（圖文不符）
啲人成日嘲笑啲「大媽」在公眾場所吵喧巴閉，講嘢大大聲，行為舉止不雅。
其實，喺美國，比「大媽」更失禮既「美國大媽大爸」分分鐘仲多。
可能因為佢地既體型比較巨大，「廢容量」相對亦較大。所以，佢地超鍾意大聲講廢話，大聲講粗口，大聲咁笑，大驚小怪。而女人要加多2樣「大」：衣著大膽，大聲尖叫。
我最憎坐美國內陸客機。啲人除咗飲大量既酒精飲品之外，仲會講大量既廢話。明明係兩個從未見過面既陌生人，坐兩隔離，竟然可以好似久別重逢既親人咁，好興奮，雞啄唔斷咁七情上面，高談闊論，傾足全程。
我係果啲一上機就想爭取時間休息既懶人。我會好有禮貌咁同隔離打招呼，然後就會戴眼罩瞓覺。奈何周圍都係啲「美國大媽大爸」，好似上咗（America’s got talent)咁，不斷博命提高聲線，同飛機引擎鬥大聲，睇下邊個可以勝出，做大聲公/婆之王，可以去拉斯維加斯做show。我又偏偏天生耳窿超細，戴唔落耳塞，唯有焗住戴耳筒聽音樂，搞到耳仔都痛埋。
我強烈建議所有航班設有靜音區，「口瀉症候群」患者不得購買此區的座位，違反者，大巴車佢🤐😤#大媽 #美國 #國內陸客機 #靜音區 #Americasgottalent #大聲公
