置業篇（二）
荷蘭房地產市場如何？
如果有考慮過喺荷蘭置業，就要認真了解荷蘭房地產市場喇
荷蘭樓價過去幾年持續上升，四大城市（Amsterdam，Utrecht，Den Hague，Rotterdam ）最為明顯。隨著越來越多國際學生同旅客，唔少當地人/投資者會大手買入房屋，然後出租俾學生/Airbnb以賺取利潤。
樓價持續上升另一個主因係房屋需求遠遠高於有關供應。荷蘭目前房屋短缺33萬多戶，佔全國住房存量4%以上；荷蘭政府大算15年內將數字降低到2%。不過，今年唔少樓宇發展項目因為氮危機（Nitrogen Crisis，【註一】）而大大影響進度；所以能唔能夠達到目標依然係一個大問號。
為打擊Airbnb/特意炒高租金嘅人，荷蘭政府會規定某些地區/物業一年內不可以短租超過兩個月，或者業主買入單位後必須自住一定時間方可房租。由於唔想俾太多外來人口購買當地房屋，想申請按揭喺人必須喺當地工作一定時間，有相關收入證明。連唔喺當地工作嘅荷蘭人都唔可以申請按揭。而「Buy-to-let」（買黎放租）只適用於個別大城市，一啲小城市嘅市政府會對呢方面加以管制。
最近荷蘭經濟受新冠肺炎有所影響，唔少大學改用網上教學，特意搬到荷蘭嘅國際學生數量大大減少；同時旅客比往年少，令租金受壓，唔少本來以短租為主嘅投資者急急將手上物業放盤。經濟同出租市場受影響，咁房地產買賣呢？因為疫情買樓比以往困難；銀行進一步收緊樓按申請資格，包括申請人需要雇主填寫「可見將來唔會解僱申請人」嘅聲明。有銀行早前估計今年成交量會比往年少，樓價亦會回落【註二】。但根據行內人講法，今年第二季成交量反而比往年高，最新數字亦顯示荷蘭樓價比去年同期上升超過7%【註三】。荷蘭有銀行就話肺炎對樓價嘅影響應該會喺下年先慢慢浮現出現【註四】。
實質上係點，真係到時先知喇。
之前提過，喺荷蘭買樓，最多可以做十成按揭。但是講就好聽，實質操作非常困難。下次再慢慢同大家解釋。
（資料只供參考；如有疑問，請向專業人士查詢）
【註一】荷蘭唔少大型工程因為氮排放量違反歐盟標準被逼暫停https://www.greenfish.eu/the-dutch-nitrogen-crisis/
【註二】https://economics.rabobank.com/publications/2020/june/netherlands-declining-home-sales-and-falling-house-prices-expected
【註三】https://nltimes.nl/2020/08/21/netherlands-house-prices-still-rising-74-july
【註四】
https://www.abnamro.com/en/newsroom/press-releases/2020/projections-adjusted-upwards-for-2020-housing-market-slowdown-still-expected-in-2021.html
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭買樓 #歐洲買樓 #荷蘭生活知多啲 #買樓 #置業
房屋成交量查詢 在 統計資訊整合查詢 - 內政部不動產資訊平台 的相關結果
設有戶籍宅數, 戶籍數, 設有戶籍住宅之平均人口數, 設有戶籍住宅之平均戶數, 戶量, 普通家戶數. 選取統計項目. 已選項目. 移除已選項目. loading. ... <看更多>