，但每年東江水水費係48億」，但如果你講唔出要起幾多座海水化淡廠先夠，呢兩個數字根本無連繫性；更何況而家政府就海水化淡廠建議撥款係93億，你個40億條數究竟點樣黎？唔通係抄WIKI果個數！？唔係下話……而且唔止興建成本、仲有運作成本、覓地成本，滿口數字嘅黃碧雲一律噏唔出，無他；因為呢個講法只係執人口水尾，叫啲助理抄抄埋埋就爭取學人「分析」，佢當然唔明成個討論嘅癥結響邊
但最離譜都唔係呢度。即係而家興建緊嘅海水化淡廠只係夠香港用水供應量十份之一，而我地嘅人口仲會持續增加，你要供水自主無起番十座八座都無可能；然後你夠膽死話香港可以學以色列，將供水賣出去！？我都廢事講你條懵婆連以色列水源充足係透過壓搾巴勒斯坦用水需求而達成嘅不公義成果，你黃碧雲竟然視之為典範（啲左膠去哂邊？）；但要香港由淡水輸入地區變成輸出地區！？我話你聽個機會率可能同民主黨成功爭取真普選差唔多架咋！咁都噏得出證明你真係白痴。
仲有，當黃碧雲猛發佢個「香港賣水比中國」白日夢之時，彭晴又問佢一句：「而家仲有啲人話要填水塘起樓勒」，呢件白痴又無啦啦插一句：「咁就一定唔可以勒」，喂，你先頭先講香港供水可以透過海水化淡廠無限量增加咁樣樣，咁船灣淡水湖嘅重要性自然可以完全被海水化淡所替代，點解「一定唔可以？」，咁同許智峰反對加價議案，但又響幾分鐘後支持電子道路收費計劃有乜分別？連基礎政策邏輯都無仲可以走出黎丟人現眼？
但唔緊要啦，港豬識鬼咁多嘢咩，政棍亂噏我鬼識分咩，所以點解香港政黨可以對政策分析水平係負數、政棍夠膽出黎亂噏而完全唔會受到懲罰就係咁解。區家麟話前主播唔好用「光環收割」得咁過份，但佢永遠唔會講／唔識講嘅係，而家一堆政客、三流評論員同時事KOL，就係掛住一堆光環響度禍港論政，而仲有班港豬走去瘋狂Like & Share助紂為虐。再講100次，香港，係抵撚死嘅。
【黃碧雲作為立法會議員，竟然懵豬豬連水務局提交立法會嘅海水化淡廠造價由40億更新咗去93億都唔知，然後夠膽死走去now認叻】
自從我貼咗我對一舊雲對海水化淡政策一無所知，只識口號式9叫就當分析之後，出乎意料好多弱智港豬走黎挑我機，有啲就係閱讀理解有問題，以為我反對起海水化淡廠，其實我已寫過好多篇文章指出，就算你係愛國愛港建制派，都無可能唔支持起化淡廠，因為東江水源將來只會愈來愈缺乏；
但另一班就更搞笑，係度係咁Challenge我點解唔交啲數據出黎：喂，大佬呀，而家黃碧雲係垃圾會議員，收種果種公帑同津貼，仲同老公用公帑去旅行考察，點解要質疑嘅唔係佢而家一蚊都無收過嘅我？
然後你要我交數丫嘛，ok，我就拎一個數出黎講，黃碧雲話起一間海水化淡廠只需要40億，但其實呢個經已係2013年嘅估值，去到2015年水務署已更新海水化淡廠做價為93億，喂大佬，呢條數係有交去垃圾會比你地議員審閱，作為審批前期撥款嘅參考架，你一舊雲究竟係咪開會開到懵撚咗，連個造價更新咗都唔知，定係連會都無去開？咁垃圾嘅議員然後你班港豬唔單止選佢出黎，仲要響我指出佢嘅錯誤之後走黎護航挑我機？
香港，係抵滅亡嘅
======
政府首次透露擬建的將軍澳海水化淡廠造價93億元，2015年首季提交立法會財委會審議，可望在2020年落成
【建制派全面支持興建海水化淡廠，飯民有四人缺席投票疑似賣港】
要同港豬辯論，不得不調低少少智商先溝通，即係原來直到而家仲有一班白痴以為起唔起海水化淡廠係一場「飯民 vs. 建制」嘅對決，仲有人唔知道其實海水化淡廠一早經已撥款通過興建。
既然係咁，我都調低下自己智商迎合你地出呢個POST啦，係呀，建制派其實一面倒贊成興建海水化淡廠不特止，反而四個飯民議員涂謹申林卓廷郭榮鏗郭家麒林卓廷缺席投票，同石禮謙李慧瓊何俊賢易志明謝偉俊呢班賣港契弟一樣──一個對香港咁重要嘅議案，點解你會響投票缺席？如果唔支持起海水化淡就係「支持食屎水」、「分化對抗大陸力量」，呢四個飯民議員除咗賣港仲有咩解釋？
班黃屍左膠仲有乜嘢解釋？
