《逃避你》
♂：早晨
♀：早晨
♂：中秋你有冇野做啊？
♀：你想約我？
♂：我想啊，一直都想約你
♀：今次係咩事先？
♂：約你共渡中秋嘛⋯⋯
♀：得你同我？
♂：唔係你仲想有邊個？
♀：點知你！我以為你唔係好想見我添，第一次見完之後你都無獨自約過我
♂：我怕我約你你會唔得閒
♀：先生，你約我我唔得閒係一回事，但你好似連約都無約囉！講真你約我我幾時有拒絕過先？
♂：咁又好似無⋯⋯係唔係我幾時想約你就約啊？
♀：要睇我schedule囉
♂：你用咩去mark schedule?
♀：google calendar囉
♂：咁你可唔可以share你個schedule比我？
♀：嘩，突然間咁直接既
♂：咁我可以知道幾時搵你幾時可以約你嘛
♀：【連結】
♂：多謝
♀：我第一次share自己schedule比人囉
♂：所以我好開心
♀：有乜咁開心呢
♂：拎左你第一次
♀：妖！你有處女情意結？
♂：無啊，但第一次總會令人覺得珍貴
♀：但第一次就只有一次，下個月我再比schedule你就唔會有今次咁喜悅
♂：凡事都係隨次數而貶值，你可唔可以講你每次而對同一件事都可以保持到？呢個係人性黎
♀：我都唔得，所以人相處得耐，做既事愈多價值就愈低
♂：咁你明唔明點解我唔約你啦
♀：你唔約只無將個過程拉長，結果都係一樣
♂：我覺得每日同你傾計係好開心，每個唔同話題都令我了解你多少少，反而一見面就會講得好多，我怕有日會講晒我可以講既野
♀：你唔似係咁無話題既人
♂：再多話題都會有日講完，你幻想下，我同你相處十年二十年，我地仲可以傾乜？可能係聽朝樓下麵包舖做九折
♀：我唔想愛情變感情……
♂：呢樣野係必然喎
♀：如果你做唔到，其實我地一開始就做朋友，咁就係友情變感情，我接受到
♂：愛情要歷久常新，我地如果做到既話可以出到書喎
♀：出書就係你專長喇，我希望你搵到答案
♂：其實我好驚有日我唔知同你再講乜話題
♀：依家我地每日都傾得唔錯
♂：但每日要傾既我都會去諗，我怕有一日我諗唔出話題
♀：所以長傾不見係最最最最難
♂：兩個月，我地仲可以每日傾一樣野，好彩我當時講一個月零一日，再多我怕自己無野好講
♀：依家既模式，我覺得你要再諗諗，感情不進則退，我留意左一排，我地係維持係相同位置，每日傾到咁到咁上下就停，我唔知係好定壞，我地係咪需要有改變呢？
♂：不如我地見多少少？
♀：可以試下既
♂：聽日我搵你食lunch？
♀：我食飯得一個鐘，你ok既我無問題
♂：我想見到你
♀：我都好想見你⋯⋯
♂：咁聽日我搵你啦，晚安
♀：準時啊！我有野做，晚安
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
