有朝早我食住早餐聽電話留言…
由於醫生係需要我哋每朝早寫低電話留言嘅內容，方便佢返嚟可以睇返，我拎定筆…開始一日之計在於留言啦！
收聽請按1字，我暸解並表示要繼續～『1！』
電話傳嚟一陣哀怨痛哭嘅男聲『嗚～～～～～～～～～～～呀』
我嚇親。
男聲：「醫～～生～～救我呀！」
男聲：「我碌鳩俾條女坐斷咗呀」
遠遠嘅女聲：「邊撚到有坐斷呀，成條都仲喺度，斷係斷開㗎囉」
男聲：「塊皮冇裂呀，入面斷咗呀」
女聲：「冇斷呀，你自己望吓冇斷呀」
男聲：「你唔好再搞佢啦，佢唔曉起頭㗎啦」
女聲近咗：「你唔扯旗佢點起呀，你扯啦」
男聲：「好痛呀起唔到頭呀，你頭先咁成個坐落嚟，而家斷咗啦」
女聲：「又係你叫坐嘅！又係你話要精盡人亡嘅！」
男聲：「我唔想同你嘈啦，我真係好痛呀，你唔好掂呀！」
女聲：「你發我脾氣做咩呀？我都未發你脾氣啦！」
男聲：「唔係呀，我真係好痛呀」
女聲：「你而家係咪打去報警拉我呀？你同緊邊個講電話呀？係咪報緊警呀？」
男聲：「我打俾我平時睇開嗰個醫生呀」
女聲：「我唔信！」
似乎電話被搶，女聲好響亮：「喂？喂？喂？出聲啦！」
對唔住，留言係冇人應你嘅。
呢個留言完結咗。
下一個留言。
同樣嘅男聲：「醫生我真係唔掂啦，你可唔可以過嚟救吓我細佬呀？我唔想去急症俾記者影相呀，我唔想出名呀，我唔想紅呀，我想平平凡凡咁同我細佬一生一世，醫生，你可唔可以覆我呀？」
下一個留言，又係佢：「醫生，我知而家好夜，我而家用隻手hold住咗我細佬，我俾少少力去托住咗佢，呼，我希望佢唔會窒息啦，我會等你覆我」
下一個留言：「醫生，都係我呀，你覺得我就咁揸住佢會唔會加快佢壞死嘅速度呀？我係咁應該要好似心臟跳吓咁郁吓隻手，俾返啲生氣佢呀？」
下一個留言：「醫生，我想知我保得低我細佬嘅機會率有幾多？我已經覺得好似冇咁痛，係咪代表佢已經慢慢流逝，係咪已經開始冇知覺，我真係唔想去醫院呀，醫生，你可唔可以醒吓？」
我越聽越心酸，份早餐都食唔落啦我…先生，我真心希望你有去到醫院呀～
下一個留言：「呼，醫生，我以後可能都唔需要你，你置病人於死地，我打咗咁多次嚟你一次都冇覆返我，我一直都喺度等緊你嚟，我門鐘都冇響過。我條女坐撚斷咗我碌鳩，頭先佢仲要發脾氣話我鬧佢，我男人嚟㗎，有咩緊要得過我碌鳩呀，我仲要喊住同佢say sorry。佢而家喺我張床度瞓，你呢？你仲係瞓緊啦？我諗我以後都可以唔駛嚟睇你啦」
下一個留言：「對唔住，之前係我語氣重咗，我諗我怪錯咗你同我條女，佢原來比我想像中堅強。應該nothing啦而家，我有冇得揀delete咗啲留言佢㗎？」
冇呀。不過我交俾醫生份留言報告淨係寫咗『男病人懷疑自己下體受創，其後表示無恙』
#下次小心啲坐
