要乜就有乜(下)
上集:https://bit.ly/3y9wVqM
有咗錢之後,開始有好多女仔痴埋嚟,但我依然對佢哋冇感覺。
我心裡面只有玲玲。
但佢既然唔鍾意我,我都冇再騷擾佢。
我以為,我呢世都會保持單身。
直到我知道,玲玲患上咗肺癌,病情唔樂觀。
玲玲阿媽哭成淚人,聽講,玲玲以往嘅追求者,都已經消失晒。
我去咗醫院探玲玲,佢瞓喺病床上,虛弱而蒼白。
見到呢一幕,我個心好痛。
原來你愛一個人嗰陣,佢嘅肉體有幾痛苦,你只會更心痛。
於是,我同玲玲講:「我想要你嘅癌細胞。」
玲玲唔明白:「你講乜嘢啊?」
我答:「我話,我寧願我代你病。」
「唔好傻啦。」玲玲一笑置之。
玲玲好快就不藥而癒,醫生檢查過,佢已經冇晒原本過量嘅癌細胞。
相反,唔舒服嘅感覺喺我嘅身體度蔓延。
我都唔想死,馬上去醫院,確診肺癌。
玲玲嚟探我,好困惑咁講:「世事又會咁啱嘅,我啱啱好番,你就病咗,仲要係一模一樣嘅病。」
「我話過,我要代你病丫嘛。」我笑住講。
玲玲唔信:「你講笑㗎啫,邊有得真係代人病。」
我雖然做咗英雄,但我冇諗住做無名英雄。
我將我嘅超能力老實話畀玲玲知,佢當然唔信。
但當我話:「我好想要你條頸鏈」,第二朝我真係拎到佢條頸鏈之後,佢就信咗我。
對於我嘅付出,玲玲既愧疚又感動,好貼心咁照顧我。
更令我驚喜嘅係,我嘅病情漸漸好轉,居然好得番。
我本來打算犧牲條命去救玲玲,點知唔洗犧牲,都救到玲玲。
經歷咁多風浪,玲玲終於俾我打動,答應我嘅追求,拍拖冇幾耐,我就結咗婚。
抱得美人歸,又有無盡嘅錢,我梗係好幸福啦。
直到二十年後,我哋個仔都已經讀中學。
有一日,我早咗返屋企,我聽到玲玲講緊電話:「你就好啦,你同你老公咁恩愛。我……我從來冇愛過我老公。」
嗰一刻,我個心痛到連手上嘅嘢都跌咗落地,甚至唔記得我手上拎住乜嘢。
我衝咗入房,大聲問玲玲:「你從來冇愛過我?」
玲玲呆咗,佢部手機都跌咗地。
喺我一連串嘅質問下,佢終於講出真相。
其實都唔係咩驚天動地嘅真相,只係佢同當年一樣,對我冇感覺。
哪怕我同佢結婚廿年,哪怕佢一直做個賢妻良母,佢都從來冇愛過我。
我問:「咁你點解要同我一齊?」
「你為咗我,連命都唔要。我仲可以同其他人一齊咩?」玲玲反問。
係,玲玲係一個好女仔,佢一向唔鍾意欠人哋嘅人情。
但我以為,我咁多年嘅付出同專一,會感動到佢。
估唔到,佢只係同樣以對家庭嘅付出同專一嚟回報我,偏偏冇愛上我。
玲玲喊住講:「我努力過㗎,但我做唔到。」
我終於意識到,就算我想要乜就有乜,我都冇辦法得到玲玲對我嘅愛。
因為,呢樣嘢本身就唔存在。
如果一個人對你冇感覺,就算你情深如海,就算你感動到佢,就算你同咗佢一齊,
可能到最後,佢都係對你冇感覺。
—完—
新書《真實虛擬一鏡過》已經出版了,現正發售中,
詳情可點擊這裡:https://bit.ly/3eTPuHL
你的支持是我最大的動力!
#短故 #短篇 #小說 #陳美濤 #廣東話 #粵語 #tomatochan #要乜就有乜
同時也有2部Youtube影片,追蹤數超過1,610的網紅Dr Kelvin Ma中醫爸b 馬琦傑醫師,也在其Youtube影片中提到,小朋友蹦蹦跳跳,不時都會撞瘀扭傷。一部分家長支持撞瘀熱敷,有一些??♀️又話冰敷,究竟撞瘀需要熱敷定冰敷? ?撞瘀後首日 由於受撞擊後,皮膚下的微絲血管爆裂。冷敷能使血管收縮,有助減輕痛楚、止血及消腫。 ✅首2-3小時做冷敷,24小時要觀察。 ✅小朋友亦會因保護反應,拒絕他人檢查受傷位置。爸媽...
我個心好痛 在 陳美濤 Tomato Facebook 的精選貼文
我嘅職業係:NPC(下)
上集:https://bit.ly/2Nqq8a6
我想跟正義之劍一齊去闖盪江湖,而唔係佢得閒先嚟搵吓我,但我根本冇辦法離開酒館。
呢個時候,系統更新,出咗一個大型任務。
按照任務完成度排行,按排名畀豐厚嘅獎勵。
第一名,可以選擇一個NPC進行挑戰,挑戰成功後,NPC就會成為你嘅隨從,跟你闖蕩江湖。
一時間,所有玩家都對呢個任務議論紛紛。
「我要揀獨孤求敗!我早就想學玄鐵劍法……到時仲可以叫佢幫我打,唔駛自己郁手。」
「就算畀你做到第一名,你都打唔贏獨孤求敗啦。」
「我就會揀周芷若,有《九陰真經》又有倚天劍,有武功有秘笈,本身武功又唔係咁勁,容易打贏。」
「係喎,佢仲係超級靚女,帶出去都特別有面子。」
我好興奮咁講:「不如你去做呢個任務?你做咗第一名,就可以帶我走啦。」
「我?我連第一章主線都未做完喎,我會做到武林第一人?」正義之劍好猶豫。
「哎呀,唔試吓點會知啫。」我諗一諗:「反正玩家又唔會死,衰咗咪返嚟囉。」
第二晚,正義之劍嚟搵我,佢已經換咗一套衫,係殺死山賊頭領後獎勵嘅裝備。
正義之劍好內疚:「我知道佢冇罪,但我殺咗佢。」
「佢係NPC,呢個係佢注定嘅命運。」我安慰佢。
正義之劍狠狠咁點頭:「我最在乎嘅係你,為咗改變你嘅命運,我始終要……融入呢個江湖。」
為咗練武功、做任務,正義之劍離開咗呢個城市。
我好掛住佢。
酒館嘅玩家,會討論近排武林上有咩名人。
聽講,正義之劍最近聲名鵲起,拜入武當派,成為武當第三代弟子。
我好開心,武當係名門大派,正義之劍終於唔駛委屈自己,去做啲唔係咁「正義」嘅任務。
但時間一日一日咁過去,我聽到嘅消息愈嚟愈奇怪。
聽講,正義之劍行事亦正亦邪,為咗增進武功不擇手段,武當派嘅NPC對佢幾多不滿。
後來,佢得到血刀老祖嘅賞識,叛出武當派,成為血刀老祖嘅嫡傳弟子。
邪門功法最易速成,佢以一身血刀刀法,縱橫江湖,殺人無數。
我幾乎懷疑,呢啲消息係假嘅。
但我只係一個唔識武功嘅NPC,點會有人作假消息嚟呃我?
之後,正義之劍真係喺活動中拎到第一名。
我既感動又期待,等緊佢返嚟帶我走。
但我聽到嘅下一個消息,係正義之劍挑戰周芷若,將佢收為隨從,將《九陰真經》同倚天劍都收入囊中。
我呆咗。
好耐好耐之後,正義之劍帶住一班玩家嚟酒館,仲有一個好靚嘅NPC。
佢前呼後擁,所有人都爭相拍佢馬屁,佢自己都好享受咁。
我覺得,呢個人好陌生。
有個玩家指一指我:「劍幫主,嗰度有個NPC望住你,會唔會有咩隱藏任務?」
「一個小酒館嘅NPC,你期望佢有絕世武功,定神兵利器啊?」正義之劍淡淡然咁答。
嗰一刻,我個心好痛,同時又有幾分放鬆。
我終於唔駛再為呢個人牽腸掛肚,因為佢已經變成一個普通嘅玩家,只追求更強大嘅武功同更多嘅榮譽,將NPC當成利益嘅來源。
我忽然記起,我曾經笑過佢傻。
依加佢唔傻啦,但我都唔再掛住佢啦。
每個女人,都想男人進步,想男人為自己改變。
但佢進步好多、變化好大,或者會唔小心改變埋……你最唔想佢改變嘅嘢。
—完—
將專頁設定為「搶先看」/ "See first",最新故仔馬上睇!
新書《筍工重生高科技》已經出版了,現正發售中,
詳情可點擊這裡:https://bit.ly/32hgoSN
你的支持是我最大的動力!
#短故 #短篇 #小說 #陳美濤 #廣東話 #粵語 #tomatochan #我嘅職業係NPC #我嘅職業係
我個心好痛 在 黃之鋒 Joshua Wong Facebook 的最佳貼文
#Day22 呼籲各位密切留意12港人關注組。
// 張銘裕67歲的爸爸說自己文革時從大陸偷渡來港,「大陸那些事,我都經歷過,我個仔唔聽我講咋嘛⋯⋯」回憶及此,他流下淚水,「都唔聽(我講)。」
張銘裕爸爸說,在過去一年反修例運動裏,兒子有同自己講要「爭取香港民主自由」,爸爸當時問他:「你爭取(為)什麼?」張銘裕答「為下一代」,爸爸說:「你下一代,你都未結婚⋯⋯都唔聽我講。」一邊說一邊流眼淚。
張銘裕爸爸又說,聽到有人看電視新聞時說「坐監坐死佢啦!唔好俾佢出來。」他說自己聽到後覺得「我個心好痛」,「果個唔係你個仔,係你個仔嘅時候,你講唔講得出聲?」說到這裏淚流滿面。//
#save12hkyouths
.................
💪支持我向世界展現香港人頑強抵抗的意志:https://bit.ly/joshuawonghk
.................
#存亡號召 #絕處逢生
✍️https://www.patreon.com/joshuawong
🌐https://twitter.com/joshuawongcf
📷https://www.instagram.com/joshua1013
📧joshua@joshuawongcf.com
我個心好痛 在 Dr Kelvin Ma中醫爸b 馬琦傑醫師 Youtube 的最讚貼文
小朋友蹦蹦跳跳,不時都會撞瘀扭傷。一部分家長支持撞瘀熱敷,有一些??♀️又話冰敷,究竟撞瘀需要熱敷定冰敷?
?撞瘀後首日
由於受撞擊後,皮膚下的微絲血管爆裂。冷敷能使血管收縮,有助減輕痛楚、止血及消腫。
✅首2-3小時做冷敷,24小時要觀察。
✅小朋友亦會因保護反應,拒絕他人檢查受傷位置。爸媽此時要耐心,千萬不要再責怪小朋友,慢慢安撫他。
?千萬不要一開始就用力搓揉撞傷處,這樣會讓血管不容易凝血,反而造成血腫情形更厲害。
?冷敷方法:用密實代裝水與冰塊約(1:1)再包薄毛巾,貼在疼痛處周圍,每次約5分鐘,撞瘀首2-3小時內冷敷3次。
?撞瘀後2-5日內
血液會滲到皮膚底層,形成積血瘀傷。瘀痕會呈現紫藍色,隨着底層。
✅此時開始用熱敷,促進局部血液循環及血塊吸收。約一星期後便會完全消退,爸媽不用太擔心。
?熱敷方法:熱雞旦包毛巾搓在瘀青周圍,每次約敷10分鐘,一天2到3次即可。
* 雞旦敷完不能吃呀!
??⚫️瘀顏色辨別:
是微血管破裂,血塊堆積形成,剛開始呈藍黑色,約一周後血紅素分解成血鐵色素,呈現出像鐵銹般的黃色,最後血鐵色素被人體吸收,瘀青就消失了。
撞傷後注意⚠️
1)小朋友有沒有昏倒或三天內有沒有持續嘔吐,走路不穩,頭痛欲裂,意識不清,如有以上情況,一定要盡速求醫。
2)撞傷後,父母要留意是否有骨折問題。骨折的徵狀都包括腫、痛,還有彎曲情況,不願移動等。如有疑問,請帶小朋友醫院檢查。
3)跌打酒藥油不適合幼兒脆薄皮膚使用。一般撞瘀,可以用純當歸油按摩一下,而當歸有瘀痛及活血作用
4)爸媽發現小朋友身體經常無故出現瘀傷,可能有其他疾病,還是請醫師確認皮下出血的原因,才不會錯失正確的治療。
#小兒撞瘀處理
#我個女撞親下巴
#我個心好痛
#大家一定要做好預防
![post-title](https://i.ytimg.com/vi/9_I9BsSKZvU/hqdefault.jpg)
我個心好痛 在 FATTY HO Youtube 的最佳貼文
最近連登睇左篇野睇到幾心噏,個故事唔長不過……嗚嗚嗚
Credit返個來源連登先~ 純粹肥仔改篇版本
原版︰
『原本約咗佢食飯,佢嚟接我,但忽然要開ot,因為出咗問題好緊急同埋自己一直跟開冇得拒絕,同佢講完要開ot後佢話約朋友行一陣啦,我就收工call佢先嚟接我收工再食嘢。
隔咗一個鐘,落樓下七仔買啲嘢飲,點知見到佢一個人坐咗係附近公園,我打比佢問,佢話係某某地方同朋友行緊街,叫我唔洗理佢,專心做嘢先。
收線之後,離遠見到佢孤零零一個帶返個耳機聽歌玩電話。
我冇踢爆佢,唔想佢尷尬,唯有加快手腳做嘢快啲走,返上公司有個窗口位望到個公園,望住佢一個人咁等我個心好痛,諗起其實佢冇乜朋友,唔想我做嘢分心,所以先咁講,唉…?
啱啱ot完,我落樓下打比佢同佢講15分鐘後收工,佢問我飲唔飲珍珠奶茶,佢話企咗係間鋪門口,我知我公司附近係有,但要行多幾條街先到,我話唔洗,佢話15分鐘後到,我望到佢收線個下個笑容,令我更加心噏。
女朋友,我愛你?』
●來源Credit:性感神秘人
#女朋友 #OT #感人 #LIHKG
【YOUTUBE】︰ https://youtu.be/G47BYtadqcI
♥♥♥♥♥♥♥♥♥♥♥♥♥♥♥♥♥♥♥♥♥♥♥♥
如果大家唔開心既時候想笑下不妨一睇﹗
大家記得比個LIKE同SUBSCRIBE 我喇﹗
♥♥♥♥♥♥♥♥♥♥♥♥♥♥♥♥♥♥♥♥♥♥♥♥
Facebook fatty ho
♥♥♥♥♥♥♥♥♥♥♥♥♥♥♥♥♥♥♥♥♥♥♥♥
Youtube Channel︰fatty ho
♥♥♥♥♥♥♥♥♥♥♥♥♥♥♥♥♥♥♥♥♥♥♥
Instagram︰fattyartsaga
♥♥♥♥♥♥♥♥♥♥♥♥♥♥♥♥♥♥♥♥♥♥
![post-title](https://i.ytimg.com/vi/G47BYtadqcI/hqdefault.jpg)
我個心好痛 在 我心好痛。 - 感情板 - Dcard 的推薦與評價
我心好痛。 感情. 5月27日21:03. 我失戀了。 在昨天下午接到前男友的電話,他來我家找我,然後跟我說約在我家外面的星巴克見面,一開始我帶著開心的心情去,直到了跟他 ... ... <看更多>
我個心好痛 在 我個心好撚痛啊- एक्सप्लोर करें 的推薦與評價
酒道日本酒Shudo Sake, बेहद दुखी महसूस कर रहा है. · 22 मई 2019 ·. Shit things happen all the time. #店長保證 #支酒好香 #買啦 #唔好錯過 ... ... <看更多>
我個心好痛 在 我的心好痛 - YouTube 的推薦與評價
我的 心好痛. 32K views 9 years ago. jessica winnie. jessica winnie. 184 subscribers. Subscribe. 176. I like this. I dislike this. ... <看更多>