#1124啟德需要您
啟德好難打，要靠您的每一票
#OnCall24小時
#我要選民見到我
#活動簡介
因為選區太多出入通道，而我嘅義工同物資有限，只係足夠讓我每次喺其中一個出入通道開一個站。
所以雖然我已經好努力開站，但依然有唔少街坊表示見唔到我😞。為左見到更多街坊（同展示我驚人嘅體力），喺今個星期六早上9點開始，我將會 #OnCall24小時，直至星期日朝早9點，喺區內開足一日街站，務求接觸曬區內唔同屋苑、唔同作息、唔同年齡、唔同職業嘅街坊。
#OnCall24小時 嘅意義，係希望同各位表達，無論你係乜野年齡、階層、職業，我都同樣重視你嘅意見，希望可以聽到大家嘅聲音，亦希望憑藉我嘅努力，可以彌補我資源嘅不足💪🏼。
#以下為辛酸參選歷程
#有興趣先睇
#極度長文
由我一年前決定落區開始，我就知道啟德呢區非常難打。
1. 地理位置。啟德中及南屬於九龍西選區，位於九龍西嘅邊界，但係因為啟德已被建制派佔據嘅關係，冇一個民主派議員嘅辦事處駐於啟德，為我提供支援。
2. 面積廣闊。除左民居之外，啟德中及南選區覆蓋左成個啟德郵輪碼頭，佔左九龍城區議會近1/3版圖。而區內四通八達，三個屋苑嘅居民用唔同通道進出，增加我宣傳嘅難度。
3. 多種屋苑。區內涵蓋公屋（德朗邨）、居屋（啟朗苑）及私人屋苑（啟德坊）住戶。而申請入園宣傳行政手續繁複，需要大量人員幫忙處理。
4. 需要輪班工作的居民。其實區內不少居民都從事輪班工作，未必能夠在我開街站時候與我接觸，而我同義工都係需要喺辦工時間番工，好難照顧番shift嘅居民。
以上種種，對缺少資源嘅我黎講，無疑係一個天嶄。
「你點解唔貼橫額宣傳下自己啊？」
「你要擺多啲街站先得架！人地同時間開三個站喎。」
成日都會聽到緊張我選情嘅街坊同我講，想多啲見到我嘅宣傳品、想我多啲落街俾街坊見到我。但因為義工人數少，直幡只有3張，易拉架只有3個（窮，冇計），而橫額位置更遠在太子道東采頤花園對面，實在好難可以做到廣泛宣傳。
為左接觸更多街坊，彌補劣勢，咏欣會喺今個星期六早上九時至星期日早上十時（11月2日至11月3日）， 喺全個選區所有出入口開設流動街站， 連續24小時。
#德朗 #啟德 #區議會 #候選人 #九龍城區 #公民黨 #泛民 #民主動力 #泛民區選 #啟德中及南 #啟朗 #天寰 #嘉匯
